沙咀(勞教中心）一直以來比人既感覺都係好神秘，有好多不為人知既體罰，落雞翼，炒芥蘭，刨冰，呢啲都係為人熟悉既，其實我都覺得自從同囚上映之後係人道左好多，雖然自己未體驗過以前既沙咀,但係聽前人講落，都知道以前既沙咀係唔係咁人道，呢啲內容遲下再講，呢個post我想講沙咀裏面既日程。

沙咀每日都4:45起身，如果冬天就4:30起身，因為都多野要摺，4:45至6:00呢段時間係攞來摺野，梳洗，幫對皮鞋拋光，6:00之後就等值日官巡視，巡完就等出倉check鞋，對鞋唔掂就冇咩野既，可能會被踩一踩鞋頭，裂左就磨返，check完鞋就出倉，大約6:30，掃一掃個操場，等7:15上體育堂，最辛苦就莫過於上體育堂，裏面既體能動作就唔係普通掌上壓，係有特色既體能動作，完左體育堂之後都8:00，之後就沖涼等食早餐，早餐大約8:30食，食到9:00左右就步操。

步操就唔係話唔辛苦，但係都好過上體育堂，步操起碼操到12:00，跟住就抖陣等12:30午餐，食到13:15接更，13:45就離開飯堂繼續步操，下晝烈日當空步操都幾係野，中途都有休息既，操到17:30就食晚餐，有啲阿sir好人既，就會開部電視比我哋睇下，不過都係睇到18:30，跟住就夜間步操15分鐘，大約19:00就返到倉等值日官巡，巡完自己時間，磨鞋，睇書，做下清潔都得，搞到21:00瞓覺
呢個基本上就係一日既行程，真係幾單調架，每日都係loop同一樣野，寫住咁多先。

hksun_1204