講起中秋，又想介紹下好多人以為農曆就係陰曆呢個小迷思。
其實，農曆係陰陽合曆，即係由太陽嘅照射方向同月球圓缺嘅數據組成，裡面包括哂每個節慶同廿四節氣。所以其實農曆實際每一個細節都係地球科學嚟。

好似秋分同中秋咁：

秋分，係講緊黃經180度，即係太陽對北半球嘅日照減少到日夜各分一半時，實質就係地球公轉至太陽減少照射達至日夜平衡時，屬陽曆部份；

而中秋，就係八月十五月圓之時，亦即係月球圍繞地球公轉至相對位置發生嘅天文現象，係陰曆部份。

所以somehow英文裡面將農曆新年叫做lunar new year月曆新年，並唔係完全正確架。

由於月球運動軌道同太陽照射時間每年都會有分歧，所以中秋同秋分先後次序可以有唔同。
正如立春同春節嘅先後每年都有唔同，呢個就係點解廿四節氣同傳統節慶日子會有錯開嘅原因嘞。

#廿四節氣 #中秋月團圓