【專訪】被控 8.31 暴動判無罪 一個香港 YouTuber 甩掉枷鎖為夢想掙扎//被控暴動罪至今一年半,走過高山低谷。裁決前,葉君誠(誠誠)接受《立場新聞》專訪,形容背負暴動罪,就像一個人被枷鎖綑綁,「但我就係一個枷鎖入面掙扎嘅人」。今日獲判無罪,栓在身上的枷鎖無了,誠誠笑說:「呢個枷鎖殺我唔死,我就更加勁。」
被制服在地時,誠誠仍未意識到自己被拘捕。直到身上的警員用力按壓,令他難以呼吸,他才察覺自己已經失去自由。
被送到法院提堂,他以為黑暗要過去,沒想到踏足更痛苦的地獄。上庭前要先見律師,由拘留室行去律師接見室,整條走廊都是其他被捕示威者的哭泣聲、哀嚎聲,「全部喊得好慘」。嚎叫聲如刀刺在他身上,他一步一步走過這道地獄迴音廊,整個人將近崩潰,「究竟係發生緊啲咩事呀?我係咪犯咗啲咩彌天大罪呀?」這一幕,他永遠記得。
到終可踏出法院,誠誠卻在猶豫,那時他朋友不多,家人亦不支持,他怕一打開門,只有自己一個。步出法院,卻見到面露擔憂的一班朋友,還有旁聽師用雨傘撐起的一條隧道,有中年婦人向他塞錢,問他要不要搭的士,源源不絕的加油說話、支持、拍膊頭,「我人生係未體驗過呢一啲愛」。
誠誠和家人關係從來不好,家人不理解他拍片的興趣,亦因政治分歧而常和他衝突,激烈時父親甚至會動手。被捕後,誠誠沒有得到家人的支持,反遭父親冷嘲熱諷:「抵死啦,又出去搞搞震,警察拉你啱㗎啦。」誠誠對父親反應不感失望,因為他從來沒有任何期望。他以為已習以為常,直到聽到父親說:「你知唔知你嗰一刻俾人拉咗之後要搜屋幾羞家,畀鄰居、管理處知道, (我)冇你呢個仔啊!」原來還是會受傷。
2019 年 11 月,誠誠在社交平台發表貼文:「呢段時間我的確背負住罪名,就算係而家都會覺得怕,隨時都會失去自由同時間。但與其咁樣頹落去,不如繼續創作⋯⋯同樣地我心態都要俾(比)以往更加享受同珍惜自己尚有嘅自由,萬一將來我有咩事消失咗,起碼都留低咗我嘅足跡我嘅創作,等人地知道有我呢個人嘅存在。」
誠誠(在判決後)接受傳媒訪問,興奮地表示要和朋友「食嘢、打麻雀、拍片,做乜都得!」下一刻,他換上認真的語氣,對著鏡頭鼓勵正被起訴的抗爭者「要繼續堅持」。他再次感激旁聽師的支持,「老實講我唔係佢哋邊個」,旁邊師卻願意花時間關心和擔憂他,令他感動,「香港人喺好有愛同好團結」。他的案件結束了,但他希望大家繼續關心其他被捕人士。//
📌 專訪全文:《立場新聞》