姜濤復工水腫bye bye
自拍「黑圖」撥起毀形象笑番

休息咗一日半——計埋暈低嗰日，姜濤噚日已經復工，趕拍彭秀慧新片《K風暴》。噚日包到冚出門口，戴上口罩仲幾聲咳嘅姜姜，今日精神番晒。似乎同朋友仔打籃球出一身汗傾下心事，真係work。

今日開工等埋位期間，姜姜又做佢最鍾意做嘅嘢——影人瞓覺。今次輪到工作人員中伏。不過，好彩對方同姜姜一樣，戴住口罩瞓覺，睡相還算OK。

對於瞓覺是奢侈品嘅Mirror成員嚟講，等埋位期間最好梗係眠一眠而唔係收集「黑圖」啦。但年輕人新陳代謝快，你睇姜姜，水朣冇晒，精靈番晒。原來佢戲中呢個「撥起」造型，其實幾襯佢吖。

難得嘅係，以前玩遊戲都顧住形象嘅姜姜，而家大個仔，真係豁出去。唔單止撥起見額頭，仲自拍各種毀形象表情，爭啲認唔到佢就係姜姜。

身體健康緊要，心理健康都重要。只要姜姜開心，相信大家俾佢偷拍幾多「黑圖」都唔係問題嘅。應該係。

同場加映自拍靚仔到認唔到嘅Ian同驚變尖面男嘅馬鞍山巨龍型英帥靚正史丹利，以及佢嘅分身——性感咬唇大表嫂。

#姜濤 #姜B #K風暴 #大表哥 #StanleyYau #Ian #黑圖 #channelchk

＝＝＝＝＝＝＝＝＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742

譚仔「宜食不宜抽」？Channel C搵財經專家為大家分析！
https://youtu.be/ySz7_og6WzA

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #嘮動新聞 #譚仔 #IPO #新股 #試當真 #IanChan #阿冰 #七仙羽 #花姐 #正大師 #財經 #陳卓賢

IANSON親挑2義工一齊搭直升機遊港
即睇點先有機會與老闆共處（附報名連結）

做義工唔只有意義，仲有機會同Ian陳卓賢、Anson Kong江熚生@ＭIRROR一齊坐直升機遊香港。不過到時幸運兒都可能掛住望住兩位「老闆」，多過欣賞風景啦！

MIRROR向來正能量滿滿，今次就答謝同樣愛助人嘅義工。服裝品牌PORTS為慶祝60周年，將會舉行將於香港舉辦「PORTS X Time Auction 直升機之旅」，邀請兩位義工喺10月20日同Ian、Anson Kong一齊坐直升機，遊覽香港景色；全程為15分鐘。

想報名嘅義工可以喺網上報名（連結： https://bit.ly/2Y1iDLu ），但機會當然唔係人人有份。報名人士必須喺10月6日前的一年間，喺註冊慈善機構擔任義工滿60小時以上，同埋分享MIRROR同義工活動點樣為個人生活帶來正面影響，寫得最感動嘅義工就有機會俾Ian同Anson Kong親自挑選出嚟一齊搭直升機。報名截止日期為10月6日，幸運兒將於10月13日收到電郵通知。

有關活動消息已經喺fans club廣傳，連AK本尊都有讚好。唔少「生粉」、「Hellosss」都激讚有意義，跟IANSON嘅大愛性格好配合，亦認為義工值得有回報，但就建議兩位幸運兒粉絲帶定氧氣筒，「要有埋急救醫護，因為兩個幸運兒對住Ianson，極大可能會出現心跳加速、血壓飆升、暈眩眼花、呼吸困難嘅情況」，另有fans講笑話「嗰兩位幸運兒應該响架直升機上邊暈低咗喇」。

#channelchk #IANSON #陳卓賢 #江熚生 #AK #AnsonKong #Ian #MIRROR #PORTS #PORTS1961 #義工 #正能量 #直升機之旅 #viutv

鏡粉應援，除咗嚇人標題如「豪花xx萬落燈箱廣告」、「豪花xx萬舉行多場小型生日P，其實仲有好多。

Mirror FC的應援行動，事前集資，有齊計劃，列明所需支出及行動目標，包括慈善應援。慈善應援係應援行動中重要一環。鏡粉嫲嫲嗰代追捧阿姐，都係摺銀紙花義賣，到粒孫呢一代，就係集資代偶像做善事，如陳卓賢 Ian Chan Fans Club IFC ─ 陳卓賢 Ian Chan Fans Club，以 陳仔之名，為柬埔寨有需要人仕送上水井、水泵及生化砂濾系統各兩個，兩個水項目總共令19戶受惠。

IFC周六晚於社交網公佈，先前的捐款禮物已完成建造，今次受助對象是 點滴是生命 A Drop of Life「點滴是生命」，為有需要人士帶來潔淨的水源。

今次Hellosss代陳仔送的禮物，包括上述兩個水項目，且分別以Ian Chan及Chan Cheuk Yin 命名，希望以Ian名義，為更多有需要的人伸出援手。

去年陳仔生日，IFC亦有作慈善應援，以Ian名義捐款至「香港流浪狗之家」，捐款金額為$6,993，希望能略盡綿力、為流浪狗提供一個溫暖的家。

雖然兩個項目的捐款不是甚麼天文數字，但fans這份心意，令人感動。

日前Channel C亦曾報道，PORTS為慶祝創立60周年，與慈善機構Time Auction合作，舉行一場「直昇機之旅」，邀請兩位已完成最少60小時服務（過去12個月內於香港任何註冊慈善機構）的義工，與Mirror副隊長Anson Kong及Ian一起乘坐直昇機，在維港上空欣賞迷人風景——面對Ianson呢對兄弟，兩位善心滿載的幸運兒應該唔得閒睇風景…

#Ian #陳卓賢 #生日應援 #IFC #IanChan #IanChanFansClub #Channelchk

Stanley@Mirror明年出3劇
死神CP《季前賽》對敵 Ian透露角色：打波好叻、好認真

VIU節目2022年巡禮公佈來年5大劇集，分別有：

《i.SWIM》：邱士縉@Mirror、呂爵安@Mirror、王智德@Mirror、魏浚笙、黃奕晨、歐鎮（George）及葉振弘（Marco）

《季前賽》：姜濤@Mirror、陳卓賢@Mirror、193@Error、梁業（肥仔）@Error

《IT狗》：楊樂文@Mirror、陳瑞輝@Mirror、邱士縉@Mirror、余逸思、凌文龍、陳漢娜、岑珈其、陳湛文等主演。

《反起跑線聯盟》：劉偉恆執導，梁詠琪、周家怡、潘燦良、強尼、袁富華、練美娟、梁業及李炘頤等主演。

《冥冥之中》：陳嘉倩、駱振偉，吳啓洋及王頌茵等主演。

另外，邱士縉（Stanley）主演台灣犯罪懸疑劇《第三佈局 塵沙惑》亦將於ViuTV推出，劇中佢因協助由張榕容飾演嘅刑警徐梓薇偵辦變態內衣賊案件而結識，成為徐梓薇的粵語老師。換言之，暫時Stanley至少有3劇會於ViuTV推出。

大家嘅焦點，一定都係擺喺死神CP——姜濤、Ian主演嘅《季前賽》。大家紛紛估邊個係櫻木花道邊個係流川楓，肥仔飾安西教練似乎走唔甩。3人同193都有出席節目巡禮介紹新劇，但仍然賣關子。

其間主持人邀請佢哋以籃球chok pose，原以為死神CP會露兩手，話晒一個係維園「街場」常客，一個係籃球校隊代表，但結果Ian只係舉V字手勢啟動可愛mode，姜姜索性舉起個波遮面，真係估你哋唔到。

193曾經係本地甲一籃球勁旅南華少年隊成員，佢喺上台又重提「爭啲入到NBA」事件，話如果唔係因為斷手就已經入咗，「所以後嚟我就去咗《全民造星》，跟住就企咗喺度（節目巡禮）。」問佢失落薪酬高嘅NBA會唔會好唔開心？三爺一臉認真：「唔會，而家都搵好多，不過公司未出糧。」

Ian就話好開心可以一邊拍劇一邊打籃球，仲話自己對籃球熱愛程度更勝排球。問及劇中與姜濤是否係對手，Ian仲諗緊點答之際，姜濤已經一手捉住Ian隻手話：「我嘅『對手』…」Ian話佢個角色係一個打波好叻、好全面而且認真嘅球員，「欲之後事如何就要睇套劇喇。」

#ViuTV #節目巡禮 #iSWIM #季前賽 #Mirror #邱士縉 #姜濤 #Edan #Lokman #皮皮 #Ian #死神CP #channelchk

Hellosss應援無制限
陳卓賢《搞不懂》登紐約時代廣場
黃金時段播 每小時10次

陳卓賢（Ian）＠MIRROR「現身」紐約時代廣場！無睇錯，係美國嗰個呀！來自紐約、洛杉磯同三藩市嘅Hellosss今次齊集香港同伴嘅力量，終於完成Ian最新個人單曲《搞不懂》應援大project，將Ian帶到去紐約時代廣場，等更多人可以認識到「王子」。」

鏡粉已遍佈各地，雖然佢哋同偶像身處唔同地域，但都無阻佢哋對鏡仔嘅愛。繼Hellosss早前喺倫敦一個巴士站同商場電子廣告宣傳《搞不懂》後，今次美國Hellosss「ianchaninny」更公佈，花咗2個月時間策劃，「終於將陳卓賢彈上去NYTimesSquare啦」。佢哋形容今次project「有血有汗有淚」，雖然離香港好遠好遠，又追得辛苦，但佢哋對Ian嘅愛絕對唔少，所以都要為「王子」做啲嘢。

嚟緊兩個周末，即係10月23、24同30、31號，逢周六會喺美國時間夜晚7點至10點；周日喺下晝1點至3點播放宣傳片段，美國Hellosss就可以喺紐約著名地標Thomson Reuters West 43rd Street & 7th Avenue 交界嘅Hard Rock Cafe或New York Police Office對面打卡。「ianchaninny」又窩心提提大家，因為打卡位置係一個十字路口，所以大家打卡時要小心，同埋都唔好阻到其他途人；如果有人問起，就要趁機會多多宣傳Ian添。

成件事唔單止美國Hellosss興奮，Ian今日出席活動時都話留意到後非常開心：「大家好有心，會身體力行去支持，想多啲人聽到我做嘅嘢，好多謝佢哋。」喺旁邊嘅AK都替兄弟開心咁講笑話：「上一次係銅鑼灣時代廣場，而家係紐約時代廣場，好威呀！」

提到有傳MIRROR出年7月開10場紅館演唱會，AK就話睇報道先知，未收公司正式通知，未知真偽。Ian就希望可以早日收到好消息，咁就可以早啲準備。

※打卡時間（美國時間）：
10月23號 19:00-22:00
10月24號 13:00-15:00
10月30號 19:00-22:00
10月31號 13:00-15:00
註：每小時將會有10次播放，每次15秒

#陳卓賢 #Ian #王子 #Hellosss #MIRROR #應援 #海外應援 #搞不懂 #紐約時代廣場 #channelchk

Ian陳卓賢半裸爆肌登場 成CK第3位鏡仔
Hellosss尖叫「開始～開始無心跳～」

「開始～開始無心跳～」唔好誤會，Hellosss唔係唱錯陳仔陳卓賢（Ian）嘅歌詞，而係佢哋睇完Ian嘅Calvin Klein廣告都有呢個反應。因為平時甚少show肌嘅佢終於半裸，展現佢強大胸肌同腹肌線條，仲要手擺重要部位攤喺梳化，搞到fans們都「流晒鼻血，嗌咗出嚟」、「暈喇！心臟負荷不了！」

Calvin Klein繼有Anson Lo盧瀚霆、Anson Kong江熚生騷肌拍廣告後，今日中午12點post新廣告預覽片介紹呢位「千呼萬喚的第三位神秘成員」。片段雖然只有短短8秒，見唔到正面，只見到「神秘成員」着住套牛仔服飾，但鏡頭一轉，就見到佢半棵上身，露出強大胸肌、腹肌線條，又例牌露出品牌內褲邊，隻手仲要擺喺重要部位，好cool咁攤喺梳化；到最後幾秒，終於見到佢下半邊面嘅輪廓，Hellosss們一睇就知係陳仔！Channel絲都表示勁興奮！

MIRROR今年5月舉行入行第二個演唱會時，陳仔都有話想參show肌環節，仲話冇得參與係「最大嘅遺憾」，今次相信都可以圓咗佢一個心願啦！唔少Hellosss都喺post度洗版留言，「救命呀，我個心跳得好快啊！」、「call白車please」，有Hellosss仲話「輸血都搞唔掂」，想做張梳化添！不過開心完都係時候工作，然後準備課金同前夫們買新底褲換秋冬裝啦！

#channelchk #陳卓賢 #Ian #CalvinKlein #廣告 #前夫

旁白師自肥！Ivy So夥Marf Alice及鏡仔拍YSL廣告

Ivy So 雖然冇入到三甲，但係無減旁白師對佢嘅愛！睇到蘇媽不停有廣告接就開心晒，今次仲同Marf及Alice搭埋MIRROR嘅Anson Kong同埋Ian拍YSL嘅廣告。旁白師不行了，被電親🥰🥰🥰🥰

Ivy So仲要問「睇完有無甜到你哋？」一定有一定有！🥰🥰🥰🥰

#channelchk #IvySo #Marf #Alice #AnsonKong #Ian