港島東•鷹眼🦅

#太古
2330 太古城對出東區走廊段東行 1巴士壞車，1SUV閃燈停泊

959 viewsedited 15:40

#筲箕灣
2332 海防博物館東區走廊段1警Van往筲箕灣方向行駛

681 views15:40

【突發】：重光（前攬炒）團隊聲明！！！

📽 https://youtu.be/FRhktEkkgyE

各位手足，我哋係一眾攬炒團隊嘅義工，英文即 Stand With Hong Kong (SWHK)。

相信大家尋日都睇到攬炒巴（Finn Lau 劉祖迪）公佈同 Stand with Hong Kong 分道揚鑣嘅聲明，我地咁多位匿名義工都覺得係時候上水同大家介紹返自己同解答各位對於 SWHK 運作嘅疑問。

首先，我地要衷心多謝大家喺過去一年對攬炒團隊嘅支持同信任。冇你地嘅支持，我地根本唔會有今日嘅成績。而其實大家對我地團隊嘅工作應該一啲都唔陌生，網上列出攬炒團隊直到十月五號為止嘅成績表，正正就係我地一眾匿名義工以及手足合作，捱更抵夜、明知不可為而為之嘅成果。所以SWHK每一個成員，其實都係你認知中嘅「攬炒」。

喺 Be Water 嘅前提下，我地團隊亦冇大台。如果要講，領導我地嘅就係每一個緊守信念嘅香港人。喺過去一年幾嘅時間，我地嘅行動都係以港人利益為主軸、以香港做本位。

我地匿名唔露面，除左因為安全問題，就係我地相信立於世界舞台上嘅乃應係香港人一張張可愛可敬嘅面孔，而我地嘅一眾義工就係為香港人服務同努力。

可能你會問：到底點分邊個係攬炒團隊？邊個係SWHK？

一直以嚟，Fight for Freedom. Stand with Hong Kong. 就係攬炒團隊，分別只係我哋團隊喺香港同國際戰線唔同嘅品牌。當日決定喺國際英文世界上用 SWHK 呢個名，一時諗唔到一個好記又上口嘅中文名，於是喺 Finn 同意下就喺香港同連登沿用「攬炒」呢個大家比較熟悉嘅名字。

我地匿名，但從不低調！

我地由最初登報、發起聯署去信議員嘅一班素人，邊學邊做咁開拓民間外交戰線，一年幾來同各國近 100 位議員作親身面談。由要求各國正視中共違反中英聯合聲明，到成功建立可以長期關注香港嘅橋樑 (例如：英國國會跨黨派香港小組，同首個歐洲議會關注香港小組等)。

目前我地亦同英國外交同內政部保持緊密聯繫，為手足爭取更多簽證同抵英後續事宜同權益，當然亦都每日推動外交大臣藍韜文同中共講數。而美國方面，我地亦同兩黨議員討論緊香港問題，同時借大選將香港變成中美關係要點。

隨著 Finn 決定離隊，我地嚟緊會正名以「重光團隊」名義行動，繼續實踐早前眾籌嘅目標。為嘅係要光復香港，令香港人從此可以有尊嚴咁喺自己嘅家園生活。

作為一個爭取自由民主，對抗極權嘅團隊，我地奉行 democracy in action （民主實踐）。團隊每一位成員都有對等嘅話語權，而關乎整個團隊運作嘅重要決定都係由一人一票嘅方式嚟達成共識。

和而不同、集體決定、集體負責，
就係我哋 SWHK 團隊嘅核心運作模式。

我哋對於 Finn 選擇離開覺得可惜，不過對於佢提出嘅資金重新調配方案，我哋基於法律嘅約束下無法實行。因為眾籌返嚟嘅每分每毫，都寄托住對我哋嘅期望同信任，而我哋亦明白，所得金錢與公帑無異，加上眾籌資金透過 GoFundMe 去籌集，亦受到當地嘅法律約束。所以我哋建立咗一套嚴格嘅制度去管理資金，以確保管理財務嘅決定公平合理。過往，團隊每次用錢都必須經過成員批核並投票撥款，確保每分每毫都用得其所，對得住每位捐款嘅手足同受難中嘅義士。

因此，Finn 及其新團隊嚟緊如果需要動用眾籌所得嘅資金，我哋必須要一視同仁，繼續透過一年幾以來行之有效嘅制度去申請撥款，而我哋亦會謹守一貫嘅審核標準處理所有申請方案。

我哋必需要澄清一點，過往所有以「攬炒團隊」為名嘅項目都係由整個 SWHK 團隊操作。 而由今日開始，SWHK 會以「重光團隊」爲名，繼續為光復香港努力。

感謝 Finn 過往喺 SWHK 團隊嘅一切付出。作為手足，兄弟爬山，我地由衷祝願 Finn 嘅新團隊一切順利，萬事安好。跟住落嚟嘅日子，重光團隊仲需要大家支持繼續譜寫香港未來嘅事跡表。

香港人，加油！

浴火重生鳳鳥復興
主權在民香港重光

P.S. 請大家 follow 我哋呢個新嘅 TG channel
https://publielectoral.lat/FFFSWHK20

其他社交媒體專頁同網站將如常運作！

Twitter：twitter.com/stand_with_hk
Facebook：facebook.com/standwithhk
Instagram：instagram.com/standwithhk_
Website：www.standwithhk.org

重光團隊 SWHK Channel

Fight for Freedom. Stand with Hong Kong.
重光團隊

🏷 Twitter: twitter.com/stand_with_hk
📨 Facebook: facebook.com/standwithhk
📷 Instagram: instagram.com/standwithhk_
💻 Website: standwithhk.org
📲 Telegram: t.me/FFFSWHK20

647 views15:42