#日程表 #十月WEEK5 #十一月WEEK1

Channel:
https://publielectoral.lat/becauseoflukyuet

112維園大集會
日期: 11月2日(六)
地點: 維多利亞公園中央草坪

*如維多利亞公園不許可，將會稍後再公佈次選集合地點
**已通知警方，待發不反對通知書

Date: November 2, 2019 (Sat)
Venue: The central lawn of Victoria Park

*In the case that Victoria Park has already been booked, a second-choice venue will be announced on a later date.
**The application for a Letter of No Objection for this event is currently being processed.

Channel @HK_112_SOS

[#admin心聲]

最近留意到大家對美國人權法案唔係咁有把握，因而開始緊張同不安。但正正就係呢份不安，好容易會令大家自亂陣腳，亦隨時會成為對家攻擊我哋我哋嘅弱點。

呢兩日不停收到聲稱由民記轉載過嚟嘅「內幕消息」，話Trump同埋McConnell會拖延法案。大家見到呢個消息都好易本能地覺得恐慌，但我哋想講嘅係：

1. 喺民記Channel根本搵唔到個message；
2. 無論係真定假都好，呢個絕對唔係亂去參議員Twitter騎劫同洗版嘅藉口。

相信大家都明白連登又或者各大Telegram group都被滲透。喺呢個時刻我哋更應小心行事。

-----

❌絕對唔好❌

1. 亂傳來歷不明嘅消息 - 尤其係啲利用煽動字眼或呼籲手動轉嘅message。呢啲冇可靠來源嘅消息好容易成為對家支配我哋討論方向嘅手法。

2. 喺美國參眾議員或其他相關人士嘅Twitter亂咁留言同洗版，尤其係當人哋根本講緊無關香港嘅tweet裏面叫人stand with Hong Kong。咁樣做唔會令人支持法案，只會令人反感同產生反效果。
記住，人哋係唔會無緣無故支持我哋，佢哋亦冇義務咁做。只係喺符合佢哋利益嘅情況吓，支持法案對佢哋先有意義。

3. 將人哋背景同家庭拉埋嚟講，咁樣絕對係非常唔尊重別人同侮辱人專業嘅行哋為！

4. 亂咁tag人。呢點講咗好多次亦一早有共識，除咗冇禮貌亦唔係有用嘅行為。

5. 周圍放負。明白大家嘅不安，但放負只會拉低士氣。敏感時間切勿放負，違者可能被當五毛處理。如有需要抒發可pm admin。


⭕️應該做嘅係⭕️

1. 保持禮儀。喺Twitter留言要有禮貌，唔好喺同香港完全無關嘅tweet叫人支持香港，唔好成為大家最憎嘅五毛！
另外注意外國政客嘅稱呼，唔好係又Mr唔係又Mr。

2. 有明確清晰嘅目標。唔好俾個人情緒沖昏頭腦，例如當有警暴時一窩蜂咁推，完全忘記要推另一邊嘅和平示威。
相信大家都感覺到最近外媒關於香港嘅報道少咗，一嚟係因為警民衝突多咗，失去報道價值；二嚟係我哋冇好好平衡兩邊，創新嘅抗爭手法同主動岀擊先係一直以嚟我哋吸引外媒持續報導嘅嘢。

3. 保持獨立思考。呢點好重要，尤其對家風向撚而家一定四岀擾亂我哋嘅策略。之前好多人已經掛住討論某啲議題而令注意力分散。呢個時候我哋更應自己好好分析。

-----

希望大家能夠記住我哋能夠行到而家呢一步嘅原因，尤其喺呢個咁危急嘅情況，我哋每行一步都咁重要。

記住我哋嘅目標，唔好咁容易被其他嘢轉移視線，保持獨立思考，做自己應該做嘅事。最後，記住邊個係你最唔想成為嘅人，唔好做佢哋做嘅嘢。