大家好！

多謝大家今日參加由中學生及銀髮族合辦嘅集會。

今日嘅活動我哋覺得係相當成功！首先銀髮族同中學生係有一個真情嘅對話，能夠互相了解！
我哋亦都請到有份量嘅嘉賓，為我地哋提供有關二噁英嘅知識、訴說佢地既心裡話、充分connect不同階層，共同奮鬥為香港爭取民主、自由、人權和法治！

有件事想同大家講清楚，銀髮族多次集會都唔會收任何嘅捐款！呢一個嘅原則我哋係好多次活動已經提及過。係今日嘅活動我哋亦無收任何捐款！

在今日集會開始之前，有一個組織在場聯絡我哋，話佢哋會有物資站分發物資，咁我哋回答佢：「我哋申請呢個活動時候，係冇申請籌款嘅，所以在遮打花園嘅範圍，係唔應該有任何籌款嘅活動。咁呢位朋友亦都表示明白我哋嘅意思，佢亦都表示佢哋嗰個物資站系會擺喺遮打花園嘅範圍之外，佢亦都冇提及過佢有籌款箱嘅！

我哋亦都知道有好多朋友對佢哋嘅籌款係有意見，但係因為佢哋嘅籌款活動係我哋嘅集會嘅範圍之外。我哋係冇權去阻止！

對於有其他組織嘅物資站擺喺我哋嘅集會地點附近，而又引起左一啲嘅不愉快事件，我哋深感不快。

#銀髮族中學生集會
原文：https://bit.ly/2L7KAYN