我今日去咗探斯叔（長文）
//仲喺醫院
大家都知斯叔係個好感性嘅人，仲係超級大喊包，斯叔一見到我哋就好激動，好似細路仔喊曬口咁話好掛住我哋，喊完一輪先開口講嘢。斯叔仍然住喺醫院，身體都係有啲不適（我見佢嗰陣精神幾好吖，喊都要有力先喊到㗎嘛，所以大家唔使擔心）而且應該要隔離完先入得返去，但唔知會安排去邊度，佢估計一定唔會去快必嗰度。（邊有咁著數，俾你喺入面三點維權吖）快必佢就無見過，但佢曾經見過胡志偉個背影一次。
牆內生活
宜家主要喺醫院獨自一人，每日淨係沖涼嗰陣可以去大棚度沖，喺嗰陣先可以見下其他人傾兩句。
斯叔話喺入面冇咩搞，親友入嘅書好快睇曬，仲想入多幾本。不過佢都希望保持每日嘅生活規律，堅持早晚做運動同祈禱（係吖，斯叔話自己喺入面會逐漸邁向領洗嘅步伐）樞機曾經去探過佢兩次，宜家佢早晚都會同天主傾計亦不斷睇宗教書籍。可能受情緒影響，一直瞓得唔係咁好，下午就算有時間佢都唔會瞓，因為佢擔心夜晚會瞓唔返。雖然瞓得唔好，但佢瞓得安樂，因為心中無愧。
寫書？
斯叔話，人人都寫書，唔通佢都寫書咩？佢覺得淨係寫獄中嘅經歷同感受好無新意，所以佢宜家諗緊兩個方向，1.「囡囡家書」，將佢喺獄中同囡囡往來嘅信，輯錄成書。2.寫一本與獄中生活無關嘅小說（有聽開上綱嘅自己友都知，斯叔寫嘅廣播劇好感動㗎！）
同自己友講
斯叔係一個好重情嘅人，就算喺入面都一直好掛住自己友（佢仲問我，自己友有冇掛住佢，唔好唔記得佢吖！我有幫你哋同佢講，你哋都好掛住佢！）佢想同自己友講，最緊要！自覺！自醒！咁樣佢嘅遇到嘅一切就值得！不要忘記！記得堅持！
－－－－－－－－－－－－－－－
十五分鐘好快過，一計時我嘅腦海就一片空白，因為想講嘅嘢有好多，擔心會唔夠時間同斯叔講⋯⋯
我就知，呢個大喊包一定會喊得好犀利，講講下啲眼淚好似瀑布咁流，今次我叻女吖，無同佢一齊喊！
我同佢講，見我哋嘅時候唔準喊！因為見面要開心！唔準成日喊，因為壞心情會影響身體，要有健康身體，要平安，我哋出到嚟先可以再聚！
個大喊包成日都好驚我哋會唔記得佢，要我哋應承佢，唔好淨係嚟一次。我同佢講，傻佬，我住你附近之嘛，行都行都過嚟啦！點會淨係探你一次吖！我時時嚟你唔好嫌我煩添吖！
個大喊包時不時就要我哋除口罩俾佢望下個樣，傻佬！我同你講返！第時出嚟唔好唔記得我咩樣吖！
個大喊包話，最難受係，見到面，但掂唔到摸唔到嗰種感覺。我同佢講，所以你更加應該調整心態，健健康康出返嚟，咁先有得攬住我哋嘛！//
妹仔Coco
//仲喺醫院
大家都知斯叔係個好感性嘅人，仲係超級大喊包，斯叔一見到我哋就好激動，好似細路仔喊曬口咁話好掛住我哋，喊完一輪先開口講嘢。斯叔仍然住喺醫院，身體都係有啲不適（我見佢嗰陣精神幾好吖，喊都要有力先喊到㗎嘛，所以大家唔使擔心）而且應該要隔離完先入得返去，但唔知會安排去邊度，佢估計一定唔會去快必嗰度。（邊有咁著數，俾你喺入面三點維權吖）快必佢就無見過，但佢曾經見過胡志偉個背影一次。
牆內生活
宜家主要喺醫院獨自一人，每日淨係沖涼嗰陣可以去大棚度沖，喺嗰陣先可以見下其他人傾兩句。
斯叔話喺入面冇咩搞，親友入嘅書好快睇曬，仲想入多幾本。不過佢都希望保持每日嘅生活規律，堅持早晚做運動同祈禱（係吖，斯叔話自己喺入面會逐漸邁向領洗嘅步伐）樞機曾經去探過佢兩次，宜家佢早晚都會同天主傾計亦不斷睇宗教書籍。可能受情緒影響，一直瞓得唔係咁好，下午就算有時間佢都唔會瞓，因為佢擔心夜晚會瞓唔返。雖然瞓得唔好，但佢瞓得安樂，因為心中無愧。
寫書？
斯叔話，人人都寫書，唔通佢都寫書咩？佢覺得淨係寫獄中嘅經歷同感受好無新意，所以佢宜家諗緊兩個方向，1.「囡囡家書」，將佢喺獄中同囡囡往來嘅信，輯錄成書。2.寫一本與獄中生活無關嘅小說（有聽開上綱嘅自己友都知，斯叔寫嘅廣播劇好感動㗎！）
同自己友講
斯叔係一個好重情嘅人，就算喺入面都一直好掛住自己友（佢仲問我，自己友有冇掛住佢，唔好唔記得佢吖！我有幫你哋同佢講，你哋都好掛住佢！）佢想同自己友講，最緊要！自覺！自醒！咁樣佢嘅遇到嘅一切就值得！不要忘記！記得堅持！
－－－－－－－－－－－－－－－
十五分鐘好快過，一計時我嘅腦海就一片空白，因為想講嘅嘢有好多，擔心會唔夠時間同斯叔講⋯⋯
我就知，呢個大喊包一定會喊得好犀利，講講下啲眼淚好似瀑布咁流，今次我叻女吖，無同佢一齊喊！
我同佢講，見我哋嘅時候唔準喊！因為見面要開心！唔準成日喊，因為壞心情會影響身體，要有健康身體，要平安，我哋出到嚟先可以再聚！
個大喊包成日都好驚我哋會唔記得佢，要我哋應承佢，唔好淨係嚟一次。我同佢講，傻佬，我住你附近之嘛，行都行都過嚟啦！點會淨係探你一次吖！我時時嚟你唔好嫌我煩添吖！
個大喊包時不時就要我哋除口罩俾佢望下個樣，傻佬！我同你講返！第時出嚟唔好唔記得我咩樣吖！
個大喊包話，最難受係，見到面，但掂唔到摸唔到嗰種感覺。我同佢講，所以你更加應該調整心態，健健康康出返嚟，咁先有得攬住我哋嘛！//
妹仔Coco