#沙田裁判法院第七庭
#香淑嫻裁判官
#1103沙田 #審訊 [1/4]
#擊警 #攻擊性武器

(27/2/2021 後補資料)
16/2/2021 上午審訊(此段) / 下午審訊
17/2/2021 上午審訊 / 下午審訊
18/2/2021 上午審訊 / 下午審訊
19/2/2021 上午審訊

林(22)

控罪：
1) 襲擊警務人員
2) 在公眾地方管有攻擊性武器

案情：被指於2019年11月3日晚上在沙田瀝源橋近大涌橋路襲擊警員17185，以及於同日同地攜有6個汽油彈。

25/5/2020 提堂
17/7/2020 答辯
18/8/2020 審前複核
28/9/2020 審前複核

控方 #葉劍明大律師 呈上承認事實，會傳召10名證人，無警誡供詞，無錄影片段

承認事實：
1) 2019年11月3日警員17185在威爾斯親皇醫院的醫療報告，以65B形式呈上，列為證物P1
2) 2019年11月4日，為警員的傷勢拍攝的照片P2(1-2)
3)瀝源橋、獅子橋、城門河一帶的地圖P3
4) 2019年11月4日在瀝源橋、城門河一帶拍攝嘅照片P4(1-9)
5) 一個nike黑色斜揹袋 P5 為其拍攝嘅相片為P5A
6) 6支玻璃瓶P6，裏面裝有汽油，樽上有布條，為其拍攝嘅相片為P6A
7) 裝有汽油的膠壺P7，為其拍攝嘅相片為P7A
8) 3支鑽嘴，螺絲批P8
9)兩個打火機P9，為其拍攝嘅相片為P9A
10) 政府化驗所證實P6的樽內分別載有246、230、204、207、 280、210毫升的汽油。207毫升的樽中有微量糖粒，P7內有120毫升汽油
11) P6 P7受妥善保管，沒有受到不當的干預
12) 被告人沒有刑事定罪記錄

辯方 #黄錦娟大律師 爭議證物，可能會傳召一名事實證人，現階段未能確定

📕傳召PW1 警員17185 陳家銘(音)，證人發現被告行為可疑，上前截查時報稱受傷。

⚙️控方主問⚙️
2019年11月3日 PW1逮屬新界南第二梯隊第一小隊，軍裝當值，21:55 在大涌橋路近瀝源橋巡邏，21:56從通訊得知有3名男子，在担杆莆街見到警車後逃走，可疑男子穿黑衫黑褲孭背囊，走去中央公園，於是前往瀝源橋兜截，22:00到逹瀝源橋，見到被告掉袋落河，當時PW1從大涌橋路上瀝源橋，面向中央公園，在第一條燈柱位置，被告近第四條燈柱，面向PW1，距離大約30米，被告雙手抱住個袋在胸前，向右拋落城門河，被告穿黑衫黑褲，身邊無人，橋上燈光充足，望到被告動作，中間無其他嘢阻礙視線，袋係四方形，大小約一呎，黑色，有帶連住；被告正常步速，PW1 急步上前，去到第三條燈柱截停被告，面對面叫警察咪郁，被告無理會，突然加速，雙手向PW1推咗一吓，觸及膊頭對落3-4吋胸口位置，力度係大嘅，被告嘗試在PW1左邊逃跑，PW1在佢左邊，用雙手攬住被告上半身，佢不斷爭扎，其間被告用頭撞PW1 前額近眼眉一下，有支援同事到，制服被告在地上，被反手向後扣上膠手扣，22:02安置被告坐在橋面，向女警19513講被告掉袋落河，帶佢到第四支燈柱位，用電筒照射，見到黑色袋狀物體漂浮物，袋離開橋的水平距離約5米，附近無其他漂浮物，慢慢向大圍移動，由見到被告掉袋、拘捕、到再見返個袋，時間相隔2分鐘，PW1同19513一齊觀察個袋，知匯上級，揾水警幫手打撈。

同警員20288詳細講事發經過，拘捕被告，去威爾斯親王醫院睇醫生，傷勢有：右前額有約1cm擦傷，右邊胸口紅和痛，治療後出院，11月4日病假。

控方叫PW1畫草圖，包括大涌橋路、瀝源橋、燈柱位、被告位、拋袋方向和PW1位置，呈為P11。

📍辯方盤問📍
PW1在11月3日10:00開始當值，主管是警長33480，有幾十名隊員，19513，20288，23232係同一隊，穿防暴制服，無帶頭盔或頭套，有帶膠框眼鏡。

口供紙寫「21:55同本隊人員在大涌橋路近瀝源橋一帶高調巡邏」，高調嘅意思係着制服俾其他人知道警察存在，防止犯罪分子作出犯罪行為；知道當日沙田有示威活動，有通訊機在身，在21:56知道在担杆莆街有黑衫黑褲人，走去中央公園，無印象有無話戴口罩，或者係咪一齊。

22:00見到被告，時間係推測嘅，在22:02制服被告，過程約兩分鐘，無即時睇錶，講唔到邊個時間係睇錶或推測；案發之後，有進行資料匯集，共識就係今日嘅時間，準確嘅。

橋睇地圖P3，沙田大會堂距離担杆莆街300-400米，瀝源橋大約200米長，PW1無行晒，唔知有幾多條橙柱，橋上有街燈，係黄光，法庭環境比當時環境光，但足夠留意被告動作。

PW1 行得比較前，前面無隊員，側邊有，印象中十幾人一齊行，但唔會有太大聲响，橋上有其他人，聽唔到人聲，算係静；第一眼見到被告距離30米，中間無其他人，被告後面幾米外有人，唔確定幾多米；「印象中」嘅意思係模糊嘅。

第一眼見到被告，佢雙手放在胸前，類似抱住/托住個袋，向右邊拋出跌落河，睇唔到跌落河一刻，聽唔到水聲，橋面到水面約5米，只見到個袋1-2秒，唔確定打橫定打直，抱住個袋係長方形，修正之前四方形講法為長方形。

案發之後無見過個袋，無見過相，無討論過關於個袋，22:02同19513講件事，行過去一齊照同一件物件數分鐘，22:10同20288匯報，22:02～22:10之間有熄過電筒，有同其他警員對話，同意不是整段時間睇住個袋，由拋到照袋，唔知呢兩分鐘個袋咩情況，其後個袋由19513觀察，PW1無跟進。

河面暗深色，用燈光照落去好清晰見到係黑色被告掉嗰個係黑色，第一次照到河面個袋時離橋5米，似袋樣，袋呈四方形，表面有摺痕，唔能夠清晰見到條帶，唔能夠100%肯定係袋，但唔似衫，衫會變形；19513有強力電筒，5米外有光度，袋狀物體有反光位置近邊緣，當有光照射就會反光。

1300休庭，1430再訊

(💛感謝臨時直播員💛)

#沙田裁判法院第七庭
#香淑嫻裁判官
#1103沙田 #審訊 [1/4]
#擊警 #攻擊性武器

(27/2/2021 後補資料)
16/2/2021 上午審訊 / 下午審訊(此段)
17/2/2021 上午審訊 / 下午審訊
18/2/2021 上午審訊 / 下午審訊
19/2/2021 上午審訊

林(22)

控罪：
1) 襲擊警務人員
2) 在公眾地方管有攻擊性武器

案情：被指於2019年11月3日晚上在沙田瀝源橋近大涌橋路襲擊警員17185，以及於同日同地攜有6個汽油彈

1438開庭

📕PW1 警員17185陳嘉銘(音)作供，(直播員按：證人工作時好專注，除咗佢自己，身邊發生咩都無印象)

📍辯方盤問📍
再集中講返拘捕前兩分鐘，被告拋袋，PW1急步上前，行咗20米到第三條燈柱，距離被告一米，叫「警察咪郁」，被告突然向前加速，嘗試向左方逃走，期間雙手大力向PW1胸口推左一吓，事後紅痛，鎖骨對落少少紅咗，被告去到左邊，雙手打則攬住佢上半身，佢不斷爭扎，扭動身體，嘗試逃走，但不成功，被告個頭大力向左撞PW1右前額眼眉，眼鏡脫落，爭扎咗幾秒(PW1: 幾秒已經係即時)，有同事支援，律師質疑4個人要用成分鐘先制服到被告，PW1無補充。

PW1同20288講見到既情況、過程、動作和傷勢，被告坐在橋面地下，近左邊欄杆，背靠欄杆，印象中在遠處有一個人被截停，唔確定有無截停其他人，被告在23:13離開，無見過個袋；22:53水警在折返時大叫黑色袋有汽油彈，現場人應該聽到，無聽過水警揾到衫或者背囊，交咗畀19513，唔知觀察情況，唔知點打撈，無人畀個袋或者相PW1睇過，PW1表示咁嘅情況下，水警打撈個袋就係嗰個，相信唔會搞錯。

以下為律師向PW1指出辯方案情，PW1大部分都否認：
當晚被告在瀝源橋無拋嘢落河，無撞PW1，無撞前額，只向大涌橋路行，前面有其他途人，突然被警員從後捉住，推佢落地下，仲有其他警員制服佢，有人撳頭、有人撳背脊，有人撳大肶，手被屈到背後上手扣，被告大叫唔會反抗，爭扎只係想減少痛楚；被制服後有警員同佢講拉佢拒補、阻差辦公，話暴徒，水警揾到咩都入佢數，毒品都入佢，掉佢落河都無人知；有便衣警察到場，同被告講，你𠵱家講掉咩落去，果幾個係咪你啲friend / 手足，人哋已經篤咗你出嚟，仲咁儍仔捱義氣，你最好在水警嚟之前講，有咩掉咗落河，手足喺邊，話唔定當無事放你返屋企食飯；稍後時間，水警折返瀝源橋，有防暴警講你仆街啦，有汽油彈你坐梗，PW1在23:2x離開現場，水警仲手搜查緊，唔知到之後嘅事。

最後律師向PW1指出被告無任何可疑行為，無理由被截停，PW1 並不是正當執行職務，PW1否認。

⚙️控方覆問⚙️
見到被告企在左邊欄杆掉袋落河，位置距離第四支燈柱約一步，PW1急步上前，前方無其他隊員，無印象有同事指向被告，制服期間有其他同事攬住被告。


📕傳召PW2 警員20288 石合(音)；證人負責拘捕被告。

⚙️控方主問⚙️
在2019年11月3日21:55時，PW2的小隊在大涌橋路近瀝源橋高調巡邏，21:56從通訊機收到訊息，担杆莆街有3個黑衣男子，其中一人孭背囊，在見警車後跑入中央公園方向，指揮官萬展偉叫第一中隊連同總部成員，向中央公園進行掃蕩，行瀝源橋去中央公園，上咗橋，17185在PW2前面2米，22:00佢截停被告，佢突然間鏢(PW2：逃走、快)，雙手推17185胸前膊頭，17185攬住佢條腰，PW2在17185右後方，上前捉住被告左手，15014 & 23232一齊截停佢，推埋橋邊，叫佢趴低，制服在地，面向下，被告繼續反抗，叫23232鎖手扣在後面，扶佢坐在地，22:02-22:05搜身，有腰包內有鎖匙、火機、身分證、八達通，無可疑物品。

見被告右邊面右邊額有擦傷，相信係制服時做成，有問佢使唔使睇醫生，佢話唔需要，22:10由17185講返經過，22:20拘捕被告，罪名係襲警、阻差辦公，警誡之下無嘢講，無即時離開現場，因為揾咗水警打撈，等結果，22:53小艇隊折返，話袋入面有幾支汽油彈，22:55拘捕被告有攻擊性武器，警誡都係無嘢講，23:33帶返沙田警署見值日官，被告無要求無投訴。

主問完成，押後至2021年2月17日09:45 沙田裁判法院第七庭審訊，被告以原有條件繼續擔保。