⛈雷雨速報

一舊雷雨區剛剛入境香港，正向大嶼山施以雷雨襲擊，身處當地民眾請留意天氣變化，防範雷擊。

#雷達解讀
#發覺情緒起跌會隨晴或雨牽引
#雷電暴雨迸發令身體都太繃緊

1310 黃雨出動

#天文台官方資訊

1545 黃雨❌收工

#天文台官方資訊

⚡️孝子們，避避先

夜媽媽整條強烈雷雨帶入嚟，宜家正轟炸新界中部同東部地區，相信好多人都畀雷炸醒咗...

如果你夜媽媽仲喺室外嘅話，快啲走入室內暫避啦。

#雷霆轟炸機
#雷達解讀
#孝子請暫避

黃雨了。
馬仔又要游水了。[註: 絕對係講笑，天氣轉差絕對唔應該去游水]

#天文台官方資訊

黃雨取消咗喇，今次馬仔游咗2粒半鐘水🏊🏼😂

#天文台官方資訊

1155 黃雨又嚟喇
馬仔又被急call喇

#天文台官方資訊

1524 黃金泳灘

#久違了的
#實時天氣報料

黃雨，北浸，全數完場了。

#天文台官方資訊

🍇提子預報

超強颱風 蘇拉現正橫過巴士海峽進入南海東北部，現時各國預報蘇拉或將於周末期間經廣東東部沿岸靠近珠江口，有可能會近距掠過本港，對香港構成威脅，氣象巴打提提大家，應預先開始著手準備防風防水浸措施，亦應考慮取消周末/日嘅戶外活動。

註：詳細天氣預測請參考香港天文台及Metwarn 天氣預警。

#提子預報
#氣象巴打提醒你

政府稍後將舉行跨部門記者會，交代應對蘇拉的準備工作。

⚠️ 各位請特別留意！

隨著各國嘅預報開始明朗化，預料超強颱風蘇拉將於明日至周日期間，經廣東沿岸靠近珠江口，對港澳地區構成相當威脅。

氣象巴打喺度再次提醒大家，宜家應該開始著手準備，以免造成災害。

請立刻開始做好各項防風工作，包括：
▪️收好/固定好室外嘅可被移動物體，例如花盤等。
▪️清理渠口，避免積存垃圾。
▪️暫時將大型廣告橫額移除。
▪️及早固定好大型棚架。
▪️於當風玻璃窗貼上膠紙。
▪️預早儲備兩至三日嘅糧食。
▪️低窪地區居民應預早將傢俬電器升高。
▪️低窪地區居民應做好隨時撤離嘅準備。
請務必於明早10時前做好一切防風措施。

打風期間，天氣惡劣，請緊記切勿外出，更加唔好靠近岸邊，亦唔應該依賴外賣服務。

#氣象巴打提醒你
#蘇拉