#特訓組 #魔鬼教官號召令 #黃色經濟圈 #共產黨打壓 #全面反擊 #經濟前哨戰 #THEWORLDISWATCHING #SIRTHISWAY

［今次輪到我哋捍衛黃色經濟圈］

魔鬼教官啱啱捕獲到一粒核彈--

晨光萬事屋被公司註冊處質詢一案， 絕對係共產黨針對黃色經濟圈實行全面打擊嘅前哨戰， 呢條戰線係我哋其中一個超級王牌， 如果我哋今次唔全力以赴， 好快我哋為人所熟悉嘅黃店到會逐間消失！

在此希望大家可以全力推呢個連登 post 比其他手足知道呢件事同整合大家嘅力量共同抗戰： https://lih.kg/2045218

再直接去 twitter 瘋狂推 PO:
https://twitter.com/EamesGordan/status/1267115691548700673?s=19

#手足投稿
#長文慎入
#反思

如果你到而家仲自認係前線，甚至活躍於前線嘅，請你地認真睇一睇。

1. 帶唔帶裝嘅問題

每次有親活動，都總係一堆人問帶唔帶裝
或者老閪都帶裝出去
其實呢樣野係非常之戇鳩嘅一件事

思考題 :
你啲裝係用黎方便你係煙入面活動 / 長時間逗留？呢樣野應該無異議？
但你再諗下，如果出tg，你會唔會留低？定係你會一出就好快跑走？

先唔講班狗嘅策略有冇升級
如果長期帶住啲裝出去，而係根本無用途，咁到底點解你要帶？何況你帶左出去，都未必會有上裝嘅時間，點解你要特登帶啲野去比人搜？
所以絕對係無呢個必要，亦都唔合乎所謂嘅兄弟爬山(轉頭會講）


2. 開花嘅必要

好多人會好留戀當初遍地開花嘅時候
可能你以前有份，或者你最近先加入
但請你地諗清諗楚，每一個行動嘅目的

！我並非不支持開花！
！我反對因為想打而開花！

好多人強調過，唔好再打陣地。個原因我都唔詳細去講，大家自己諗下啲狗有冇轉打法，陣地仲可唔可行 ?!
而開花本來嘅原因就係 快閃
有狗->轉位
無狗->癱瘓日常運作
最有效嘅例子就係黎明行動
目的 : 以要癱瘓社會作威脅，要求政府正視訴求。有冇回應呢個大家知，但事實上黎明係好有效咁癱瘓左社會。

當你仲想打嘅時候，請你睇清楚現實。好多一開始嘅前線已經相繼被捕，而新手亦都好多因為唔識而所謂送頭。
其實香港仲可以打嘅人數唔多。

另一樣就係狗隊策略轉變
第一 呢一年黎有幾多新嘅天眼，你知唔知？
第二 多左用狗車快速推進
第三 包圍網策略，呢個睇527已經夠
種種嘅策略轉變，坦白講以我地無大台嘅概念之下係無咩可能破到

咁係咪唔可以搞 ?!
留意返524銅鑼灣鵝頸橋一帶
手足嘅策略就係有狗就轉位，無狗就塞路 呢樣野係暫時最可行嘅做法。
班狗只係想一網打盡，如果你咁啱係包圍網當中有裝，就會好不利，亦回應番上面點解我話唔好帶裝。你需要嘅只係black bloc同一套街坊衫 (下一點詳談)。


3. 變身嘅方式

運動一年，都未見到大家有進步。
試問大家，見過幾多黑褲黑鞋黑背囊，一睇就知係手足 (唔計班狗插入黎嘅鬼)

變身有幾個重點
1. 一定要包好個頭
2. 除左上身以外都係全黑，太易比人target。我係狗我都跟左你先
3. 最好有兩套完全唔同嘅衫 e.g. 一套全黑一套街坊裝，包括背囊同鞋。如果無辦法帶到咁多野，請使用rain cover同防水鞋套。

如果變身前黎差別唔大，咁你就會好易比人跟蹤，而且你會係一班街坊入面好顯眼。雖然話全民black bloc就最好，但呢樣大家都知而家已經無呢回事。
唔需要怪佢地無做，自己諗下點適應

仲有
變身嘅過程同地點好重要
最近多左好多4k天眼，變身要預左兩個安全地點。
一個係進場用，一個係離場用
如果唔分開，只會增加自己風險。同埋變身之後，唔好原路折返。如果唔係一對比身型特徵好易認。資深前線有好多玩左成年都無事，唔係淨係好彩咁簡單，細節好緊要。


4. 所謂兄弟爬山 並唔係由你去死

如果我知你變身做得唔好，我應該去提你。
如果我知你行動目標唔清晰，我應該要叫你諗清楚。
如果我知你帶裝無用，我應該教你地。
大家各自去做正確嘅事，唔會由得你有問題唔理
呢啲先叫 兄 弟 爬 山

但前題係你有冇聽過人講野？
係咪我無cosplay前線 就唔想聽？
係咪我講嘅野唔啱聽 你就充耳不聞？

我講嘅未必啱，只係我嘅心得。但如果你少少都唔肯聽，你有冇當其他人係兄弟？
當然有啲野，真係錯嘅咁唔使聽。但如果個過程，你無思考無反思，點知啱定錯？點樣改進？
你只係留戀緊當初勇武嘅風光
你只係想成為一個好型好威嘅勇武
而唔係光復香港，更別說推進香港獨立

你思考完，有理有據嘅，大可以討論
以上方案未必係正確，亦唔係安全嘅公式
但唔應該當耳邊風，唔係一句埋黎
「都曬氣，算鳩數啦」
我好想大家可以安全咁爬到山
但要安全，呢個就要靠你地自己
你唔想幫到自己，無人幫到你


5. 淨食黃店香港唔會獨立，但只係想打亦唔會光復到香港

兄弟爬山嘅另一個演繹，就係各自做啱的事。

國際需要有人推廣、
本地需要促進復興各樣生產線、
經濟需要搞生活圈、
前線需要家長 etc.

每一個位都要有人發光，先可以光復香港

當然 你定位自己做前線，專心武力抗爭係好合理，但前線絕對唔係唯一嘅出路。
理大救援一役已經話比你知，全民勇武係香港都行唔通。外國點解可行，係因為人地會攻擊商鋪，而唔係紅/藍店咁簡單，商家會比壓力政府。
但係香港呢樣野我地係唔會做，所以就算當初200萬人一齊攻立會，都唔會達成我地嘅目標。何況我地裝備差距太遠，根本係無力，呢樣無得唔認。

思考題 : 除左打 有冇其他野可以做？

個人嘅睇法係
而家唔係打嘅時候
維持現有嘅人力物力，只會不斷浪費前線。而再升級的話，已經係講緊真暴動、武裝革命，甚至內戰嘅層面。但如果唔升級現有嘅「打」，作用仲發揮到？

你地真係準備好升級？
你地平時有冇好好訓練自己？
你地有冇諗過點樣再激進啲？
當初火魔已經行得好前 而家夠唔夠？

機會從來只係留比準備好嘅人
你是但一樣無 都係等比人拉、被自殺
有時間嘅，可以諗下點樣做多啲
諗唔到嘅話，點解唔做住其他野先？
連Bob叔咁樣上曬岸嘅都down左
你有冇幫過手去twitter戰線？
黃色經濟圈大家都知係必須，你有冇諗過除咗幫襯，佢地內裡有無咩困難需要幫手？

抗爭有好多形式，街頭只係其中一樣
如果你當其他方式係垃圾，你都係當緊佢地係condom。
打唔到 咪做住其他野先，呢場抗爭唔知會捱幾耐，所以真係唔好急於一時。
你覺得冷卻左嘅街頭 其實有好多原因。
但的而且確，香港係向獨立行緊。

而我希望嘅係
大家可以一齊見證煲底相見呢一日嘅來臨
為左啖氣唔值得，而你嘅犧牲亦會顯得毫無意義。


總結

呢度講左好多野，希望你地會睇曬
我嘅重點從來只有一個

諗清楚你需要做咩去達成目的
成件事可唔可行 ?
你有冇努力去保護自己安全 ?

牆外時間唔易捱，而且仲未見到終點
但我地要嘅攬炒已經開始出現
為左笑到最後，請你地唔好死
呢個亦都係唯一對得住還押同各烈士嘅方法

我嘅目的地係 香港獨立
我會不惜一切去達成呢樣野
而家嘅街頭抗爭，風險過高但成效普普
所以唔鼓勵無目的嘅開花
就算想開嘅，諗下點樣可以進步少少、安全少少
實際上最後靠嘅都係你自己

多啲思考多啲討論
尤其係無經驗嘅，多啲聽人意見。

唔係有gear先叫勇武
勇武係一種心態 而唔係裝束同行動

為左光復香港
請同老共鬥長命
唔好只為咗搵返初心同當初嘅成功而做

民族自強 香港獨立
煲底見

#想你撐多秒黑暗遲早退潮
#終於好天氣

聽日有北區嘅手足要上庭
希望各位街坊可以去聲援

【#上庭聲援 - 6 月 1 日 星期一】

🏛東 區 裁 判 法 院 4 樓 7 庭
👨🏻‍⚖️林子勤裁判官
🕤09:30
👥劉,陳(16-17)🛑已還押逾30天 #提訊日（#1113上水 謀殺、有意圖而傷人、暴動）

請比上庭手足嘅親友優先入場
家屬冇籌嘅話可pm佢哋
花生 @court_hearings
擦子膠 @whydontyoujustkillusall
Source: 被捕人士關注組

0834 3eu3豬 車上綠狗 百和路往華慧園方向

0836 5豬3eu百和路上雞迴

#東區裁判法院第七庭
#林子勤裁判官
#提訊日
#上水1113

D1:劉17
D2:陳16

控罪：
1.謀殺
2.意圖傷人
3.暴動

被控於去年11月13日在上水龍運街2號北區大會堂外連同身份不詳人士謀殺70歲男子羅長清、意圖使61歲男子X身體受傷及參與暴動。

押後至8月3日準備文件
沒擔保申請
繼續還押

手足千萬不要干涉美國示威，唔好網上隨便講野（e.g. Twitter、Facebook.....），因為件事好複雜，唔係黑白分明。第一：美國確實有不合理警暴，第二：美國示威者確實有嚴重搶劫，美國示威者根本同我地香港人既情況唔同，而且總統大選前民主共和兩黨展開惡鬥，真係非常錯綜複雜，我地真係唔好參與，冇必要得罪任何黨派既美國人。
［認同請廣傳］

1131 1SUV 雞迴往百和路方向