《findagoodboss.uk 搵工小貼士》
「點解你會申請呢份工？」

大家一定試過見工畀人問到呢條問題後心諗：（助語詞）！下個月唔洗交租咩？今日就教大家內心同HR嘅家人打完招呼後可以點樣應對呢條問題！

個基本法則係：諗下你申請緊嘅呢份工同你之前工作或其他學習經驗有咩共通點，再解釋下點解你會鍾意做呢啲job duties 同工作性質，咁樣僱主就會感受到你知道份工係做咩。記住「鍾意」呢部分係好重要㗎！大部分英國僱主都會希望個員工有熱誠，唔想大家做兩做就quit㗎嘛。

情境分析：轉行
你曾經係一個客戶服務員，進修完宜家轉行做老師

就咁睇好似係兩種完全唔一樣嘅工作。不過兩份工有個好大嘅共通點：就係幫人解決問題。

參考答案：
我以前好enjoy做客戶服務員。雖然有時客戶嘅問題幾有挑戰性，但係整體而言同其他人傾計同幫佢哋解決問題畀咗好大滿足感我，令我每一日充滿動力去衝破困難、突破自己。

經過長時間嘅反思，我發現自己其實好鍾意小朋友，好想將自己嘅知識傳授畀佢哋，同埋同佢哋一齊面對成長路上嘅各種挑戰。所以我選擇進修，並希望成為老師，繼續用自己嘅溝通技巧去引導學生思考及解決問題，從而喺事業上獲得更多成就感。

常見問題：咁我淨係跳槽又點答呀？
都係要講下你in緊份工同之前嗰份有啲咩共同之處，跟住再講點解你覺得in 緊間公司有啲咩好過你嘅前任僱主，例如可以比較下公司文化、業務目標、公司架構、公司價值觀等等。（不過就唔好同僱主講人工差距喇，雖然對我哋好重要😀

都係唔知點樣話畀人知你 #很想要 ...份工？DM我哋一對一傾下啦～

P.S. 畀平台職員問到呢條問題時候唔好打得咁大力✋🏻
-
findagoodboss.uk 服務一覽：
https://linktr.ee/findagoodbossuk
-
#英國生活 #英國港人 #在英港人 #英國搵工 #英國移民 #英國搵工網 #英國搵工記 #英國hr #英國見工
#BNO移民 #BNO #fagb搵工小貼士 #fagbtips #jobinterview #interviewtips #UKJobs #搵工 #見工