被捕人士資訊部
Forwarded from
12港人關注組
【熱戀】
「來到西貢海邊,不禁回想起同你既點點滴滴,上年既冬天,我哋幾乎晚晚都去海邊吹下海風傾下計。細數日子,我哋已經三個幾月無見面,我好掛住你啊,你有無掛住我啊?我日日都睇返同你既相,聽返你留比我既語音,仿彿你仲係我身邊一樣~
你唔係一個識講情話既男孩子,而且都唔中意許下承諾,但你係一個好照顧女朋友既男朋友,每日接送返工、放假幫我按摩,親手煮我中意食既野,一直用行動表達愛意既你,令我哋既感情一直維持係熱戀期。
我記得你好認真咁同我講過:我好希望未來既生活都有你陪伴,直至老到不能自理既時候就要拖住手一齊離開呢個世界。
一直嘻皮笑臉既你極少一反常態咁正經,令我好深刻,而我都一直放係心底裏。我真係好感恩係咁大既世界裏,能夠遇上一個咁簡單咁純樸嘅男孩子。
我知道未來會有一段時間,我哋需要各自經歷,但我始終相信時間同距離唔會係問題。
我仍然期待能與你相見的那一天,仍然心懷希望能與你度過後續的人生。 我遇上你真的很幸運,請你一定要平安歸來。
最後亦想透過12港人關注組多謝身邊大家既關心同支持,願好人都能夠平安。」
#BringThemBack
#save12hkyouths
#save12