【打得通熱線係點？】

陸續有 #長宏邨 #長亨邨 街坊收到政府嘅 #自我檢測套裝 之後，自我測試結果顯示呈陽性，好多街坊按照政府指示打 2280 4772 報告陽性結果，不過 #線路繁忙，好多人都打唔通。以下係成功打通嘅街坊經歷：

1. 打得通會係點？
有成功接通嘅街坊同我哋講，成功打通嘅話，一日之內政府會安排 #自我檢測包 同埋 #鼻咽拭子 採集包，不過由於需求非常高，亦有機會翌日才收到。

2. 會送咩上蒞？
根據街坊講法，政府方面會按照居住人數派發，每人一個化驗樣本收集瓶（#撩鼻樽），以及五個 #自我檢測套裝。

3. 之後會發生咩事？
根據指引，有關人員會翌日再次上門收集樣本，收走已經採集嘅樣本送去化驗，大约一日之後當事人會收到短訊通知結果，如果係陽性，需要自行按指示申報，再由政府根據病情決定病人在 #家居隔離，抑或在醫療設施隔離。

以上係個別長亨長宏街坊嘅經歷分享，亦有街坊表示晚上時間比較容易接通，大家嘅經驗係點？歡迎留言分享！