今日，我哋潘智鍵同王德源兩位議員去到赤柱以親友身份探望張可森議員。

佢都係好精神。雖然仲係單獨囚禁緊，但係佢而家係入面睇緊好多書，仲話已經睇晒赤柱入面可以借嘅3本村上春樹。因為入面啲枱櫈高低唔就手，寫字唔係好舒服，上個月仲有支筆爆墨，所以寫唔到太多信。但係都仍然好多謝大家寫俾佢嘅信。

啊Sam同我哋講，想大家聽多啲廣東歌，因為「有廣東話就有香港」；平時係單人囚室入面哼廣東歌，就會覺得自己同香港係有連結。

大家如果有信想寫俾佢，可以交俾我哋屯網嘅議員，我哋會代為處理。

屯門社區網絡