好好哋點解要辯論？

離鄉別井過到嚟英國，難免覺得時間過得有啲太快，我哋呢幾年以嚟一定諗過唔少問題，做過好多決擇，忙住爭取、忙住向前、忙住安排、忙住適應，但似乎好好哋咁停低、冇負擔咁諗嘢嘅時間少之又少。

做嘢多過諗嘢、諗嘢多過傾嘢，就算有得俾我哋有得思考都冇機會好好討論，「其實係咪得我一個先會咁諗？」，我哋連身邊香港人諗緊乜都未必清楚。

難得身處喺自由嘅環境，呼吸住自由嘅空氣，但好似就冇乜契機可以俾大家聚首一堂，喺一個 #安全 #自由 嘅空間討論，同唔同年紀/背景嘅香港人一齊交流、接觸/了解平時唔會深入探討但重要嘅議題，甚或乎企喺另一個角度睇我哋熟悉嘅觀點同聲音。

如今我哋可以嚟到台前，企喺一個既定嘅立場，面對一個或者陌生嘅辯題，透過論述展現 #深度、透過反駁尋找 #可能 ，唔需要講到天花龍鳳，只要 #真誠 咁講出自己嘅觀察見解一定可以得到大家嘅掌聲。辯論唔係往往都需要針鋒相對，而係可以喺對話中找到樂趣。

讓更多唔同諗法香港人可以發聲，讓觀點唔再停留喺心入面，讓我哋 #抓緊難得擁有嘅自由 ，讓整個社群能夠一齊進步、一齊成長。

第一屆海外港人辯論比賽

#讓觀點說話

__________________

#香港人 #香港 #討論 #理性 #辯論 #溝通 #文化 #政治 #香港品牌 #香港製造 #香港電影 #廣東歌 #香港 #社群 #hongkong #community #communication
#unity #student #university #hksacic #student #hksa #香港學生同盟 #cantonesedebate #debate #海外港人辯論比賽 #ohkdc