今早去 #荔枝角收押所 探訪快將排到期審訊的手足，由於之前公務探訪傾得多所以知道手足係喜愛玩音樂夾band的，所以就傾開夾band。手足話佢鍾意嘅音樂人 #Rubberband #鄭中基 #Kolor 等等最近都紛紛開show，好想有得睇😢。我哋又講到女子樂隊 #Fiester，當然有講到好勁嘅scream，臨別前手足話有機會希望話俾佢哋知有人好欣賞佢哋，叫佢哋都要加油。

有去過探訪的應該不會對這張小小的locker receipt感到陌生，因為入內只能帶身份證及紙巾，其餘乜鬼都要鎖在locker。有試過太多人登記了入內而冇晒locker，亦有見過有家屬探訪完唔見咗receipt，又要搞一輪。

今天等候時遇上探訪 #快必 的朋友，知道他就快要上庭。離開收押所時亦遇上正前往探訪的曾因瑩，知道阿瑩都常有探訪手足的，大家都記得勿忘牆內的人。

韋少力