#翻譯 #綠書 #革命
本文翻譯自愛爾蘭共和軍作戰手冊《綠書》(Green Book)。綠書（Green book）係一本愛爾蘭共和軍俾新加入成員嘅簡介同訓練指南。當中講述佢哋對抗英國政府嘅軍事目標、戰術及取勝條件。

我哋將會陸續翻譯綠書嘅內容，希望手足將書入面嘅可取之處加以採用，不斷進步。
=====
【Loose-talk Costs Lives (閒談致命)】
最重要嘅係保密！

千祈唔好喺公開場合傾談：唔好向你嘅家庭、朋友、女朋友、同事透露你係愛爾蘭共和軍嘅成員。唔好喺佢哋面前表達你對軍事嘅看法。換句話講，就係唔好同任何人透露任何資訊。

千祈唔好喺公開嘅巡遊、遊行、示威露面。唔好畀人見到你同其他共和軍公開成員同行，唔好頻繁到訪成員嘅住址。最重要嘅職責係：唔好畀敵人與公眾得知你嘅身份。

此外，所有成員亦應該明白酒精嘅危害——包括飲酒及酗酒。大量敵人過往取得嘅情報，經常都係喺我方酒醉時乘機獲得。我哋喺度警告所有成員：所有酒後閒談嘅疏忽行為係所有組織所面對嘅潛在危機，對一個軍事組織而言，形同自殺。

（按：套用至香港嘅情況亦係一樣：你無法完全了解身邊嘅人嘅政治取向，或者佢哋會唔會接受利益而出賣你；同時，香港警察會用盡一切方法去打探情報，所有嘅閒談，小至透露到你嘅動向，大至透露你嘅抗爭部署，統統足以致命。）
=====
請follow《香港革命指南》
@hkmanual