#東區裁判法院第八庭
#鄧少雄裁判官 #審訊 [2/1]
👤陳(27) #0908銅鑼灣

控罪：襲擊在正當執行職務的警務人員
違反香港法例第212章《侵害人身罪條例》第36(b)條。陳手足被控於2019年9月8日在銅鑼灣港鐵站F1出口外，襲擊在正當執行職務的警員14212趙金。 #襲警


控方傳召 PW2 警員14212 趙金 進行覆問
主控數度要求就辯方上一庭盤問階段已問過的問題重覆向PW2發問遭到辯方反對。控方解釋辯方盤問時PW2當時以唔記得、唔清楚、唔肯定、讀得書少表達差來回答辯方律師，希望證人澄清答案，控方又指PW2提到撲到被告後被告朝天不合理，希望給予PW2澄清(按：上一庭問到6點就係不斷問呢部分嘅問題…PW2當時就眼前理應見到嘅嘢答咗數十次唔記得/唔知道/唔清楚/無印象…)
最終控方只提問PW2撲向被告時，距離被告多遠？大約2-3尺。


辯方極簡中段陳詞：
辯方認為控方證供之差，如在有陪審團的法庭處理也不需勞煩陪審團裁決，應該法庭應在此終止審訊。(裁定表證不成立)
控方主要依賴PW2的作供，但PW2的作供有很多自相矛盾的地方。


法庭裁定表證成功，被告選擇不作供，但會傳召一名辯方證人。

傳召 DW1 (事實證人)
DW1為被告中學同學，案發時亦在場，因此見到案發經過。
DW1當晚見防暴警員於「味珍香」前設置防線，其間部分途人叫口號，突然一名防暴警員行向一名女子問：「你叫乜嘢」，女子則回應：「我無叫啲乜嘢」。
該名防暴再向女子講：「既然無叫啲乜，你走啦~你走啦。」於女子後方約3米左右的被告質指：「鐵又畀你封咗，路又畀你封埋，仲可以點走？」，該防暴警聽後叫被告埋埋去，被告企係原地回應：「你過嚟丫」。
之後防暴警跑向被告，被告轉身走咗2步後在未接觸其他人嘅情況下仆倒，其他防暴隨即上前將被告壓低。
DW1同意辯方指當時有留意被告，但沒有在任何階段見到被告揮拳襲擊任何警員。

控方盤問
DW1承認事後確有和被告討論案件，包括問及幾時上庭及案件進度如何等。
控方指出即使片段顯示DW1確實在場，但當時情況混亂，DW1其實見唔到被告有無襲擊警員，見唔到被告襲擊警員嘅講法只係同被告商討後堆砌出嚟，DW1一一否認，重申當時有留意被告並沒有襲擊警員。

由於同一法庭仍有另一單案件審訊，本案押後至今日1700繼續，控辯雙方需於下午1430前提交書面結案陳詞。