#真台客 + #荃灣外賣仔Yo! Delivery
#台灣菜
#讀書投稿

前後幫襯了荃灣外賣仔Yo! Delivery 兩次。
作為一個環保膠，
坦白說第一次的外賣體驗不太好。
明明在下單時已註明了不用餐具，
但結果共收到17件即棄餐具和食物容器
（邊間餐廳就唔開名了🙈)。
真係好灰。
事後Yo! Delivery 有問返我哋意見，
而我亦如實反映。

今日鼓起勇氣第二次幫襯Yo! Delivery。
今次選了荃灣村民極力推薦的真台客。
Admin 好快用WhatsApp覆咗我哋嘅order，
仲好細心咁問我哋食物(全部都係炸物)想唔想放喺同一個餐盒度。
求之不得，梗係可以啦！
等了大約50分鐘外賣終於送到，
今次真台客 同Yo! Delivery真係抵讚叻豬👍👍，除咗走餐具之外，佢真係將我3個order放喺同一個餐盒。
今次嘅外賣只用咗一個膠袋同一個餐盒，
真係好開心:- 一方面可以撐黃店同外賣手足，同時亦都唔違背客人嘅環保意願。
一定會繼續支持真台客同Yo! Delivery 😋😋😋

講返食物先.... 今次叫了炸排骨，
蔥薄餅加蛋同台式臭豆腐。
一打開食物盒便聞到很香的炸鹽酥排骨味，
令人食指大動。
排骨炸得很香脆乾身，調味剛剛好。
臭豆腐雖然不夠臭🤣🤣
但配上甜辣醬和酸椰菜很開胃，
簡直吃唔停口。
煎蔥餅加蛋也很香口飽肚。
雖然食物送到來時只有半暖，但仍然不錯吃。
如果新鮮熱辣辣堂食，一定更加滋味。
真台客的食物價格稍貴，
亦不如其他人客所說的大碟頭，
但仍可接受。有機會一定會再光顧💪🏻

光顧日期：2020年4月13日

地址: 荃灣海壩街83-93號全好景大廈地下C 87號舖
地圖: https://www.google.com/maps/search/?api=1&query=22.372275509442265,114.1152024641633

和你Pay: https://wolipay.awes.app/shop/HS38


【終極整合】黃藍商戶地圖 (新)：
https://goo.gl/maps/NPYFzo1P4zpyQ8Vm9

官方Facebook page：
https://m.facebook.com/yellowbluemap/

Telegram討論公海：
t.me/VocieShop

已認證黃店投稿請聯絡
@a13597

#蒙麵 #紅磡
#車仔麵
#黃店
#讀者投稿

特濃蕃茄薯仔湯車仔麵你試過未？
今日去左間開左十年既車仔麵檔試吓！

第一碗就叫咗「喇沙湯底」配上滷水豆腐，
辣味魷魚，蘿蔔同支竹！
面底就揀咗呢度獨有嘅<蒙面> ，
呢種睇落去好似薯粉咬落去又好似烏冬嘅煙韌彈牙麵好岩配呢款咁惹味嘅湯底。
喇沙湯夠香夠辣椰汁味唔會太喧賓奪主！
食落去有新加坡百勝廚喇沙醬感覺，
湯底裏面本身亦有大量嘅芽菜同豆卜！
配菜方面辣味魷魚同滷水豆腐有驚喜，
兩者都煮得相當入味。

第二碗，
我就嗌左呢度好出名嘅「特濃蕃茄薯仔湯」米粉配上牛肚，菜脯蛋角同紫菜。
牛肚食落去相當林同入味，
菜脯蛋角同紫菜就一般車仔麵貨色，
可以接受！講返個湯底先，好得啊！
蕃茄怪會絕對Encore！
個湯底濃得黎甜酸度適中，
唔會只係得茄膏或者茄汁味道，
匙羹一筆，😍
會見到溶溶嘅蕃茄同薯仔混左係湯入邊，
大碗到我根本食晒啲餸同飲完個湯就已經好飽。
最後個碟睇住佢生燒嘅叉燒粒亦都到左。
燒得啱啱好，好林好香好重蜜糖味，
我就覺得同大尾篤麥師傅蜜味叉燒粒有啲相似！
大家嚟到不妨一試！

P.S. 佢個份量比較大碗，
細食嘅女士們就唔好嗌咁多餸啦。

(黃店)蒙麵

地址: 紅磡差館里9-15號協輝大廈地下1號舖
電話: 23638166
https://eatwithyou.hk/store/925


【終極整合】黃藍商戶地圖 (新)：
https://goo.gl/maps/NPYFzo1P4zpyQ8Vm9

官方Facebook page：
https://m.facebook.com/yellowbluemap/

Telegram討論公海：
t.me/VocieShop

Telegram食店推介頻道：
https://publielectoral.lat/yellowshoppromotion

已認證黃店投稿請聯絡
@a13597

【中環 · 和你lunch】上環四間合作黃店外賣依家送埋中環啦！！

中環食午飯嘅選擇一向唔多，而自從上環黃店外賣隊開始運作後我地收到好多來自中環區嘅朋友查詢！所以我地決定由星期一（四月十九日）開始我地 HoKoGuide 嘅外賣隊將會為中環嘅各位服務，令大家都可以享受又經濟又黃又高質嘅黃店外賣～

【落單步驟】
一、諗好想食乜之後就可以上 https://www.hokoguide.com 登入購買電子預售券。
二、打電話／WhatsApp 去黃店落柯打。
三、外賣手足送飯俾你，展示電子券俾佢scan 即可！
* 大家記得留意各間餐廳嘅截單時間，另外歡迎大家提早一日落單！

全文要睇：
https://m.facebook.com/story.php?story_fbid=221593479261427&id=112352143518895

#㗎仔飯（午市）
#再玩一會（晚市）
#旺角 #串燒 #電競 #告急黃店
#讀者投稿

位於旺角道同西洋菜南街交界既樓上鋪，
店外燈箱播放文宣
下午主要以lunch box為主；夜晚就做串燒 。
上年開業，主要收入為包場電競比賽 。
自從表明立場後，遊戲廠商為免得失「玻璃心」，
好多都不再選擇該店作為場地。
老闆沒有因此而放棄，每逢旺角有波踢
都會叫手足攰飲啖水休息下。
由於係樓上鋪又無咩錢做宣傳，所以一路都無咩人識。

夜晚串燒食物方面：
店員會細心講解餐單上不同套餐的差別，
最後揀左$338 既餐，
有4串肉：
叫左和牛柳2串 牛小排1串 黑毛豬1串
全部都好「多汁 」
一咬落去食到唔係普通貨 係真心好食。
2串小食：
炸雞軟骨同烤雞翼，新鮮炸出黎熱辣辣，
而且雞軟骨份量都唔少。
2串蔬果類：
芝士翠玉瓜，面頭成塊芝士，
食得出唔係卡夫芝士，但就無深究係咩種類。
翠玉瓜一咬落去勁多汁，連埋芝士食！嘩！不得了！
追加左兩個甲羅燒，
呢個食到啖啖肉，成口都係滿滿既蟹味！
真係好好食！撈飯一流！
原本叫左佢少飯，
碗飯拎出黎係超級熱辣辣，出哂煙果隻。
係用珍珠米，好食到不得了！
最後我再叫多左碗白飯黎送串燒
另外，跟2杯野飲
注意叫「啤酒」係唔洗加錢！
仲要係日本suntory同hoegaarden！
啤酒杯係預先雪凍，爽！
總括黎講呢間野食真係好高汁 會再encore！


原文：
https://www.facebook.com/groups/514429762575237/?ref=share

已認證黃店投稿請聯絡
@a13597

#重光弁当 #日式便當
#新蒲崗
#讀者投稿

良心行為：
表明提供工作空間比手足；
唔用中國製食材；
與台飲黃台黑金堂合作賣水果茶；
鋪外有寄賣抗爭物品

呢間黃店今年2月尾三月頭先開店，賣日式便當。
今次嗌左個重光招牌弁当，
朋友就食自家制吉列豬扒弁当，價錢算平（夾埋$133）。
外賣等了10分鐘左右。

賣相豐富吸引，
入面有魚餅、魚柳、沙律同開胃菜。
味道方面：
白飯上有d紫菜同魚乾，食上黎好香口；
炸魚餅雖然不大塊，但食上黎幾入味；
魚柳食落有點散，但整體不過不失。

位置方面係新蒲崗廣場一樓，
記得呢個廣場十年前人流都不太多，
現在都係。大家經過新蒲崗可以入去支持下。

光顧日期：13/4/2020

店名：重光弁当
地址：新蒲崗廣場1樓B05-07
IG: https://instagram.com/shigemitsu_bento?igshid=c4hwytagal0d

重光弁当 Shigemitsu Bento
立場: 黃店
地址: 新蒲崗廣場1樓B05號鋪
地圖: https://www.google.com/maps/search/?api=1&query=22.33513179585247,114.19590543955564
電話: 97821545

和你Pay: https://wolipay.awes.app/shop/AEZG

【終極整合】黃藍商戶地圖 (新)：
https://goo.gl/maps/NPYFzo1P4zpyQ8Vm9

官方Facebook page：
https://m.facebook.com/yellowbluemap/

Telegram討論公海：
t.me/VocieShop

Telegram食店推介頻道：
https://publielectoral.lat/yellowshoppromotion

已認證黃店投稿請聯絡
@a13597