To Guyz:
Yo!! 大家好,又係我啦,最近天氣越嚟越熱,熱到坐喺度咩都唔做都出晒汗。完全冇心機做任何野,地獄TAT。
上個星期開始咗跑步,依個天氣唔駛10分鐘已經變咗做水人,除咗做運動之外,就係不斷練習畫花體字,為出冊後重回紋身行業做準備,所以最近啲時間都唔係幾夠用,咁我更新嘅時間會慢咗,請見諒。
BTW, 大家都可以cm/inbox我,我都會覆返大家㗎!!今個月睇緊一本林夕嘅散文詩集「拼命無恙」,其中有一段幾有趣,想分享吓:
「摩西分紅海出埃及
黑壓壓的人分開人海
救護車緩緩走過
人潮合攏回一片人海
本來就是自願進去的
又可以走出哪裏去呢
被困住的不是他們
怕失去自由的人
已經有了自由的心
被包圍的是
最有權力的
囚徒
失去反對或贊成的
自由
-出xx記
林夕」
唔知大家睇完又有咩feeling呢,可以cm話畀我知,大家分享吓。嗯嗯😄啊,係啦,我依幾日都收到好多朋友嘅來信,但我發現好多朋友都冇留回郵地址,咁的話我好難回信啵。
所以如果想寫信比我嘅朋友記得留返個回郵地址,同埋記得寫喺信裏邊,因為我要申請先拎到信封,而且都唔知邊個打邊個,大家留意返啦!!
依個天氣,好想坐喺冷氣房食西瓜,唉,仲有17個月先有得咁做,如果聽朝一打開眼就出冊,你話幾好呢。但唔緊要啦, 17個月其實都好快過,而家都已經過咗7個月啦,頂住!!😠好啦,今次講住咁多先,下次再講過,天氣炎熱記得飲多啲水啊,願大家平安,健康,Peace and Love !!
Ps: 啱啱聽收音機,發現到個電台會播Hip Hop,但聽咗半首就冇咗了,仲要收得勁差,應該係大陸台,係FM 92左右。唉,好耐冇聽過Hip Hop了🥲
Lil Saiyan
23.5.2021
Yo!! 大家好,又係我啦,最近天氣越嚟越熱,熱到坐喺度咩都唔做都出晒汗。完全冇心機做任何野,地獄TAT。
上個星期開始咗跑步,依個天氣唔駛10分鐘已經變咗做水人,除咗做運動之外,就係不斷練習畫花體字,為出冊後重回紋身行業做準備,所以最近啲時間都唔係幾夠用,咁我更新嘅時間會慢咗,請見諒。
BTW, 大家都可以cm/inbox我,我都會覆返大家㗎!!今個月睇緊一本林夕嘅散文詩集「拼命無恙」,其中有一段幾有趣,想分享吓:
「摩西分紅海出埃及
黑壓壓的人分開人海
救護車緩緩走過
人潮合攏回一片人海
本來就是自願進去的
又可以走出哪裏去呢
被困住的不是他們
怕失去自由的人
已經有了自由的心
被包圍的是
最有權力的
囚徒
失去反對或贊成的
自由
-出xx記
林夕」
唔知大家睇完又有咩feeling呢,可以cm話畀我知,大家分享吓。嗯嗯😄啊,係啦,我依幾日都收到好多朋友嘅來信,但我發現好多朋友都冇留回郵地址,咁的話我好難回信啵。
所以如果想寫信比我嘅朋友記得留返個回郵地址,同埋記得寫喺信裏邊,因為我要申請先拎到信封,而且都唔知邊個打邊個,大家留意返啦!!
依個天氣,好想坐喺冷氣房食西瓜,唉,仲有17個月先有得咁做,如果聽朝一打開眼就出冊,你話幾好呢。但唔緊要啦, 17個月其實都好快過,而家都已經過咗7個月啦,頂住!!😠好啦,今次講住咁多先,下次再講過,天氣炎熱記得飲多啲水啊,願大家平安,健康,Peace and Love !!
Ps: 啱啱聽收音機,發現到個電台會播Hip Hop,但聽咗半首就冇咗了,仲要收得勁差,應該係大陸台,係FM 92左右。唉,好耐冇聽過Hip Hop了🥲
Lil Saiyan
23.5.2021
【收集上庭前的打氣說話】
吳生將會喺5月31日就47人案上庭,如果大家有任何打氣說話都可以喺下面留言,小編會整理好再轉交吳生,為佢送上一份支持!
*小編會於5月28日整理留言轉交吳生
----------------------------------
吳政亨(李伯盧)關注組
吳生將會喺5月31日就47人案上庭,如果大家有任何打氣說話都可以喺下面留言,小編會整理好再轉交吳生,為佢送上一份支持!
*小編會於5月28日整理留言轉交吳生
----------------------------------
吳政亨(李伯盧)關注組
10.1遊行眾被告 應該要獲頒好市民獎
//10.1 遊行案暫時未判刑,但法官已經講明會重判咁滯,想將當日全港所有暴力都牽扯到被告身上,話「隊頭和平,隊尾暴力,理解唔到點解兩者完全冇關連」。下?咪就係因為一個隊頭,一個隊尾囉。隊頭之所以和平咪就係因為所有被告喺度維持秩序,而隊尾冇囉!點解隊尾冇人維持秩序?因為警察唔肯發出不反對通知書俾民陣囉!我真係理解唔到個法官理解唔到啲咩。
呢排判刑成日會話要考慮2019年至今嘅社會情況。考慮返當時有咁多人傾向使用武力嘅時候,竟然有被告一行人願意冒刑責都要盡量勸喻、協助市民維持和平方式表達訴求,簡直應該頒個好市民獎啦!呢個係減刑因素,邊有可能反而變咗加刑因素?堅持和平都係罪?應該見住暴力衝突一定發生而坐喺度唔出聲唔做嘢,由得人freestyle咁打先係唯一合法而正確嘅處理方式?
睇完呢單新聞,我對嚟緊1.19單案都越嚟越唔樂觀,到時個官又會話無法理解我同打警察班人邊有可能無關,然後就將所有罪名同責任都推晒喺我身上,起碼又坐多一年,真係唔知total要找幾耐數先找得完。我真係好驚你等唔到我,好驚會失去你,到時我應該會灰到寧願被判終身監禁。//
劉頴匡
//10.1 遊行案暫時未判刑,但法官已經講明會重判咁滯,想將當日全港所有暴力都牽扯到被告身上,話「隊頭和平,隊尾暴力,理解唔到點解兩者完全冇關連」。下?咪就係因為一個隊頭,一個隊尾囉。隊頭之所以和平咪就係因為所有被告喺度維持秩序,而隊尾冇囉!點解隊尾冇人維持秩序?因為警察唔肯發出不反對通知書俾民陣囉!我真係理解唔到個法官理解唔到啲咩。
呢排判刑成日會話要考慮2019年至今嘅社會情況。考慮返當時有咁多人傾向使用武力嘅時候,竟然有被告一行人願意冒刑責都要盡量勸喻、協助市民維持和平方式表達訴求,簡直應該頒個好市民獎啦!呢個係減刑因素,邊有可能反而變咗加刑因素?堅持和平都係罪?應該見住暴力衝突一定發生而坐喺度唔出聲唔做嘢,由得人freestyle咁打先係唯一合法而正確嘅處理方式?
睇完呢單新聞,我對嚟緊1.19單案都越嚟越唔樂觀,到時個官又會話無法理解我同打警察班人邊有可能無關,然後就將所有罪名同責任都推晒喺我身上,起碼又坐多一年,真係唔知total要找幾耐數先找得完。我真係好驚你等唔到我,好驚會失去你,到時我應該會灰到寧願被判終身監禁。//
劉頴匡
致香港人公開信︰
相信信件發到大家眼前,本人已被判刑。回想反修例運動,民陣與社會各界前仆後繼,為爭取民主、自由、人權、公義全力以赴,令全世界看到香港,令修例正式撤回,實在令我感到驕傲又感動。
雖然面對國歌法、國安法、延後選舉、打壓新聞自由、民主派與各手足相繼入獄,甚或民陣與支聯會將被取締,未來的路更崎嶇難行,但請大家不要忘記,昨日播的種,將來定必收成,爭取民主亦不是一朝一夕。只要我們堅持信念,逆流而上,並肩同行,終有一天,我們必定能在煲底相見。
明白傳媒朋友,社會各界關心民陣未來路向,但請大家放心,雖已在牢中,但我仍然堅持民陣不會解散,直到最後一刻。也請大家不要忘記六四、七一等日子繼續發聲,為獄中的、為離港的、為自由的、為香港繼續努力。
石在火種在,人在希望在!
五大訴求,缺一不可!
願榮光歸香港
民間人權陣線 陳皓桓
2021-5-22
相信信件發到大家眼前,本人已被判刑。回想反修例運動,民陣與社會各界前仆後繼,為爭取民主、自由、人權、公義全力以赴,令全世界看到香港,令修例正式撤回,實在令我感到驕傲又感動。
雖然面對國歌法、國安法、延後選舉、打壓新聞自由、民主派與各手足相繼入獄,甚或民陣與支聯會將被取締,未來的路更崎嶇難行,但請大家不要忘記,昨日播的種,將來定必收成,爭取民主亦不是一朝一夕。只要我們堅持信念,逆流而上,並肩同行,終有一天,我們必定能在煲底相見。
明白傳媒朋友,社會各界關心民陣未來路向,但請大家放心,雖已在牢中,但我仍然堅持民陣不會解散,直到最後一刻。也請大家不要忘記六四、七一等日子繼續發聲,為獄中的、為離港的、為自由的、為香港繼續努力。
石在火種在,人在希望在!
五大訴求,缺一不可!
願榮光歸香港
民間人權陣線 陳皓桓
2021-5-22
【吳政亨5月31日出庭前感想】
⭐ 原文已上載 Patreon:
https://www.patreon.com/GordonNgConcernGroup
//家人:
不經不覺已經被囚差不多三個月。說長不長,說短不短,我亦不知道這會是我被囚光陰的幾份之幾。
適應方面,物質層面上是最容易的。物質上的需求可以無窮無盡,我有幸地沒有太多這方面的牽絆。被物質蒙蔽而放棄更高追求,本來就是很可悲的人生。
身驅自由層面上,我亦有幸地擁有豐富的想像力。他們才關上門,一轉身我已經飛出了囚室,不知所蹤。沒有任何鐵鎖可以鎖得住靈魂。
資訊層面上,卻是最難捱的。我的腦袋每分每刻在思考,而資訊就是思想的食糧。你們也知道,我是那種經常去Google的人,去求證,去發掘。沒有好的資訊的話,Garbage in只會Garbage out。在囚中獲得資訊的途徑有限,缺乏了廣度,唯有以深度補救。我有幸獲得多位有識之士提供書籍建議。而囚內沒有太多東西分散注意力,讓我可以專注地吸收書本內的訊息,算是因禍得福。
而思考既然有input,自然亦有output。我思考出的大部份結論,只是呼應前人所想,但經過消化及自我辯證後,理解更加深刻,信念更加增強。偶爾我亦有新的想法,中間有些有違大眾智慧,亦有些並不政治正確,但我從來不會畏懼分享這些想法。唯一途徑,就是說服我錯在哪裏,靠利誘威逼的話,我只會說得更大聲。
我的思考,我的想法,對我而言是最神聖的領域,我會誓死保衛。我一生都會努力分享我思考的成果,一生都不會說違背良心的事。這方面,我絕不妥協。
⭐ 支持吳政亨⭐ Patreon:
https://www.patreon.com/GordonNgConcernGroup
----------------------------------
吳政亨(李伯盧)關注組
⭐ 原文已上載 Patreon:
https://www.patreon.com/GordonNgConcernGroup
//家人:
不經不覺已經被囚差不多三個月。說長不長,說短不短,我亦不知道這會是我被囚光陰的幾份之幾。
適應方面,物質層面上是最容易的。物質上的需求可以無窮無盡,我有幸地沒有太多這方面的牽絆。被物質蒙蔽而放棄更高追求,本來就是很可悲的人生。
身驅自由層面上,我亦有幸地擁有豐富的想像力。他們才關上門,一轉身我已經飛出了囚室,不知所蹤。沒有任何鐵鎖可以鎖得住靈魂。
資訊層面上,卻是最難捱的。我的腦袋每分每刻在思考,而資訊就是思想的食糧。你們也知道,我是那種經常去Google的人,去求證,去發掘。沒有好的資訊的話,Garbage in只會Garbage out。在囚中獲得資訊的途徑有限,缺乏了廣度,唯有以深度補救。我有幸獲得多位有識之士提供書籍建議。而囚內沒有太多東西分散注意力,讓我可以專注地吸收書本內的訊息,算是因禍得福。
而思考既然有input,自然亦有output。我思考出的大部份結論,只是呼應前人所想,但經過消化及自我辯證後,理解更加深刻,信念更加增強。偶爾我亦有新的想法,中間有些有違大眾智慧,亦有些並不政治正確,但我從來不會畏懼分享這些想法。唯一途徑,就是說服我錯在哪裏,靠利誘威逼的話,我只會說得更大聲。
我的思考,我的想法,對我而言是最神聖的領域,我會誓死保衛。我一生都會努力分享我思考的成果,一生都不會說違背良心的事。這方面,我絕不妥協。
⭐ 支持吳政亨⭐ Patreon:
https://www.patreon.com/GordonNgConcernGroup
----------------------------------
吳政亨(李伯盧)關注組
【工程巴給大家的公開信】
各位手足:
大家好,我是被稱作工程巴的還押手足,可能你未必知道我是誰,但也不重要,只要知道我是芸芸眾多失去自由的手足之一即可。適逢失去自由將近一年,眼見最近好多人都寫公開信,小弟亦心癢,希望在此特別的日子為各位送上祝福。
...
自己變強,最終打敗敵人。雖然如此說好似有點阿Q精神,但人正是相信奇蹟,奇蹟才會變成事實呢。好啦就先寫到這裡,祝各位身體健康~晚安~
工程巴上
5月25日
**請大家細心閱讀還柙手足的文字。
各位手足:
大家好,我是被稱作工程巴的還押手足,可能你未必知道我是誰,但也不重要,只要知道我是芸芸眾多失去自由的手足之一即可。適逢失去自由將近一年,眼見最近好多人都寫公開信,小弟亦心癢,希望在此特別的日子為各位送上祝福。
...
自己變強,最終打敗敵人。雖然如此說好似有點阿Q精神,但人正是相信奇蹟,奇蹟才會變成事實呢。好啦就先寫到這裡,祝各位身體健康~晚安~
工程巴上
5月25日
**請大家細心閱讀還柙手足的文字。
5.29.2021
以上三段摘自蔡榮芳著《香港人之香港史》二一八頁 (二零零一年出版),覺得幾有趣,向大家分享一下。
歷史在笑。
當有人嘲笑鄙視普世價值時,竟然可以反扣一項反共帽子。
---------------------------------
歷史就是不斷地在重演
從過去汲取教訓
才讓我們有機會走得更遠
他仍然努力地涉獵不同範疇
文學的 歷史的 哲學的 不同語言的
當然也不能丟下科學的
偶爾也來本輕鬆的小說或漫畫
用書本知識來填滿每一天
原來
不經不覺
已滿一年了
但願日子繼續匆匆溜走
hkerganggang
以上三段摘自蔡榮芳著《香港人之香港史》二一八頁 (二零零一年出版),覺得幾有趣,向大家分享一下。
歷史在笑。
當有人嘲笑鄙視普世價值時,竟然可以反扣一項反共帽子。
---------------------------------
歷史就是不斷地在重演
從過去汲取教訓
才讓我們有機會走得更遠
他仍然努力地涉獵不同範疇
文學的 歷史的 哲學的 不同語言的
當然也不能丟下科學的
偶爾也來本輕鬆的小說或漫畫
用書本知識來填滿每一天
原來
不經不覺
已滿一年了
但願日子繼續匆匆溜走
hkerganggang
【嘉蔚獄中回信給田灣DSE同學仔💌💪🏽】
Admin:早前收到嘉蔚的獄中回信,給一位剛考DSE 田灣學生妹👩🏻💼(如果咁啱係你嘅話,可以PM 我哋)。雖然今屆DSE都去到尾聲,但都希望今年嘅考生有理想成績啦💪🏽!
如果大家想收到嘉蔚嘅回信(回信亦視乎郵費❗️),請將回郵地址寫上信紙上✍🏼。請勿再寫上電話或電郵,嘉蔚是回不到的😅,或者寄埋回郵信封,嘉蔚亦係收唔到呀🙈。
給嘉蔚寫信(⚠️更新)請寄去:香港仔湖北街12號裕景中心20樓2室
----
寫信給嘉蔚注意事項📝:
內容篇
✅ 可分享生活點滴最近時事
❌ 勿透露個人資料,提及發夢經歷及寫上抗爭口號
❌ 勿寫上有關逃獄的資訊
* 懲教署會預先審查書信,各位寫信師記得好好保護個人私隱
格式篇
❌ 不可賀咭、硬咭紙、立體信紙
* 懲教署規定每位還押人士最多只能收取30張賀咭,多出的賀咭會被放入私人物品箱並丟棄
❌ 勿附有閃亮效果的墨水及使用塗改液或改錯帶
❌ 勿附加任何裝飾,如立體信紙、貼紙、閃粉
❌ 勿附加任何物品,如書籤
* 懲教署會扣起不合規格的書信
請將信件寄至 📨:
香港仔湖北街12號裕景中心20樓2室
————————
📷Patreon: https://www.patreon.com/faanhouABC
袁嘉蔚
Admin:早前收到嘉蔚的獄中回信,給一位剛考DSE 田灣學生妹👩🏻💼(如果咁啱係你嘅話,可以PM 我哋)。雖然今屆DSE都去到尾聲,但都希望今年嘅考生有理想成績啦💪🏽!
如果大家想收到嘉蔚嘅回信(回信亦視乎郵費❗️),請將回郵地址寫上信紙上✍🏼。請勿再寫上電話或電郵,嘉蔚是回不到的😅,或者寄埋回郵信封,嘉蔚亦係收唔到呀🙈。
給嘉蔚寫信(⚠️更新)請寄去:香港仔湖北街12號裕景中心20樓2室
----
寫信給嘉蔚注意事項📝:
內容篇
✅ 可分享生活點滴最近時事
❌ 勿透露個人資料,提及發夢經歷及寫上抗爭口號
❌ 勿寫上有關逃獄的資訊
* 懲教署會預先審查書信,各位寫信師記得好好保護個人私隱
格式篇
❌ 不可賀咭、硬咭紙、立體信紙
* 懲教署規定每位還押人士最多只能收取30張賀咭,多出的賀咭會被放入私人物品箱並丟棄
❌ 勿附有閃亮效果的墨水及使用塗改液或改錯帶
❌ 勿附加任何裝飾,如立體信紙、貼紙、閃粉
❌ 勿附加任何物品,如書籤
* 懲教署會扣起不合規格的書信
請將信件寄至 📨:
香港仔湖北街12號裕景中心20樓2室
————————
📷Patreon: https://www.patreon.com/faanhouABC
袁嘉蔚
《代筆情信》
獄中柔情的小夜燈下,手足訴說着他的愛情故事,我又分享着我的愛情故事。
他近日收到的情信中,滲透着愛人的孤獨之苦,而他卻身陷囹圄,是的,連給她一個擁抱的權利也喪失了,說句愛她又生怕加深對方的孤獨感。
我為他代筆一封情信,他過目後驚訝為何我會知道他心底的情話。社工專業技能就是把別人的話語整理,再化作文字,沒有半點添加劑。他不是不知自己心中的情意,只是說不出口,不敢落筆。他看着內心情意續寫他的愛情。
「等我,雖然我真的怕苦了妳。但我實在不能失去你,你一定要等我,我愛妳。」
這就是屬於當代香港青年的羅曼蒂克。(仙人掌開花啦❤️)
註:仙人掌開花是家棟與愛人的獄中述語,代表我愛你。
劉家棟
獄中柔情的小夜燈下,手足訴說着他的愛情故事,我又分享着我的愛情故事。
他近日收到的情信中,滲透着愛人的孤獨之苦,而他卻身陷囹圄,是的,連給她一個擁抱的權利也喪失了,說句愛她又生怕加深對方的孤獨感。
我為他代筆一封情信,他過目後驚訝為何我會知道他心底的情話。社工專業技能就是把別人的話語整理,再化作文字,沒有半點添加劑。他不是不知自己心中的情意,只是說不出口,不敢落筆。他看着內心情意續寫他的愛情。
「等我,雖然我真的怕苦了妳。但我實在不能失去你,你一定要等我,我愛妳。」
這就是屬於當代香港青年的羅曼蒂克。(仙人掌開花啦❤️)
註:仙人掌開花是家棟與愛人的獄中述語,代表我愛你。
劉家棟
//收信事宜//
近日收到不少查詢想繼續寫信給子見,可以/或者應該寄去邊? 小編有以下簡短回覆,六月內信件暫時仍然可以寄至漁灣邨前議員辦事處地址/放門外黃色信箱,小編會安排時間收信及整理再寄入牆內給子見,謝謝!
#牆內很難捱每一封信件都是一份支持
徐子見
近日收到不少查詢想繼續寫信給子見,可以/或者應該寄去邊? 小編有以下簡短回覆,六月內信件暫時仍然可以寄至漁灣邨前議員辦事處地址/放門外黃色信箱,小編會安排時間收信及整理再寄入牆內給子見,謝謝!
#牆內很難捱每一封信件都是一份支持
徐子見
To我愛的xxx:
//如果要用一首歌去講一九年尾至未來出冊,一定係《一口氣》,好少筆友會同我分享依首歌,好似就係被忽略咗咁。我同牆內手足傾過我哋喺入面嘅空間好似被凍結一樣,可能有人認為抗爭已經完咗,但我哋仲喺牆內,係身處「事件」之中,抗爭,彷彿就未完。雖然係牆內已經19個月,但19年就仲好似上星期咁。家父幫我求簽,籤文係神仙喺山中捉三日棋,世間已過1000日。我嗰時仲冷笑左一下,依刻諗返,又好似係,好似又係三日之前,但原來已過喺千日之前,依個或者就係消防同我講過嘅「漩渦」。
可能就係仲喺山中,《一口氣》中嘅場面,係歷歷在目…「握著拳頭力竭呼叫(係7月21既高呼)「進不趕退不慌比我勇敢多」(勇武喺清場時隻身力擋既身影)「還多得你多得你多感激你與我冒險」(係倉底之聚),都冇辦法忘記。以往嘅事係成長,以刻倉底嘅手足分分鐘係一世嘅朋友,依一碌幾嘅時光,一班被捕手足,屙屎食飯,刷牙洗面,開心又一齊,傷心又一齊。連我哋對住大家碌_嘅時間都多過對屋企人,我諗過咗依關,依個友誼就係一世,簡直係「這趟路程小過哭過夾硬死撐過也一樣撐過」。
《一口氣》既感覺就係一個人去冒險,經歷萬難,最後重遇隊友嘅故事。咁一九年至今,唔係就係咁咩?唔知道出面大家嘅心情係點,到底仲喺故事之中,定已經出咗山呢?朋友一直都叫我唔可以習慣坐監,我唔明。但到現在,我體會到一點,因為如果過分習慣,就會離開咗「故事」,離開就會容易抽離,抽離就會淡忘,淡忘一切之後,仲會有「吸一口氣再次赴險」嘅勇氣嗎?或者所謂嘅唔好習慣,就係去保留個一份勇氣。
《一口氣》除咗係過往嘅經歷,同而家嘅故事,更加係未來嘅希望。「當天的戰友都同我揮手 告別太久細數樂與憂」,根本就係出冊嗰一刻,成日幻想嘅出冊一刻,我諗就係咁,「一口氣一口氣鬆一口氣再次聚首」。「美國隊長」出冊話呼吸嘅空氣係自由嘅,幾十個月冇自由,第一口氣唔知道會係咩感覺,我幻想唔到。不過應該就係啲AV女優拍禁慾大解放,冇做愛兩年去片場拍AV嗰一刻咁掛?已一口氣既味道,係期待,加上一班戰友向我揮手一刻應該都幾中二病。
依家變返單人房,房入面有風機,總叫做唔會咁熱,比起之前舒服咗好多,多謝大家喺出面嘅支持,果然除咗自己「憑着一口氣力守」,仲要「手挽手」。唔知你有冇份出一分力,不過都要講一句多謝。//
尚千赴戎
木何懼火
//如果要用一首歌去講一九年尾至未來出冊,一定係《一口氣》,好少筆友會同我分享依首歌,好似就係被忽略咗咁。我同牆內手足傾過我哋喺入面嘅空間好似被凍結一樣,可能有人認為抗爭已經完咗,但我哋仲喺牆內,係身處「事件」之中,抗爭,彷彿就未完。雖然係牆內已經19個月,但19年就仲好似上星期咁。家父幫我求簽,籤文係神仙喺山中捉三日棋,世間已過1000日。我嗰時仲冷笑左一下,依刻諗返,又好似係,好似又係三日之前,但原來已過喺千日之前,依個或者就係消防同我講過嘅「漩渦」。
可能就係仲喺山中,《一口氣》中嘅場面,係歷歷在目…「握著拳頭力竭呼叫(係7月21既高呼)「進不趕退不慌比我勇敢多」(勇武喺清場時隻身力擋既身影)「還多得你多得你多感激你與我冒險」(係倉底之聚),都冇辦法忘記。以往嘅事係成長,以刻倉底嘅手足分分鐘係一世嘅朋友,依一碌幾嘅時光,一班被捕手足,屙屎食飯,刷牙洗面,開心又一齊,傷心又一齊。連我哋對住大家碌_嘅時間都多過對屋企人,我諗過咗依關,依個友誼就係一世,簡直係「這趟路程小過哭過夾硬死撐過也一樣撐過」。
《一口氣》既感覺就係一個人去冒險,經歷萬難,最後重遇隊友嘅故事。咁一九年至今,唔係就係咁咩?唔知道出面大家嘅心情係點,到底仲喺故事之中,定已經出咗山呢?朋友一直都叫我唔可以習慣坐監,我唔明。但到現在,我體會到一點,因為如果過分習慣,就會離開咗「故事」,離開就會容易抽離,抽離就會淡忘,淡忘一切之後,仲會有「吸一口氣再次赴險」嘅勇氣嗎?或者所謂嘅唔好習慣,就係去保留個一份勇氣。
《一口氣》除咗係過往嘅經歷,同而家嘅故事,更加係未來嘅希望。「當天的戰友都同我揮手 告別太久細數樂與憂」,根本就係出冊嗰一刻,成日幻想嘅出冊一刻,我諗就係咁,「一口氣一口氣鬆一口氣再次聚首」。「美國隊長」出冊話呼吸嘅空氣係自由嘅,幾十個月冇自由,第一口氣唔知道會係咩感覺,我幻想唔到。不過應該就係啲AV女優拍禁慾大解放,冇做愛兩年去片場拍AV嗰一刻咁掛?已一口氣既味道,係期待,加上一班戰友向我揮手一刻應該都幾中二病。
依家變返單人房,房入面有風機,總叫做唔會咁熱,比起之前舒服咗好多,多謝大家喺出面嘅支持,果然除咗自己「憑着一口氣力守」,仲要「手挽手」。唔知你有冇份出一分力,不過都要講一句多謝。//
尚千赴戎
木何懼火
//鐵窗日記:五月十八日 星期二 晴
(下文所有姓名均為化名)
「⋯⋯索取第一、二、四、五被告嘅勞教中心報告,6月2號返嚟呢度,期間還柙。」語音剛落,幾個庭警隨即接踵而出,將我哋幾個帶入犯人欄後。
冇錯,我已經被定咗罪,係一個犯人——但我好清楚自己係咩犯。
囚車徐徐從車庫開出,外面嘅街道係何等嘅熟悉,但個感覺又係何等嘅陌生。望住外面圍起嘅橙帶、寥寥散落嘅送車師,心入面不禁戚然,上次喺區院送車嘅情景仲係歷歷在目,轉眼間自己嘅角色已經唔同咗。
正沉思間,左邊窗外忽爾亮起一片星海,一啲熟悉嘅臉孔映入眼簾,而法國醫院門外嘅路口亦配合地著起紅燈——一切就如安排好一樣,嚟得如此理所當然,冇絲毫嘅勉強。見到祥哥跑過嚟拍中咗我哋坐嗰個窗、唔肯溫書嗰個又一路舉住手機燈一路沿太子道狂奔,縱使已經不停提醒住自己要冷靜,但雙眼仍忍唔住泛起淚光,再回頭望向阿諺,佢亦已哭成淚人。
遠離九龍城後,大家冷靜落嚟,車上嘅一切亦恢復平靜。天空黯藍嘅餘光、路邊昏黃嘅街燈,鐵柵外嘅點點滴滴,由今日起亦只能透過孔洞去窺看。窗外嘅風景,從來都冇今日嘅咁好睇。一邊睇,一邊思索未來,一邊回憶親朋好友、我愛嘅人嘅面容,驟覺先前嘅嘢都要暫且放下,心境一時鬆弛落嚟,雙目就漸漸惺忪。再張開嘅一刻就已經到咗目的地。
等攞報告嘅地點並唔係當初所想嘅荔枝角,而係一個偏遠嘅少年院所。喺嗰度對「學童」嘅紀律要求好高,做過童軍嘅我要應付都唔算難,但成個環境、成晚發生嘅事都好有電影感。有啲事老實講其實未必咁情願去做,但我明白,要喺牆內生存,我嘅肉體必須要妥協;然而我亦都會時刻提醒自己,返翻出去要做返個人繼續行落去,個心就唔可以跪。
經過一整晚嘅折騰,加上早幾晚都唔係瞓得多,返到寢室食埋個飯、簡單抹身後就瞓咗落床。
究竟呢段日子會有咩等住我?我望住天花板喺度諗,好快就瞓著咗。(待續)//
https://www.patreon.com/posts/51915969
建築生的鐵窗手記
(下文所有姓名均為化名)
「⋯⋯索取第一、二、四、五被告嘅勞教中心報告,6月2號返嚟呢度,期間還柙。」語音剛落,幾個庭警隨即接踵而出,將我哋幾個帶入犯人欄後。
冇錯,我已經被定咗罪,係一個犯人——但我好清楚自己係咩犯。
囚車徐徐從車庫開出,外面嘅街道係何等嘅熟悉,但個感覺又係何等嘅陌生。望住外面圍起嘅橙帶、寥寥散落嘅送車師,心入面不禁戚然,上次喺區院送車嘅情景仲係歷歷在目,轉眼間自己嘅角色已經唔同咗。
正沉思間,左邊窗外忽爾亮起一片星海,一啲熟悉嘅臉孔映入眼簾,而法國醫院門外嘅路口亦配合地著起紅燈——一切就如安排好一樣,嚟得如此理所當然,冇絲毫嘅勉強。見到祥哥跑過嚟拍中咗我哋坐嗰個窗、唔肯溫書嗰個又一路舉住手機燈一路沿太子道狂奔,縱使已經不停提醒住自己要冷靜,但雙眼仍忍唔住泛起淚光,再回頭望向阿諺,佢亦已哭成淚人。
遠離九龍城後,大家冷靜落嚟,車上嘅一切亦恢復平靜。天空黯藍嘅餘光、路邊昏黃嘅街燈,鐵柵外嘅點點滴滴,由今日起亦只能透過孔洞去窺看。窗外嘅風景,從來都冇今日嘅咁好睇。一邊睇,一邊思索未來,一邊回憶親朋好友、我愛嘅人嘅面容,驟覺先前嘅嘢都要暫且放下,心境一時鬆弛落嚟,雙目就漸漸惺忪。再張開嘅一刻就已經到咗目的地。
等攞報告嘅地點並唔係當初所想嘅荔枝角,而係一個偏遠嘅少年院所。喺嗰度對「學童」嘅紀律要求好高,做過童軍嘅我要應付都唔算難,但成個環境、成晚發生嘅事都好有電影感。有啲事老實講其實未必咁情願去做,但我明白,要喺牆內生存,我嘅肉體必須要妥協;然而我亦都會時刻提醒自己,返翻出去要做返個人繼續行落去,個心就唔可以跪。
經過一整晚嘅折騰,加上早幾晚都唔係瞓得多,返到寢室食埋個飯、簡單抹身後就瞓咗落床。
究竟呢段日子會有咩等住我?我望住天花板喺度諗,好快就瞓著咗。(待續)//
https://www.patreon.com/posts/51915969
建築生的鐵窗手記
To我愛的xxx:
唔知道自2019年6月9號之後,有冇對「香港人」依個身份特別自豪呢?小弟喺19年抗爭事件發生之後曾到過台灣旅行,唔怕講,身處台灣(異地),諗起自己係香港人,真係有一份自豪嘅感覺。喺牆內,經常會思考「香港人」三隻字到底係代表啲咩?又係啲乜原因令自己喺異地會話畀人知自己係香港人?
「香港人」三隻字可以係簡單嘅民族主義,喺依個地方出世,講同一種語言,可以係「無國家民族」,分享同一歷史,就算冇自己國家,渴望決定其政治前途嘅文化社群,可以係「公民民族主義」,認同其價值,願意守護同支持香港就係香港人。到咗現代,相信用出生地同DNA之別去確立一個人是否「香港人」(民族)已經係過時。係我眼中,令我哋感到特別、歸屬感、自豪嘅,就係文化。係文化令「香港人」三隻字建成,可以係街邊拮魚蛋嘅文化,又可以係追求自由民主嘅文化。
練乙錚老師喺蘋果一篇《香港人·香港話》之中講得非常好,香港人要努力去保留同傳承香港人嘅文化,尤其「海外香港人的一個重要任務,就是在比較寬輕的環境裏努力成全香港文化和自身認同。」假如文化被換血,即使土地依舊,都再唔係香港。當然,文化係好多元,有啲文化更係同土地相連, 所以練乙錚老師就特別拎咗語言嚟講,語言係一個文化嘅代表同載體,亦容易流動(我諗發仔睇到練乙錚老師依篇文一定係好認同)。咁當然除咗語言外仲有例如歷史,飲食...... 英國University of St Andrews 就宣佈新增一個香港文化嘅單元,內容包括香港電影、音樂、歷史,最重要係將廣東話作為一種文學語言。
喺2020年之後,對本土(香港)文化嘅分享同討論係多咗, Mirror嘅新史詩、手工市集、香港本土電話、四台聯波嘅YouTube,統統其實都代表住對香港本土文化嘅覺醒,原來我哋屋企都有咁多好嘢,依個都係我哋嘅責任,作為香港人,就要去守護其文化。可能有人會話「我又唔係學者,依個課題太深」「我冇能力去做文化創作」錯了,文化就似係一個沙灘咁,係由每一粒細砂組成,我哋就係每一粒細砂。其實可以由小事做起,例如堅持只寫繁體字,寫粵文正字,支持下廣東歌,分享電影,先去守護自己身上嘅「香港」,有時間,學習一下香港本土嘅歷史,睇吓自己住緊嗰條街以前到底係乜由來,而最重要,唔好對香港嘅文化失望,其實香港仲有好多人同事值得我哋去欣賞。
時下年青人(包括小弟)都係所謂第4代香港人,冇經歷過「滿地黃金」嘅時代,可能我哋眼中嘅獅子山精神同上一代嘅獅子山精神係唔同,一個嘅獅子山下係刻苦,一個嘅獅子山下係直幡,唔係否認以前,只係時代不同,肩上嘅責任同眼中嘅風景都唔同,依代係香港出世,以「DNA論」來講,係真·香港人,只係依點都應該夠出遊時自豪吧,係「自豪」嘅背後,係一個責任,始終「DNA論」係過時,我哋唔希望喺DNA之下嘅係極端民族主義,要自豪嘅事就要去守護返嚟,香港唔係腳下嘅泥土咁簡單,唔係身體嘅血咁膚淺,而係一講起「香港人」三隻字,第一時間會諗起嘅事物。
尚千赴戎
木何懼火
23-5-2021
唔知道自2019年6月9號之後,有冇對「香港人」依個身份特別自豪呢?小弟喺19年抗爭事件發生之後曾到過台灣旅行,唔怕講,身處台灣(異地),諗起自己係香港人,真係有一份自豪嘅感覺。喺牆內,經常會思考「香港人」三隻字到底係代表啲咩?又係啲乜原因令自己喺異地會話畀人知自己係香港人?
「香港人」三隻字可以係簡單嘅民族主義,喺依個地方出世,講同一種語言,可以係「無國家民族」,分享同一歷史,就算冇自己國家,渴望決定其政治前途嘅文化社群,可以係「公民民族主義」,認同其價值,願意守護同支持香港就係香港人。到咗現代,相信用出生地同DNA之別去確立一個人是否「香港人」(民族)已經係過時。係我眼中,令我哋感到特別、歸屬感、自豪嘅,就係文化。係文化令「香港人」三隻字建成,可以係街邊拮魚蛋嘅文化,又可以係追求自由民主嘅文化。
練乙錚老師喺蘋果一篇《香港人·香港話》之中講得非常好,香港人要努力去保留同傳承香港人嘅文化,尤其「海外香港人的一個重要任務,就是在比較寬輕的環境裏努力成全香港文化和自身認同。」假如文化被換血,即使土地依舊,都再唔係香港。當然,文化係好多元,有啲文化更係同土地相連, 所以練乙錚老師就特別拎咗語言嚟講,語言係一個文化嘅代表同載體,亦容易流動(我諗發仔睇到練乙錚老師依篇文一定係好認同)。咁當然除咗語言外仲有例如歷史,飲食...... 英國University of St Andrews 就宣佈新增一個香港文化嘅單元,內容包括香港電影、音樂、歷史,最重要係將廣東話作為一種文學語言。
喺2020年之後,對本土(香港)文化嘅分享同討論係多咗, Mirror嘅新史詩、手工市集、香港本土電話、四台聯波嘅YouTube,統統其實都代表住對香港本土文化嘅覺醒,原來我哋屋企都有咁多好嘢,依個都係我哋嘅責任,作為香港人,就要去守護其文化。可能有人會話「我又唔係學者,依個課題太深」「我冇能力去做文化創作」錯了,文化就似係一個沙灘咁,係由每一粒細砂組成,我哋就係每一粒細砂。其實可以由小事做起,例如堅持只寫繁體字,寫粵文正字,支持下廣東歌,分享電影,先去守護自己身上嘅「香港」,有時間,學習一下香港本土嘅歷史,睇吓自己住緊嗰條街以前到底係乜由來,而最重要,唔好對香港嘅文化失望,其實香港仲有好多人同事值得我哋去欣賞。
時下年青人(包括小弟)都係所謂第4代香港人,冇經歷過「滿地黃金」嘅時代,可能我哋眼中嘅獅子山精神同上一代嘅獅子山精神係唔同,一個嘅獅子山下係刻苦,一個嘅獅子山下係直幡,唔係否認以前,只係時代不同,肩上嘅責任同眼中嘅風景都唔同,依代係香港出世,以「DNA論」來講,係真·香港人,只係依點都應該夠出遊時自豪吧,係「自豪」嘅背後,係一個責任,始終「DNA論」係過時,我哋唔希望喺DNA之下嘅係極端民族主義,要自豪嘅事就要去守護返嚟,香港唔係腳下嘅泥土咁簡單,唔係身體嘅血咁膚淺,而係一講起「香港人」三隻字,第一時間會諗起嘅事物。
尚千赴戎
木何懼火
23-5-2021