【專訪】6 人被控串謀暴動判無罪 年輕 rapper：願爭取自由的人擁有自由
//2019 年 10 月 1 日清晨，警方「爆門」進入銅鑼灣一個單位，搜出白電油、玻璃樽及布條等，落案控告單位內的 5 人（另有一被告兩個月後被捕），包括「袋鼠」串謀縱火罪，案件去年 11 月開審前，控方突改控串謀暴動罪。
20 歲出頭的「袋鼠」是 6 名被告之一。他喜歡音樂，被捕後一度陷入抑鬱，終日躲在家中，開始創作 rap，然後上載至自己的 YouTube 頻道「kangaroo 袋鼠」。他的創作沒太多人留意，頻道也僅有 37 個 subscriber，但對他來說，這是自我療癒的方式。
「我其實係無（被捕）心理準備㗎，喺上庭期間，突然間有種感覺，啊，原來我已經去到呢個地步，成為嗰啲被捕數字嘅其中一個。」
袋鼠形容，審訊完結到等待裁決的日子，很頹廢，「喺度等緊件事完」，又須為一旦罪成作好打算，處理一些生活瑣碎事，例如保險、分期購物的供款安排，當然還有最放不下、對親友的牽掛：「如果我唔喺度，呢幾年點算呢？監獄入面個環境不會變，但社會每日都變緊，比較多擔心家人同朋友。」
袋鼠估計案件最壞情況是即時入獄，「我都唔知入面係點，聽講好似可以讀書，到時睇下再有啲咩想做，喺入面試下做囉，唔通白踎幾年咩？ 」至於最好情況，當然是當庭無罪獲釋：「我諗我會即刻走去食返餐好嘅，因為呢一年，除咗瞓唔到覺，胃口都細咗好多，我最想都係食返餐好嘅 ！」
袋鼠說，或者之前已有情緒問題而不自知，但被捕的確是他情緒崩潰的觸發點，「呢單 case 令我真係要去睇醫生求助，而家每日食緊 4 至 5 粒藥，先維持到我正常的情緒，可以咁樣去交談。」
這段由被捕到裁決的灰暗日子，袋鼠意外地重拾對音樂的興趣，開始嘗試創作說唱歌曲。他笑言自己不擅詞令，所以就將平時未曾表達的感受和心底話，通通寫進歌裡。
移民潮再現之下，未來充滿不確定，「袋鼠」也難免想到去留問題，縱使早有定論，「我諗我最後都係會繼續留返喺呢個地方」，就算被判罪成，「我要坐監，音樂方面發展唔到落去，我應該都會選擇繼續留返喺度，我始終放唔低呢個地方，喺呢度長大，你叫我突然搬去第二度 ….要我適應一個新環境唔難，但要我唔再喺呢度生活，我始終唔捨得。」//
📌 專訪全文：《立場新聞》
📌 專訪片段：《立場新聞》 YouTube / Facebook
//2019 年 10 月 1 日清晨，警方「爆門」進入銅鑼灣一個單位，搜出白電油、玻璃樽及布條等，落案控告單位內的 5 人（另有一被告兩個月後被捕），包括「袋鼠」串謀縱火罪，案件去年 11 月開審前，控方突改控串謀暴動罪。
20 歲出頭的「袋鼠」是 6 名被告之一。他喜歡音樂，被捕後一度陷入抑鬱，終日躲在家中，開始創作 rap，然後上載至自己的 YouTube 頻道「kangaroo 袋鼠」。他的創作沒太多人留意，頻道也僅有 37 個 subscriber，但對他來說，這是自我療癒的方式。
「我其實係無（被捕）心理準備㗎，喺上庭期間，突然間有種感覺，啊，原來我已經去到呢個地步，成為嗰啲被捕數字嘅其中一個。」
袋鼠形容，審訊完結到等待裁決的日子，很頹廢，「喺度等緊件事完」，又須為一旦罪成作好打算，處理一些生活瑣碎事，例如保險、分期購物的供款安排，當然還有最放不下、對親友的牽掛：「如果我唔喺度，呢幾年點算呢？監獄入面個環境不會變，但社會每日都變緊，比較多擔心家人同朋友。」
袋鼠估計案件最壞情況是即時入獄，「我都唔知入面係點，聽講好似可以讀書，到時睇下再有啲咩想做，喺入面試下做囉，唔通白踎幾年咩？ 」至於最好情況，當然是當庭無罪獲釋：「我諗我會即刻走去食返餐好嘅，因為呢一年，除咗瞓唔到覺，胃口都細咗好多，我最想都係食返餐好嘅 ！」
袋鼠說，或者之前已有情緒問題而不自知，但被捕的確是他情緒崩潰的觸發點，「呢單 case 令我真係要去睇醫生求助，而家每日食緊 4 至 5 粒藥，先維持到我正常的情緒，可以咁樣去交談。」
這段由被捕到裁決的灰暗日子，袋鼠意外地重拾對音樂的興趣，開始嘗試創作說唱歌曲。他笑言自己不擅詞令，所以就將平時未曾表達的感受和心底話，通通寫進歌裡。
移民潮再現之下，未來充滿不確定，「袋鼠」也難免想到去留問題，縱使早有定論，「我諗我最後都係會繼續留返喺呢個地方」，就算被判罪成，「我要坐監，音樂方面發展唔到落去，我應該都會選擇繼續留返喺度，我始終放唔低呢個地方，喺呢度長大，你叫我突然搬去第二度 ….要我適應一個新環境唔難，但要我唔再喺呢度生活，我始終唔捨得。」//
📌 專訪全文：《立場新聞》
📌 專訪片段：《立場新聞》 YouTube / Facebook