#九龍城裁判法院第二庭
#林子康裁判官
#國歌法 #世界女排 #審訊[2/3]
陳(21)
控罪：侮辱國歌
被控於2023年6月16日，在香港九龍紅磡暢運道9號香港體育館內公開及故意侮辱國歌。
控方代表： #葉志康大律師
辯方代表： #關文渭大律師 #梁麗幗大律師
==========
[09:38] 開庭
被告出庭作供
🔸辯方主問
在香港出生長大、讀書，2017～2020年去英國讀書，2020年因疫情回港，21～22年曾經就讀音樂與媒體文憑課程，2023年當時無讀書亦無就業；自6 歲起睇精神科醫生，有自閉症和ADHD，每日需要食兩種藥物，食咗藥會好攰，課餘活動有彈琴、吹喇叭、遊巴士河、上網、睇單車賽、排球賽等。
當日去紅磡體育館睇排球賽，有帶同手畫的保加利亞和中國國旗，和買的日本國旗，但中途遺失咗中國旗。中國人支持中國隊，順便支持埋保加利亞，兩隊都支持。
去到紅館，見到四方八面都有著迪士尼卡通人物衫的人，和攞住迪士尼物品的人，形容被“迪士尼人”包團，四面楚歌，左邊有人著公主裙，前面有人拎反斗車王嘅袋，因為唔鍾意迪士尼人支持美國帝國主義，美國制裁香港官員；在2022年11月開始唔鍾意，因為在街上見到有一個女仔揸住turning red 公仔喊。
當晚球隊練波，對保加利亞隊有歡呼，對中國隊有噓聲，做出dislike 倒豎拇指手勢，係因為迪士尼人嗌加油，要同佢哋相反，無意圖損害國歌，被告表示尊重。
播保加利亞國歌時有肅立，有唱一句國歌，Мила Родино（發音為/ˈmilɐ ˈrɔdino/），上網學嘅；到播中國國歌時，做出「坐低、倒豎拇指、雙手掩耳、唱《Do you hear the people sing》、倒豎拇指」一連串嘅動作，對象係迪士尼人，唔係唔尊重國歌，只係唔想見到迪士尼人，唔想聽到佢哋歌國歌，所以唱歌蓋過佢哋，唱《Do》係因為兩者相似，「不願做奴隸的人們」，Who will not be slaves again！無其他原因。到我源國歌，迪士尼人歡呼，所以噓，對象係迪士尼人。
球賽開始，第一局保加利亞贏咗，第二局中國隊大比數贏緊，就趁機會去厠所，途中被警察截查，問點解唔尊重國歌？被告回應「因為今日係《元素大都會》嘅上映日，而《元素大都會》當中嘅配音員係一位中國人，咁中國人點解要支持美國帝國主義？而嗰啲着住迪士尼衫嘅人，就係為咗支持嗰位中國配音員，就走咗入場支持中國隊，所以我就唔鍾意中國隊同中國國歌，所以就唱其他歌」。（被告以急口令的速度讀出以上句子）
律師問當時講嘅速度係咪好似而家咁快？回答係，佢抄唔切，只係抄咗最後兩句；第一次截查時講嘅，第二次截查時只係講咗最後兩句，唔想再重複。
（此時被告坐姿挨住椅背，兩腳向前伸展，律師提示被告坐好啲）
搜完身，警察叫被告返屋企，就離開場館，去紅磡火車站，去到何文田站，警員打電話俾被告，叫佢返去紅磡，之後被拘捕。
6月初去維園家鄉市集，愛國組織搞嘅，見到好多中國人，見到有人揮國旗，問佢攞嚟玩，有用手機拍片；辯方播出影片，見到影片中的被告揮舞國旗，戴着在紅館戴的同一頂帽，圖案係spy family 人物安妮亞，16號在紅館着嘅衫都係安妮亞，被告用英文講 I am patriotic Chinese。
2022年11月前，本來鍾意迪士尼，但因為有一次坐巴士去迪士尼，見到一個美國籍烏克蘭男人，抱住佢個女，手上攞住Turning Red 公仔，喺度大喊，搞到憎咗佢。
[10:25] 🔹控方覆問
確認中三去英國讀書，成績無問題，有音樂才能，英文有一定水平，2020年反港係因為疫情，唔關成績事，表示自己係愛國，程度上尊重國歌，大於唔鍾意迪士尼。
本來支持中國隊，因為迪士尼人支持中國，所以改為支持保加利亞，帶咗三支國旗：保加利亞、日本和中國，去到紅館時發覺唔見咗，可能因為食嘢時攞過出嚟。係日本愛好者，支持中日友好，支持動漫，驚唔夠球迷支持保加利亞，所以支持佢。
迪士尼人支持中國隊係有衝突，點解唔着羊羊，唔着元神嘅衫？倒豎拇指喺迪士尼人搞到咁，四面楚歌。
控方叫睇紅館的影片截圖，被告認得自己，指出右下前方有反斗車王嘅袋，但圖片睇唔到，表示左邊有衫，後面又有衫。
被告同意在球隊練習時，對保加利亞隊歡呼，中國隊倒豎拇指，係絕對唔應該，都係因為迪士尼人，有衝突，點解唔着喜羊羊、熊出沒？（衫）
到播國歌時，做動作係針對的士尼人，唔同意係針對國歌，坐低、掩耳、大聲唱，係想蓋過迪士尼人，表達唔鍾意；控方指出除咗大聲，仲準確唱晒歌詞，拉長尾音，直至國歌完結，被告解釋係想掩蓋迪士尼人唱歌，作為愛國人士，唔同意迪士尼人。
主控指被告唔係向四方八面做出倒豎拇指，被告稱他在中間已經代表向四方八面。
被告有留意香港發生嘅事情，在示威嘅場合有人唱《Do you hear people sing》係唔應該。選擇當時離開座位，係因為中國已經大勝，諗住去廁所，等下一局。
被告向林官解釋，做動作係因為對迪士尼人不滿，係自主嘅，但控制唔到。
[11:07~11:17] 小休
————
傳召DW1 專家證人 精神科 陳醫生
🔸辯方主問
被告自6歲開始睇陳醫生，證實被告患有自閉症和ADHD，需要食兩種藥物，呈上一份在2023-6-18 對被告評估的精神科報告，知道被拘捕後，在2024-4-5 做補充報告。
撰寫第二份報告之前，睇過被告在紅館的片段，和他日常的言行一致；今朝觀察他在庭上表現，亦顯示他的病情，包括周身郁、坐唔停、唔專注、不耐煩，仍然維持報告內的意見。
在事發前即6月14日加咗藥，因為佢思想混亂，思想好快、鬆散，容易衝動，壓制力差。
[11:28] 🔹控方覆問
不能測量被告的思想，只有靠觀察佢嘅言行，信佢講嘅嘢，被告不滿迪士尼人，始自2022年尾，醫生的筆記有寫，被告係主觀嘅，會改變，但唔知幾時變，係靠佢講無客觀嘅測量方法，不能同意控方講法，被告的行為係源自對國歌不滿。
————
[11:50] 🔹控方再傳被告作供
6月16日無食藥，在6月12日後食咗兩日就無食，因為好攰。
🔸辯方覆問
一早一晚都要食藥，為咗控制自己，唔識會控制唔到，可能會發癲，15和16號都無食。
————
案件押後至2024年5月13日 09:30 同庭作結案陳辭，被告申請減少報到至每星期一次獲批。
#林子康裁判官
#國歌法 #世界女排 #審訊[2/3]
陳(21)
控罪：侮辱國歌
被控於2023年6月16日，在香港九龍紅磡暢運道9號香港體育館內公開及故意侮辱國歌。
控方代表： #葉志康大律師
辯方代表： #關文渭大律師 #梁麗幗大律師
==========
[09:38] 開庭
被告出庭作供
🔸辯方主問
在香港出生長大、讀書，2017～2020年去英國讀書，2020年因疫情回港，21～22年曾經就讀音樂與媒體文憑課程，2023年當時無讀書亦無就業；自6 歲起睇精神科醫生，有自閉症和ADHD，每日需要食兩種藥物，食咗藥會好攰，課餘活動有彈琴、吹喇叭、遊巴士河、上網、睇單車賽、排球賽等。
當日去紅磡體育館睇排球賽，有帶同手畫的保加利亞和中國國旗，和買的日本國旗，但中途遺失咗中國旗。中國人支持中國隊，順便支持埋保加利亞，兩隊都支持。
去到紅館，見到四方八面都有著迪士尼卡通人物衫的人，和攞住迪士尼物品的人，形容被“迪士尼人”包團，四面楚歌，左邊有人著公主裙，前面有人拎反斗車王嘅袋，因為唔鍾意迪士尼人支持美國帝國主義，美國制裁香港官員；在2022年11月開始唔鍾意，因為在街上見到有一個女仔揸住turning red 公仔喊。
當晚球隊練波，對保加利亞隊有歡呼，對中國隊有噓聲，做出dislike 倒豎拇指手勢，係因為迪士尼人嗌加油，要同佢哋相反，無意圖損害國歌，被告表示尊重。
播保加利亞國歌時有肅立，有唱一句國歌，Мила Родино（發音為/ˈmilɐ ˈrɔdino/），上網學嘅；到播中國國歌時，做出「坐低、倒豎拇指、雙手掩耳、唱《Do you hear the people sing》、倒豎拇指」一連串嘅動作，對象係迪士尼人，唔係唔尊重國歌，只係唔想見到迪士尼人，唔想聽到佢哋歌國歌，所以唱歌蓋過佢哋，唱《Do》係因為兩者相似，「不願做奴隸的人們」，Who will not be slaves again！無其他原因。到我源國歌，迪士尼人歡呼，所以噓，對象係迪士尼人。
球賽開始，第一局保加利亞贏咗，第二局中國隊大比數贏緊，就趁機會去厠所，途中被警察截查，問點解唔尊重國歌？被告回應「因為今日係《元素大都會》嘅上映日，而《元素大都會》當中嘅配音員係一位中國人，咁中國人點解要支持美國帝國主義？而嗰啲着住迪士尼衫嘅人，就係為咗支持嗰位中國配音員，就走咗入場支持中國隊，所以我就唔鍾意中國隊同中國國歌，所以就唱其他歌」。（被告以急口令的速度讀出以上句子）
律師問當時講嘅速度係咪好似而家咁快？回答係，佢抄唔切，只係抄咗最後兩句；第一次截查時講嘅，第二次截查時只係講咗最後兩句，唔想再重複。
（此時被告坐姿挨住椅背，兩腳向前伸展，律師提示被告坐好啲）
搜完身，警察叫被告返屋企，就離開場館，去紅磡火車站，去到何文田站，警員打電話俾被告，叫佢返去紅磡，之後被拘捕。
6月初去維園家鄉市集，愛國組織搞嘅，見到好多中國人，見到有人揮國旗，問佢攞嚟玩，有用手機拍片；辯方播出影片，見到影片中的被告揮舞國旗，戴着在紅館戴的同一頂帽，圖案係spy family 人物安妮亞，16號在紅館着嘅衫都係安妮亞，被告用英文講 I am patriotic Chinese。
2022年11月前，本來鍾意迪士尼，但因為有一次坐巴士去迪士尼，見到一個美國籍烏克蘭男人，抱住佢個女，手上攞住Turning Red 公仔，喺度大喊，搞到憎咗佢。
[10:25] 🔹控方覆問
確認中三去英國讀書，成績無問題，有音樂才能，英文有一定水平，2020年反港係因為疫情，唔關成績事，表示自己係愛國，程度上尊重國歌，大於唔鍾意迪士尼。
本來支持中國隊，因為迪士尼人支持中國，所以改為支持保加利亞，帶咗三支國旗：保加利亞、日本和中國，去到紅館時發覺唔見咗，可能因為食嘢時攞過出嚟。係日本愛好者，支持中日友好，支持動漫，驚唔夠球迷支持保加利亞，所以支持佢。
迪士尼人支持中國隊係有衝突，點解唔着羊羊，唔着元神嘅衫？倒豎拇指喺迪士尼人搞到咁，四面楚歌。
控方叫睇紅館的影片截圖，被告認得自己，指出右下前方有反斗車王嘅袋，但圖片睇唔到，表示左邊有衫，後面又有衫。
被告同意在球隊練習時，對保加利亞隊歡呼，中國隊倒豎拇指，係絕對唔應該，都係因為迪士尼人，有衝突，點解唔着喜羊羊、熊出沒？（衫）
到播國歌時，做動作係針對的士尼人，唔同意係針對國歌，坐低、掩耳、大聲唱，係想蓋過迪士尼人，表達唔鍾意；控方指出除咗大聲，仲準確唱晒歌詞，拉長尾音，直至國歌完結，被告解釋係想掩蓋迪士尼人唱歌，作為愛國人士，唔同意迪士尼人。
主控指被告唔係向四方八面做出倒豎拇指，被告稱他在中間已經代表向四方八面。
被告有留意香港發生嘅事情，在示威嘅場合有人唱《Do you hear people sing》係唔應該。選擇當時離開座位，係因為中國已經大勝，諗住去廁所，等下一局。
被告向林官解釋，做動作係因為對迪士尼人不滿，係自主嘅，但控制唔到。
[11:07~11:17] 小休
————
傳召DW1 專家證人 精神科 陳醫生
🔸辯方主問
被告自6歲開始睇陳醫生，證實被告患有自閉症和ADHD，需要食兩種藥物，呈上一份在2023-6-18 對被告評估的精神科報告，知道被拘捕後，在2024-4-5 做補充報告。
撰寫第二份報告之前，睇過被告在紅館的片段，和他日常的言行一致；今朝觀察他在庭上表現，亦顯示他的病情，包括周身郁、坐唔停、唔專注、不耐煩，仍然維持報告內的意見。
在事發前即6月14日加咗藥，因為佢思想混亂，思想好快、鬆散，容易衝動，壓制力差。
[11:28] 🔹控方覆問
不能測量被告的思想，只有靠觀察佢嘅言行，信佢講嘅嘢，被告不滿迪士尼人，始自2022年尾，醫生的筆記有寫，被告係主觀嘅，會改變，但唔知幾時變，係靠佢講無客觀嘅測量方法，不能同意控方講法，被告的行為係源自對國歌不滿。
————
[11:50] 🔹控方再傳被告作供
6月16日無食藥，在6月12日後食咗兩日就無食，因為好攰。
🔸辯方覆問
一早一晚都要食藥，為咗控制自己，唔識會控制唔到，可能會發癲，15和16號都無食。
————
案件押後至2024年5月13日 09:30 同庭作結案陳辭，被告申請減少報到至每星期一次獲批。
#高等法院第一庭
#李運騰法官
#陳仲衡法官
#黎婉姫法官
#港區國安法 #支聯會 #案件管理聆訊 （第二次）
👥支聯會, 李卓人, 何俊仁, 鄒幸彤(36-69)
🛑鄒幸彤因另案服刑中；李卓人已還押逾36個月；何俊仁已還押逾13個月
控罪：煽動他人顛覆國家政權罪
控罪詳情指3人於 2020年7月1日至 2021年9月8日，在香港煽動他人組織、策劃、實施或者參與實施以非法手段旨在顛覆國家政權的行為，即推翻、破壞中華人民共和國憲法所確立的根本制度，或推翻中央政權機關。
🔹控方代表：
#譚耀豪資深大律師 副刑事檢控專員
#張卓勤 助理刑事檢控專員
🔸辯方代表：
D1： #林芷瑩大律師
D2, D3 代表： #沈士文大律師、 #梁麗幗大律師
D4：自辯
==========
[17:00] 開庭
辯方申請傳媒可以報導本次聆訊，控方不反，法庭批准。
📎案件管理
▪李官詢問鄒幸彤收唔收到控方在4月22日有關79i 的回信，鄒確認收到；亦收到申請黎婉姫法官避蓆的回應（黎官曾處理涉及支聯會拒交資料案的上訴聆訊，因而曾接觸該案一些辯方不獲准查閱的「PII（公眾利益豁免權）」文件），法庭決定在6月24日10:00 聆訊。
D1 大律師指會派代表出庭，D2 & D3 大律師表示兩人在當日要出度終審法院，亦會派代表出庭，李官表示聆訊只關乎D4，其他被告可以唔出席。
李官指雙方已經就避席作出陳辭，唔期望再有陳辭，不論結果如何，應有第三次案件管理聆訊；#沈士文大律師 希望法庭可以盡快處理，因爲D2 & D3 已經還押咗好耐；李官稱明白，法庭好重視，但要先處理避席議題，好大可能要在明年才作正式審訊。
▪鄒幸彤申請海外證人以視象作供一事，法庭暫時不會處理，留待審訊的法官決定。
▪李官稱本案會以電子檔案方式處理，鄒幸彤需要使用電腦；主控稱聯絡咗懲教署，表示會安排，但係唔方便，會繼續跟進。
鄒幸彤向法庭指控方無回答她的問題，李官指留待正審處理。
💢正當李官表示今日無其他事情可以處理，鄒幸彤即時申請保釋，並要求放寛9P報導限制。李官指無沒有存入文件如誓章，鄒幸彤表示程序上可以每次都申請，黎官問是否在高等法院申請過保釋，鄒答申請過一次，會依賴手上7頁文件，李官指示鄒可以選擇今天處理或再排期，鄒希望今日處理，李官指示小休，待鄒將文件交法庭及控方。30分鐘後，鄒幸彤作出口頭陳辭，法庭拒絕申請，指示傳媒可以報導案件聆訊，但唔可以報保釋申請。
[18:25] 散庭
=========
直播員按：好佩服鄒幸彤在每個細節都鍥而不捨🙇🏻♂️
#李運騰法官
#陳仲衡法官
#黎婉姫法官
#港區國安法 #支聯會 #案件管理聆訊 （第二次）
👥支聯會, 李卓人, 何俊仁, 鄒幸彤(36-69)
🛑鄒幸彤因另案服刑中；李卓人已還押逾36個月；何俊仁已還押逾13個月
控罪：煽動他人顛覆國家政權罪
控罪詳情指3人於 2020年7月1日至 2021年9月8日，在香港煽動他人組織、策劃、實施或者參與實施以非法手段旨在顛覆國家政權的行為，即推翻、破壞中華人民共和國憲法所確立的根本制度，或推翻中央政權機關。
🔹控方代表：
#譚耀豪資深大律師 副刑事檢控專員
#張卓勤 助理刑事檢控專員
🔸辯方代表：
D1： #林芷瑩大律師
D2, D3 代表： #沈士文大律師、 #梁麗幗大律師
D4：自辯
==========
[17:00] 開庭
辯方申請傳媒可以報導本次聆訊，控方不反，法庭批准。
📎案件管理
▪李官詢問鄒幸彤收唔收到控方在4月22日有關79i 的回信，鄒確認收到；亦收到申請黎婉姫法官避蓆的回應（黎官曾處理涉及支聯會拒交資料案的上訴聆訊，因而曾接觸該案一些辯方不獲准查閱的「PII（公眾利益豁免權）」文件），法庭決定在6月24日10:00 聆訊。
D1 大律師指會派代表出庭，D2 & D3 大律師表示兩人在當日要出度終審法院，亦會派代表出庭，李官表示聆訊只關乎D4，其他被告可以唔出席。
李官指雙方已經就避席作出陳辭，唔期望再有陳辭，不論結果如何，應有第三次案件管理聆訊；#沈士文大律師 希望法庭可以盡快處理，因爲D2 & D3 已經還押咗好耐；李官稱明白，法庭好重視，但要先處理避席議題，好大可能要在明年才作正式審訊。
▪鄒幸彤申請海外證人以視象作供一事，法庭暫時不會處理，留待審訊的法官決定。
▪李官稱本案會以電子檔案方式處理，鄒幸彤需要使用電腦；主控稱聯絡咗懲教署，表示會安排，但係唔方便，會繼續跟進。
鄒幸彤向法庭指控方無回答她的問題，李官指留待正審處理。
💢正當李官表示今日無其他事情可以處理，鄒幸彤即時申請保釋，並要求放寛9P報導限制。李官指無沒有存入文件如誓章，鄒幸彤表示程序上可以每次都申請，黎官問是否在高等法院申請過保釋，鄒答申請過一次，會依賴手上7頁文件，李官指示鄒可以選擇今天處理或再排期，鄒希望今日處理，李官指示小休，待鄒將文件交法庭及控方。30分鐘後，鄒幸彤作出口頭陳辭，法庭拒絕申請，指示傳媒可以報導案件聆訊，但唔可以報保釋申請。
[18:25] 散庭
=========
直播員按：好佩服鄒幸彤在每個細節都鍥而不捨🙇🏻♂️