【黃標精選師｜銀行收息穩袋5%】
英國呢個星期利率急升，已經聽到本身諗住借錢換樓嘅本地鄰居慘叫，不過利息升咗，對食息一族嚟講，就不失為一個好消息，好似Barclays咁，如果你係現有客戶，就不妨開個Rainy Day Saver戶口，不過就要參加Blue Rewards Scheme，即係每個月要放800鎊入去，兼且有2項自動轉帳，咁就可以享有5.12%利息，上限係5,000鎊，一年就收到250鎊，若果你用埋佢其他服務，好似按揭、家居保險，每個月最多又可以拎多5鎊回贈。
不過，如果你唔係Barclays客仔，就可以用Nationwide。雖然佢利率係5%，而且每個月又要放1,000鎊入戶口，最多又只有1,500鎊可以收到高利息，但若果你係由其他銀行轉過去，只要你60日內喺個戶口加到2項自動轉帳，咁佢就即刻送你200鎊。如果閒錢多，而且又唔介意綁死舊錢，咁可以去Secure Trust Bank，佢1年定息都有4.2%，最多去到100萬鎊。調返轉，如果無咁多閒錢，Virgin Money就有個M Plus Saver Account，1,000鎊到2.5萬鎊都收到2%利率，多出嘅都有1.5%，都算唔錯。
除咗自己可以賺息，家長們記得用埋小朋友個Account。為咗鼓勵小朋友儲蓄，啱啱出世嘅BB去到16歲都可以喺Virgin Money開戶口，利率講緊有成3.29%，仲要無存款上限，不過想提款，就要30日前通知。最後，都要提吓大家，利息係要報稅，同埋喺咩銀行開戶口梗係唔係只係睇利息，有時都要睇埋服務，我講以上例子，只係想大家知道依家銀行用緊咩Plan搶客，希望鼓勵大家上網比較吓有無其他啱自己嘅選擇，如果有啲回報更好嘅，不妨留言分享吓。
作者：Charlotte
逢周六英國時間上午11時 / 香港時間下午6時刊出
全文請到Patreon免費閱覽
https://www.patreon.com/posts/73020959
#黃標精選師 #專欄
英國呢個星期利率急升，已經聽到本身諗住借錢換樓嘅本地鄰居慘叫，不過利息升咗，對食息一族嚟講，就不失為一個好消息，好似Barclays咁，如果你係現有客戶，就不妨開個Rainy Day Saver戶口，不過就要參加Blue Rewards Scheme，即係每個月要放800鎊入去，兼且有2項自動轉帳，咁就可以享有5.12%利息，上限係5,000鎊，一年就收到250鎊，若果你用埋佢其他服務，好似按揭、家居保險，每個月最多又可以拎多5鎊回贈。
不過，如果你唔係Barclays客仔，就可以用Nationwide。雖然佢利率係5%，而且每個月又要放1,000鎊入戶口，最多又只有1,500鎊可以收到高利息，但若果你係由其他銀行轉過去，只要你60日內喺個戶口加到2項自動轉帳，咁佢就即刻送你200鎊。如果閒錢多，而且又唔介意綁死舊錢，咁可以去Secure Trust Bank，佢1年定息都有4.2%，最多去到100萬鎊。調返轉，如果無咁多閒錢，Virgin Money就有個M Plus Saver Account，1,000鎊到2.5萬鎊都收到2%利率，多出嘅都有1.5%，都算唔錯。
除咗自己可以賺息，家長們記得用埋小朋友個Account。為咗鼓勵小朋友儲蓄，啱啱出世嘅BB去到16歲都可以喺Virgin Money開戶口，利率講緊有成3.29%，仲要無存款上限，不過想提款，就要30日前通知。最後，都要提吓大家，利息係要報稅，同埋喺咩銀行開戶口梗係唔係只係睇利息，有時都要睇埋服務，我講以上例子，只係想大家知道依家銀行用緊咩Plan搶客，希望鼓勵大家上網比較吓有無其他啱自己嘅選擇，如果有啲回報更好嘅，不妨留言分享吓。
作者：Charlotte
逢周六英國時間上午11時 / 香港時間下午6時刊出
全文請到Patreon免費閱覽
https://www.patreon.com/posts/73020959
#黃標精選師 #專欄