【伍健偉近況更新】

自從上次判詞後，佢話要好好感受「獨」自生活嘅時間。經歷咗第一次閉關唔見人嘅星期日，呢兩日去探訪佢嘅成員見到發福咗呀K，佢鬼馬地唧起少少腰間嘅肥肉，笑言過往喺牆外都未必每日食足三日，而家雖然少咗食物選擇，但飯量比過往多，加上睇書坐喺度唔郁又懶做運動，圓潤咗啲⋯😂

佢話太悶申請咗返工，做痴信封。做咗一個星期就加人工，係史上返過最快加人工嘅工😂

經過咗一個月，已經慢慢適應牆內定時嘅起居生活，收到好多信，其中包括有五十路題材嘅甜故同靚相，佢都覺得好有趣。 (歡迎更多重口味故事😂)

當講到未來正式判刑後只得番每月兩次嘅探訪，佢表示想再少啲見親友，到時可以冇咁唔習慣⋯又唔想大家咁辛苦撲嚟撲去咁。當聽到成員回覆：「即使要每日用一個上午嘅時間等候，見面嘅15分鐘仍然好珍貴。」眼神中流露出嗰一絲絲唔捨得就知你咩料啦衰仔包，懶型🤣

Btw，由於呀K想要為佢設計嘅信紙，所以由下星期開始，天水圍、元朗同葵廣嘅部分黃店同辦事處都會有得拎，想寫信比K嘅街坊可以帶個$2郵票嚟換，以行動繼續支持—— 燕子生命、抗爭點滴 Stories of Resistance 合作嘅【寫信師計劃】💌

喺度特別鳴謝咁多位同路人不辭勞苦協助聯絡！💛
(更多詳情將於稍後公布)

–轉自 @tswconnection