整緊都已經識發光，食完仲得了嘅？！

啱啱過去呢個下晝，50幾位同 #Edinburgh 同附近嘅港人蒞臨參加 #冰皮月餅工作坊，同我哋歡度呢個充實嘅時光，一同學習並且即場製作呢個來自香港嘅中秋節傳統食品。

感謝 @hongkongersuk 協助我哋舉辦呢次活動，亦都感謝 @thehkscots 同工 同大家重溫 #嫦娥奔月、 #抗元暴政 等神話同歷史故事。

我哋計劃緊未來一年嘅社區活動同發展方向，繼續凝聚喺 #蘇格蘭 嘅港人社群，舉辦更多節慶活動，例如同大家 #搓湯圓 過 #冬至 ，一齊製作農曆新年食品等。歡迎蘇格蘭嘅港人喺下面留言或者inbox/DM 我哋，讓我哋知道大家嘅分布同參加活動嘅意向。

有人話，喺英國生活嘅港人往往係自生自滅，得唔到適切嘅幫助，無法融入港人社群同本地社會。但喺蘇格蘭，有我哋同大家同行，同大家喺度扎根，好好生活。

有嘢要搵我哋幫手？即填：
https://forms.gle/n8cSUkW2HS19BRVg7

想同我哋並肩作戰，參與我哋日常運作？
Get Involved!
https://forms.gle/HCvXDXrpUMa2TtwB9