#讀者投稿 #餓底手足投稿
#是日黃店 #良心經濟圈 #黃店告急
#葵芳 #西餐廳 #食評_葵芳 #KF_Western_001 #撐告急黃店

良心行為：老闆係Facebook page 多次表態支持運動

葵興Coffee Chemistry 係 KCC 2期
位於商廈區 加上同場仲有好多其他餐廳
就算告急都唔算多人幫襯
而佢無開夜市或禮拜日😢生意就更少
連續兩日搭的士去支持->

琴日點左白汁火腿長通粉+ Mocha
今日食左香辣烤雞扁意粉+ English Breakfast
個人唔太食得辣
但依隻辣得黎我可以食哂照舊正常好味意粉🤤👍🏻
如果我係果區番工 一定日日幫襯😭

店名：Coffee Chemistry
地址：葵涌葵昌路51號九龍貿易中心2座2樓B2號舖
營業時間：
星期一至五 08:00 - 17:00
星期六 11:00 - 18:00
星期日 全日休息

讀者投稿： @aaaa_00000 @a01982

#讀者投稿 #餓底手足投稿 #可外賣自取
#是日黃店 #良心經濟圈 #黃店告急
#沙田 #甜品店 #食評_沙田 #ST_Dessert_001 #撐告急黃店

良心行為：參與5/8罷市， Facebook出post支持示威者及反送中運動

因為見到告急通知去幫襯呢間深黃店，
店內有抗爭文宣同書睇，
收據仲有香港人加油字眼。
由上年開始支持運動，
有罷市同派水比手足，
FB大量抗爭ost。

講返甜品先，
自己之前已經好少去糖水鋪食，
因為唔抵食，
但小甜將唔同，
佢真係好足料！

我叫左個原個七彩西瓜盅，
生果係滿咖，
而且個西瓜肉超級多又甜，
我一個人都食唔曬。

同行屋企人叫左個朱古力四重奏，
朱古力味好濃，
心太軟係熱，
一插匙羹落去朱古力就流出黎～～

雖然可能店舖位置有少少唔就腳，但其實係沙角過條隧道就好快到～

P.S. 外賣自取仲有全單85折呀!!!

店名：小甜將
地址：沙田崗背街9-11號全輝中心B座16號舖

讀者投稿： @aaaa_00000 @a01982

#讀者投稿 #餓底手足投稿 #homeland
#是日黃店 #良心經濟圈 #黃色經濟圈
#大埔 #西餐廳 #食評_大埔 #TP_Western_002

良心行為：IG有文宣、店內設有連儂牆、曾為街坊派發防疫物資等

特別喜歡餐廳內柔和的燈光，
令人覺得好溫暖。
非常欣賞餐廳的意粉和手工啤酒，
還有員工們親切有禮的服務態度。
我會再幫襯！😋👏🏻👏🏻👏🏻

香港人加油！🖐🏻☝🏻💛
--
💰💰: $101-$200

店名：Homeland
地址：大埔東昌街2號
營業時間：星期一至日 12:00-02:00

讀者投稿： @aaaa_00000 @a01982

#讀者投稿 #餓底手足投稿 #Pauseit
#是日黃店 #良心經濟圈 #黃色經濟圈
#旺角 #西餐廳 #食評_旺角 #MK_Western_001

良心行為：9月起店內有文宣，11/11 休市

餐廳雖然10:00開
但11點先有食物供應，
12點開始門外有人排隊

朋友叫的煙三文魚藜麥意大利飯($88)
對女仔來說幾大碟

我叫的全日早餐($98)
最好味係酸麵包,炒蘑菇, 滑蛋, 不太油膩, 夠曬熱辣辣.

水波蛋牛油果多士($72)都唔錯

Latte 轉用skimmed milk, 香濃!

餐牌見到煙三文魚班尼迪克蛋$78 其實算比坊間平, 下次再去試!

裝修很文青, 數落大約可以坐到廿人左右,
有窗邊bar位坐, 幾寫意咁,
但因為地方不大, 所以接近12點開始門外排隊了. 店員都很親切~

店名：Pause It
地址：旺角山東街84號地下
營業時間：星期一至日 10:00 - 22:00
*11:00後才有食物供應, 截單時間: 21:00

讀者投稿： @aaaa_00000 @a01982

#讀者投稿 #餓底手足投稿 #素街
#是日黃店 #良心經濟圈 #黃色經濟圈
#觀塘 #素食店 #食評_觀塘 #KT_Veg_001

良心行為：出Post「香港人加油」，5/10、13/11休市

今次就去食一間較為低調撐
但之前有罷市同埋派水嘅素食自助餐廳。

因為疫情嘅影響，我變咗返half day,
所以放工嘅時候已經可以食下午茶，
於是走咗去幫襯素街。

鋪頭其實都幾大，當陣時係食下午茶，所以唔算好多客人。

沙律個汁係少少辣加酸甜，幾有驚喜，
涼拌雪耳清爽，伴油醋去醃，
麵包布甸濕咗少少，但係牛奶味好香，
胡椒豬肚湯，呢個較為清淡，
好似少左陣黑胡椒，但其他人應該幾鍾意。

黃姜飯就係旨在有營養，
荷葉飯其實幾有咬口且好煙韌。

另外，雖然係下午茶（距離落場嘅時間仲有半個鐘）
但係佢見到嘢食冇晒佢係會refill
觀感係唔錯。

鍾意食炸嘢食嘅朋友呢你有口福啦
因為好多炸嘢食包括蝦多士，炸豆腐，炸煎釀三寶，炸春卷，炸饅頭❤️

另外佢仲有個酸辣炒粉絲鍾意食酸辣嘅朋友應該會好鍾意。
滷水蘿蔔非常好味值得推介！

最重要係$48/1個鐘頭吃到飽🤩

我相信大家都會發現其實做街客嘅食肆係好難減價，所以我會情願付出一個價錢然後食到較多嘅嘢。

❤️每周嘗試新黃店❤️

店名：素街
地址：觀塘駿業街56號中海日升中心1樓B號舖
營業時間：星期一至日 11:45 - 16:00, 18:00 - 21:30

讀者投稿： @aaaa_00000 @a01982

#讀者投稿 #餓底手足投稿 #SUPINE
#是日黃店 #良心經濟圈 #黃色經濟圈
#沙田 #西餐廳 #食評_沙田 #ST_Western_001

良心行為：多次出post支持反送中運動、收據印有口號等

哩間野真心好好食
而且份量又多，性價比高
定食除左主食仲有好幾款前菜
重點推薦佢地既漢堡！！！

幾位店員都好親切。

FB有文宣post
店內亦有好多文宣
幾次大三罷都有罷市

小店座位唔算多
有時都要等下位
大家得閒不如去幫襯下！！！

店名：SUPINE
地址：沙田石門安群街3號京瑞廣場1期2樓210號舖
營業時間：
星期一至五11:00 - 16:30/ 18:00 - 21:00
星期六至日9:00 - 16:30/ 18:00 - 21:30

讀者投稿： @aaaa_00000 @a01982

#小編推介 #lokb #用後感
#是日黃店 #黃色經濟圈
#觀塘 #銅鑼灣 #手工皂 #awitchhandmade #用後感_銅鑼灣
#用後感_觀塘

良心行為：參與12/6、5/8 罷市, 亦有參與遊行

有多款產品選擇，如手工皂、護膚品、家居清潔等

今次買左酪梨乳木果滋養皂 ($79，連起泡袋)
同蜂蜜保濕護唇膏($35)
手工皂加水後好易就起到泡
可以洗身又可以洗面
洗完面乾淨得呢
皮膚又唔覺乾同繃緊

護唇膏滋潤得呢唔會好笠痴
仲有淡淡嘅香味

價錢唔算貴
職員唔Hardsell 亦好有禮貌 :)

總括而言，小編覺得產品質素唔錯
大家有興趣可以去門市(觀塘/銅鑼灣)、寄賣點(香港仔)、網店購買

p.s. 黃色經濟圈唔係剩係得食肆
各行各業都有良心商店係需要大家嘅支持
尤其係呢個抗疫時期！

店名： aWitch Handmade
網址：https://handmade.awitchgroup.com/

讀者投稿 ： @aaaa_00000 @a01982

#小編食評 #LOKB #告急黃店
#是日黃店 #良心經濟圈 #黃色經濟圈
#觀塘 #西餐廳 #日式 #食評_觀塘 #KT_Western_001 #撐告急黃店

良心行為：悼念義士、11/11 休店罷市

去左食Lunch
Lunch Set選擇都幾多元化
有8款不同類型嘅選擇
包括日式、西式、意大利飯、肉
午餐有蒜蓉包、餐湯或沙律、主食、甜品、餐飲

蒜蓉包好香同脆
食完想再食多件☺️

餐湯係紫薯湯
甜甜地又Creamy
仲有紫薯蓉同洋蔥粒
幾特別

主食點左意大利藤茄南瓜露荀意大利飯餐
一上枱就聞到好香
南瓜、藤茄都好甜
個Source 好Creamy

甜品有兩款
Puff好香，cream都幾滑
檸檬餅酸酸甜甜幾好消化
又唔會太甜

食物質素高，職員服務貼心
絕對會Encore!!!!!

店名：Bella Shine
地址：觀塘巧明街114號迅達工業大廈2樓B室
營業時間：
星期一至六 12:00 - 15:00/ 18:00 - 23:00
星期日 全日休息

讀者投稿： @aaaa_00000 @a01982

#讀者投稿 #餓底手足投稿
#是日黃店 #良心經濟圈 #黃色經濟圈
#屯門 #甜品店 #食評_屯門 #嘆甜品 #TM_Dessert_002

良心行為：參與7月1日遊行、10月1日歡迎攝衫任坐、11月罷市

📍食評1：
首選窩夫，綿冰，炸章魚丸😍😍
最啱成班朋友一齊Gather傾計
如果怕入夜要排隊要等好耐
可以7～8點去，當晚餐食已經夠曬飽。

價錢：$30～60

裝橫：店內有連儂牆，有文宣張貼，亦有文宣小冊子(例如：牆紙)可以拎。

P.S. 新店比較寬敞
—————————————
📍食評2：
焦糖脆脆花生醬甜奶鮮忌廉窩夫($52)
窩夫外脆內軟
雖然係焦糖但唔會太甜
上枱時仲係熱辣辣架
配上凍冰冰嘅雪糕
一凍一熱，好有FEEL
份量真係大!!!!
一份兩個人食都夠😂😂😂

小食拼盤($49)
有炸燒賣、鹽酥雞粒、雞軟骨同薯條
份量唔算小
炸得幾好，好酥脆～～～

店名：嘆甜品
總店地址：屯門井財街15號金銘大廈地下4號舖
營業時間： 星期一至日 20:00 - 02:00

分店地址：屯門青菱徑3號東威閣地下G02號舖
營業時間： 星期一至日 16:00 - 01:30

讀者投稿： @aaaa_00000 @a01982

#讀者投稿 #餓底手足投稿 #伙食工業
#是日黃店 #良心經濟圈 #黃色經濟圈
#火炭 #台式餐廳 #食評_火炭 #FT_TW_001

良心行為：自建連儂牆，多次出post支持抗爭運動

點左京蔥豚肉燒飯
同雜菜滷水蛋蕃茄湯麵走肉
廚房特登整個走肉湯麵好有心機
湯底比想像中更濃都幾正

味道：5/5
份量：5/5
熱度：5/5
服務：溝通好好，知道有人唔食肉都好願意配合

講起火炭你可能會覺得高風險
其實餐廳距離果條邨好遠吓
仲有記得要同Pepe影相呀！

#抗疫不捱餓 #撐黃店 #台式 #咖啡店

店名：伙食工業
地址：火炭坳背灣街57-59號利達工業中心地下3號舖 (正門入口-火炭路)
營業時間：
星期一至四 12:00 - 18:00
星期五至日 12:00 - 22:30

讀者投稿： @aaaa_00000 @a01982

#讀者投稿 #餓底手足投稿 #S2Kitchen
#是日黃店 #良心經濟圈 #黃色經濟圈
#中環 #日本菜 #食評_中環 #C_Jp_001

良心行為：24/8 出post表示支持香港人；寫左張紙貼係門口「本店不做警狗生意」 店內亦有其他文宣及連儂牆

《投稿日期：2020年4月8日》

同老細傾開計發現而家午市晚市都死左
以往lunch坐滿人，今日得我一個...
亦無見佢地包外賣 😫
依家全日都做緊75折
呢個六色刺身set折後$14x
雖然做緊特價
但質素無因為減價而降低到
午市套餐係包麵豉湯、沙律同生果
中環食日本嘢嘅好選擇 👍👍

另外店亦加入左「拎得」
等緊上架，好快可以嗌定外賣黎到就拎得

老細好支持黃經圈，至於點黃法同店仲有咩其他黃嘢，就等大家自己去發掘啦 😛

店名：S2Kitchen
地址：中環威靈頓街51號地下A舖
營業時間：星期一至日 12:00 - 22:30

讀者投稿： @aaaa_00000 @a01982

#讀者投稿 #餓底手足投稿 #一起果醬
#是日黃店 #良心經濟圈 #黃色經濟圈 #咖啡店
#尖沙咀 #西貢 #食評_尖沙咀 #TST_Western_002

良心行為：多次參與罷市；提供地方俾手足休息/ 飲水/ 換衫；多次出post支持抗爭；捐款俾星火；呼籲飲食界合資格登記選民；店內有連儂牆/ 文宣

《投稿日期：2020年4月10日》

本身想去告急黃店籽樂廚房，但係果日上到去話疫情關係，夜晚先開門，所以近近地去左隔離街既黃店。

去左一起果醬
間舖出面有齊哂防疫用品，有埋紙袋放口罩，舖入面又勁多memo紙文宣，貼到天花板都有，職員又好有禮貌🥰

今次點左個黑松露野菌意大利飯 $68
平時勁腌尖既我覺得呢個飯超級好食！
黑松露味好夠，芝士唔會太膩，
D菇大大粒又多，意大利飯煮到岩岩好！
跟餐個羅宋湯好好飲，又勁足料！
星期一至五都有限定午市套餐，
$58-98跟湯/沙律送埋野飲，超抵食！

店名：Let's Jam 一起果醬
尖沙咀店地址：尖沙咀松山道15-17號地下D舖
營業時間：
星期一至五 12:00 - 23:00
星期六 11:00 - 23:00
星期日及公眾假期 11:00 - 22:30

西貢店地址：西貢市場街9號地下
營業時間：
星期一至五 10:00 - 20:00
星期六、日及公眾假期 09:00 - 21:00

讀者投稿： @aaaa_00000 @a01982

#讀者投稿 #餓底手足投稿 #茶墨
#是日黃店 #良心經濟圈 #黃色經濟圈 #台式飲品
#尖沙咀 #食評_尖沙咀 #TST_Drink_001

良心行為：5/8罷市；派發飯券；製作香港加油飲品, 憑捐星火收據換領

《投稿日期：2020年4月10日》

食飽去附近既the one行下，去唯一一間既黃店飲野！
之前見到杜生既Yellopenrice，已經好想試，
今日難得經過就要飲下！

焦糖芝士玫瑰茉莉花茶$35
焦糖芝士奶蓋好味，唔會太濃/太淡！
重頭戲係個茶，有玫瑰既茉莉花茶勁清香，同個芝士奶蓋勁夾！

清香柚子芝士蛋糕$34（跟野飲優惠價$28)
個cheesecake有好清香既柚子味，
個Cake又唔會好膩，跟野飲仲有優惠價$28

店名：茶墨
地址：尖沙咀彌敦道100號The ONE 4樓L411號舖
營業時間：星期一至日 12:00 - 22:30

讀者投稿： @aaaa_00000 @a01982

#讀者投稿 #餓底手足投稿 #味の源鮮榨果汁
#是日黃店 #良心經濟圈 #黃色經濟圈 #果汁店
#太子 #食評_太子 #PE_Drink_001 #黃店告急 #撐告急黃店

良心行為：18/8、8/12休店

《投稿日期：2020年4月15日》

聽講是告急， 所以特地來幫襯！
眼見放在店內的水果非常新鮮，種類繁多;
而可供打汁的水果選擇亦頗為特別，有別於一般的果汁店;
除一般的水果外，較為特別的選擇有牛油果， 無花果，紅菜頭，金桔……
我們選了 1)菠蘿番石榴蘋果汁 2)金桔雪梨木瓜汁。
果汁真是真材實料，完全冇加糖水，100%全生果，
非常清新鮮甜， 一大杯都只是30至35元，抵！

店名: Joyful Juice & Fruit 味の源鮮榨果汁
地址: 太子道西171號別樹一居2號舖
營業時間：星期一至日 12:00-20:00

讀者投稿： @aaaa_00000 @a01982