【有隻寫信鼠想同大家講‥‥】

咦咦咦！依隻野咁似天竺鼠‥‥？點解你會黎咗燕子生命架？佢好似有啲野想同大家講喎！「Pui Pui Pui!!! Pui Pui Pui!! Pui!! Pui Pui!! Pui....」嗯嗯，佢講左好大段野喎，等我翻譯下畀大家聽先！

「我唔係天竺鼠呀！我叫寫信鼠車車！」

「我有個任務要派畀各位香港人做，在囚手足好想收到信，但我只係一隻寫信鼠‥‥ 無辦法寫哂畀咁多位手足，所以，希望大家可以同我一齊寫信，寫生活趣聞又好、電視節目又好、影下相比手足睇都好，拜託哂大家喇！」

以下係我哋手寫信收集地點︰
伍健偉議員辦事處︰元朗天水圍嘉湖銀座一期251號舖
關俊笙議員辦事處︰元朗天水圍天恩邨恩福樓地下5號室
侯文健議員辦事處︰天水圍新北江商場1樓B6號舖
林進議員辦事處︰天水圍天瑞邨瑞財樓地下2室
或者寄去︰九龍中央郵政局郵政信箱70320號

「Pui Pui!! Pui Pui, Pui Pui Pui Pui?! (我除左交手寫信，仲有冇其他方法寄信呀？)」

當然有啦，大家可以上燕子生命嘅網頁(https://www.swallowlife.org/)，按一下「手足傳信 在囚手足網上筆友系統」，就會有指引去教你點樣上網寫信架喇，仲可以即時喺信到上載最多10張圖片寄俾手足！如果大家唔知寫咩好，又或者唔知有咩唔寫得，可以參考呢個網頁︰(https://www.swallowlife.org/寫信需知)

「Pui Pui!! Pui Pui!!(好啦！我約埋朋友一齊寫信畀手足！)」希望大家踴躍寫信，送啲溫暖畀我哋在囚手足！

天水連線x燕子生命x抗爭點滴 合作寫信計劃
@天水連線
@燕子生命
@抗爭點滴 Story of resistence

【在囚手足支援手冊–義士進入收押所後的流程】

係法庭被判要還押或罪成判刑後，會先被懲教人員即時帶到法庭其中一層羈留室，首先會帶你入房，並要求你除左身上所有衫褲鞋襪，由懲教人員仔細搜查衣物裡面有冇其他物品。

跟住佢地會要求你踎低企起身重覆3次、伸脷、舉手舉起腳板等，咁做係要睇你有冇收埋啲咩毒品或者違禁品之類喺體內。

注意，呢一堆搜身動作(俗稱searching)會喺你到達收押所時再次重覆，基本上所有人喺進出收押前後都會被仔細搜身。

如果其他無理要求請記住該職員名字同編號，之後再同律師講。搜完身之後佢地會將你既個人物品例如銀包、身份證、電話等係你面前入落一個密封袋裡面，並會叫你簽名。


＃由囚車被送到收押所
係囚車上係唔需要同任何職員講你嘅野﹐而且囚車個班職員你之後都唔會再點見到佢地。

＃到達收押所
首先一入到去就會去左一個收押室（俗稱指摸房），會有職員拎住張野問你一啲基本資料例如地址、學歷、出生日期、家庭成員姓名及電話，有冇宗教信仰、有冇食煙、吸毒等等。仲會問你衰咩，記住你只需要答罪名！其他野唔需要答！

詳文：https://www.swallowlife.org/post/必讀-義士進入收押所後的流程

抗爭點滴X天水連線X燕子生命

【在囚手足支援手冊－加入匿名討論功能】

一直以來我們和合作的組織及議員經常收到各式各樣關於手足在囚的問題，雖然大部份問題均十分類似，但每一道問題皆是在囚手足的親友必然會遇到的問題。眾所周知，不少手足的案件已排期到2023年才開審，亦意味在政權的黑手下未來數年可能仍有大量手足會開始被關押。

在囚手足支援手冊由抗爭點滴、天水連線及燕子生命共同編制而成，然而不少手足及親友面對的問題十分刁鑽，亦難以單獨撰寫一篇文章。因此我們新增「匿名討論」的功能，以供手足及親友提問及討論，而相關問題及討論亦能保留在我們公開的平台上，讓其他有相同問題的手足及親友能更快地覓得答案。

在每一篇支援手冊的文章下均會有獨立的留言區，能夠以匿名方法留言或引用他人留言作回覆，一些特別的留言我們亦會將之置頂以方便後人能更快獲取有用的資訊。

＊留言仍需登入，可選擇以電郵登記

在囚手足支援手冊：https://www.swallowlife.org/在囚手足支援手冊

【🧧燕子生命全體仝人恭祝各位身體健康、出入平安🧧】

新一年盼各位毋忘初心，在黑暗醜陋的時代讓自己成為黑暗中的一點光明，與同路人互輝映，相扶持。
來年我們會繼續與其他團隊及議員合作，將火炬延續下去，多個全新計劃已經密鑼緊鼓籌劃中。
希望各位同路人堅持下去，亦保持關注流落異鄉及身陷黑獄的義士。

一杯咖啡支持燕子生命十年路上各項工作
https://swallowlife.org/donation

在囚手足支援手冊
https://www.swallowlife.org/在囚手足支援手冊

在囚手足網上筆友系統
https://www.swallowlife.org/intro-heartwithmate

BBC紀錄片：泰國的青年抗議——挑戰不可撼動的王權

泰國王室曾長期受到民眾推崇。由於嚴厲的冒犯君主罪，對君主制有異議的聲音一直微弱。

但在2020年，一系列聲勢浩大的群眾運動首次公開呼籲泰國王室進行改革，打破了圍繞王室近乎神聖地位的禁忌。

受香港抗議活動的影響，泰國的年輕一代利用社交媒體和流行文化進行動員，並突破警方對於他們的封鎖。到目前為止，政府尚未對他們採取嚴厲的鎮壓措施。

【燕子生命－YouTube機頂盒】
https://www.swallowlife.org/y/1134

YouTube機頂盒係燕子生命針對在囚手足嘅project，在囚手足能夠接觸外間資訊的渠道寥寥可數，燕子生命會每星期從 Youtube 上挑選唔同種類嘅專題影片製成謄本、印刷做信件再寄到在囚手足手上。

全新在囚手足支援計劃－「圍牆上的圖書館」正式開展

如果我哋想睇一本書，近嘅去樓下書局打下書釘，唔嫌遠嘅，可以去誠品行返一日半日。但在囚手足如果想睇一本書，各位香港人又可以點樣幫到佢哋呢？

今次燕子生命、抗爭點滴同埋天水連線再度合作！我哋希望每一位在囚手足都有岩佢地嘅書睇，所以當佢哋有書想睇嘅時候，透過聯絡我哋、或者親友聯絡，就會開始幫佢哋收書，然後再轉交到佢哋手上；而我哋亦都建立咗一個新嘅系統，會列出今期需要徵收咩書、亦會推介唔同已有嘅書籍畀手足去揀、手足睇完嘅書評、再用書評去幫手足揀書。詳情上 https://www.swallowlife.org/圍牆上的圖書館 到睇！

之不過，做圖書館之前係需要有書！所以，我哋有一個好重要嘅任務畀大家做，如果大家有以下嘅書，希望大家多多益善，捐贈畀我哋︰

完整收書名單︰https://www.swallowlife.org/書本徵集

牆外嘅我哋可能覺得好大無力感、做啲咩都唔會有用。今日嘅香港，想做好一件事好難，但我哋覺得，只要有機會幫到為香港付出過咁多嘅手足，我哋唔會怕醜、更加唔會放棄每一個機會，新一年，祝願各位亂流下平安。

圍牆上的圖書館－新增九龍區收集點

歡迎捐贈徵集緊嘅書籍到九龍區嘅收集點或現有嘅天水連線四個議員辦事處。
如果書籍並非在徵集表單上，麻煩先到系統「捐贈書本」頁填寫資料！

FightiG
觀塘開源道54號豐利中心5樓517室
開放時間：14:00 - 20:00
*觀塘收集點只供親身捐書，請勿郵寄！

好多手足問我哋係咪收完呢輪書就完？絕對唔係！
呢個計劃係我哋同抗爭點滴同天水連線長期嘅計劃，只要一日仲有手足坐緊，仲需要我哋幫手，我哋就會一直存在！

民主派初選涉違國安法　消息：至少30人會被控顛覆國家政權明上庭

【香港01】上月55名與去年「35+民主派初選」計劃有關的人士被捕，被指違反國安法第22條「顛覆國家政權罪」，原定下次報到日子為4月8日，被警方國安處通知提前今（28日）下午2時到警署報到。《香港01》收到消息指，55人當中至少一半、超過30人今日報到後會被落案控告「顛覆國家政權罪」，明日上庭。（原文）

#20210228新聞 #港區國安法

【在囚手足支援手冊（ 抗爭點滴 X 天水連線 X 燕子生命）】

在囚手足支援手冊收錄多項對面臨牢獄的義士、家屬朋友及欲支援人士之有用資訊，如判刑前後親友40個需知、義士進入收押所後的流程以及各個監獄探監流程等等…

一班過來人把心得寫成支援手冊，每字每句都是我們的第一身經歷，是數年以來坐監和探監的經驗分享。坊間固然有支援組織，但沒有組織比得上親友和市民的支持和愛護。

我們希望透過在囚手足支援手冊讓更多即將面臨入獄或還押的義士及家屬能有更全面的心理準備和預先了解整個流程，在囚手足支援手冊將會持續更新其他相關資訊，亦提供渠道予各位直接查詢問題。早前亦已加入匿名討論功能以供各位發問及交流！

傳送門：https://www.swallowlife.org/在囚手足支援手冊

有在囚手足同我哋講想睇立場新聞嘅「假如這是最後的自由 因 #初選 或被起訴還柙 九個被告的『最後一天』」，二話不說，安排。

我哋嘅手足整呢條片嘅時候，係2月28朝早，當時47人仲未去差局報到，我哋睇住呢條片希望佢哋當日可以保釋到出嚟。

不論有名氣嘅手足還是冇名氣嘅手足都好需要大家關注同陪伴，別問喪鐘為誰而鳴。

在囚手足網上筆友系統：https://www.swallowlife.org/intro-heartwithmate

【為初選四十七人之一，正被還押的伍健偉送上關注及溫暖】

知道各位街坊都好好好心急想關心呀K，咁記住多啲寫信畀佢喇！今次我哋繼續同70320、燕子生命合作，無論大家想寫手寫信，定係網上寫信都好(想加圖落信的話可考慮呢個方法)都要留意：

唔知寫咩咁點算好？睇完就冇哂煩惱：
https://www.swallowlife.org/寫信需知
*寫咗「禁語」嘅信我哋會扣起！

收信地址：
關俊笙議員辦事處－ 天水圍天恩邨恩福樓地下5號
林進議員辦事處 － 天水圍天瑞邨瑞財樓地下2室
伍健偉議員辦事處－天水圍嘉湖 + woo 一期251室
侯文健議員辦事處 － 天水圍新北江商場1／F B6號舖
抗爭點滴郵箱 — 九龍中央郵政局郵政信箱70320號
燕子生命網上收信 (標明返係寄畀呀K) — https://www.swallowlife.org

非常感謝燕子生命同70320嘅朋友，除咗一直以黎同連線做咁多Project，今次都願意一齊處理畀呀K嘅信件，希望大家踴躍啲寫信啦！

－轉自天水連線

【為牆內手足徵集書本】

我們正徵集以下7本書，如果你能於3天內捐贈，請通知我們！

1. 斜陽（太宰治）－已徵得
2. 警國論－已徵得
3. 政治的道德－已徵得
4. 哥倫比亞商學院必修投資課
5. 行為投資金律
6. 誰賺走了你的咖啡錢
7. 自由不是免費的－已徵得

圍牆上的圖書館
https://www.swallowlife.org/圍牆上的圖書館

47 人案保釋覆核　高院准黃碧雲、拒伍健偉保釋　伍：各位撐住，十年後再見！

【立場新聞】法官杜麗冰聽取雙方陳詞後，裁定律政司於覆核聆訊勝訴，推翻總裁判官蘇惠德的決定，即伍健偉要繼續還押。

法庭內，聽到裁決後，伍健偉叫：「各位撐住呀，十年後再見」，然後伍帶頭喊口號：「願粹我命！」天水連線成員回應：「捍衛我城！」伍健偉再叫：「全民自救！」天水連線回應：「打破宿命！」（全文）

#20210311新聞 #初選大搜捕 #港區國安法