雲疊花園經理爆笑通告 倡搓手液洗屁股頭部
自稱證實死亡 但因巨型呼吸機48小時後復活
【管理處確認通告由經理簽發 惟病假中】

聖經記載，耶穌復活，要足足72小時。但有香港人親身「見證」，自稱「死過翻生」只花48小時；而「復活」的關鍵，竟靠一台「巨型呼吸機」！

標榜自行請人管理、管理費低於每呎1元的沙田雲疊花園，近日被拍到其管業經理葉紹剛John，懷疑向住戶發出2則爆笑通告。相片所見，葉在通告自稱10月14日已「證實死亡」，但當晚因消防、救護和護理員給他「巨型呼吸機」，48小時後「救回性命」；再在另一則通告分享「心得」，建議回家「用搓手液清理頭部」和「臀部（不分男女）」，並盡快用「熱水噴射」消毒。

相片所見，這2則通告都是葉經理署名發出，除有其簽名，亦有雲疊花園管理處和葉經理的印章。通告被人拍下放上社交網站，在網上瘋傳。相主在帖文留言，力證相片是其親自拍攝。有網民稱朋友曾致電管理處，職員稱葉在通告「講番自己康復過程一啲想講嘅嘢」，若內容「有咩唔合理、引起誤會」，個人「只能講聲唔好意思」，具體情況「要問番葉經理本人嘞」。傳媒致電管理處，對方亦確認通告由葉簽發，但指葉正放病假。

雲疊花園在1990年入伙。業主不滿管理公司表現差，但年年加管理費，1993年籌組法團，更集資打官司，踢走管理公司，再自行聘請職員，管理費低於每呎1港元。業主最引以為傲，是2014年每戶僅合資2.9萬至4萬元，法團再從儲備撥出5,000萬元，便完成造價1.3億元大維修，更換外牆紙皮石和渠管等，而法團仍有數千萬元儲備，羡煞附近不少屋苑。

#雲疊花園 #管理處 #管業處 #葉紹剛 #搓手液 #呼吸機 #洗臀 #洗頭 #洗patpat #洗屁股 #channelchk #佢黐Q咗綫 #回魂夜 #周星馳 #黃一飛 #通告 #沙田 #大圍 #管業經理 #無厘頭 #搞笑 #funny #notice #復活

的士佬屯門斑馬線未煞停撞飛婦 涉危駕被捕
車cam影晒！婦久站安全島 見減速始步出

68歲關姓關男司機在10月28日早上8時許，駕駛的士沿屯門青麟路往紫田村方向行駛，當駛至輕鐵麒麟站對開斑馬線前減速。一直站在安全島等候的53歲陳姓婦人以為放心過路，於是步出安全島，結果被未有煞停的的士撞飛倒地。司機涉嫌危險駕駛被捕。

從車cam片段可見，婦人本應束起的頭髮，被撞後散開；鞋亦被撞至飛脫，但當時清醒。司機下車慰問被撞婦，又為她執拾甩脫的鞋。其他市民亦上前慰問及報警。婦人報稱頭部、左邊臀部和右手踭擦傷，由救護車送往屯門醫院治理。

#車cam #的士 #斑馬線 #安全島 #危駕 #危險駕駛 #交通意外 #車禍 #輕鐵 #麒麟站 #青麟路 #紫田村 #channelchk

歐洲氣象電腦預測 冷鋒雨帶下周日襲港
天文台料顯著轉涼 27°C大半日跌至19°C

【天氣師李鈺廷提提你】
跟進下周尾南下的冷空氣。冷鋒將在下周六至日橫過華南，天文台表明本港下周日會顯著轉涼。並首次公佈11月8日的氣溫預測；預料市區由7日中午約27°C，跌至當晚約21°C，再跌至8日清晨約19°C，日間亦僅回升至22°C。換句話說，即大半日會急跌8度；撇除日夜溫差的24小時氣溫變化，兩日日間亦將相距多達5度。

由於預測時間長達9日後，氣象超級電腦仍未掌握冷空氣抵港強度和時間，令預測結果仍然不確定、相當分散；11月8日市區低溫預測，由15至22°C都有機會，繼續大包圍，而且最高概率維持僅10%，反映預測依然未可靠，要再觀望。而天文台則取中庸之道，公佈官方預測暫時為19°C；相信隨着日子漸近，不確定因素減退，預測有機會再調整。

歐洲氣象超級電腦（ECMWF）暫時預計，與冷鋒相關的雨帶將於下周日影響香港，雨勢在早上至中午較明顯。天文台預計，下周六「部份時間有陽光，有一兩陣驟雨」，但下周日則「大致多雲，有幾陣雨」，意味天色轉差，降雨亦較明顯。由於預測仍有頗大機會再更新，各位就要密切留意天文台的預測更新和Channel C的最新報道嘞～

#天文台 #冷鋒 #轉涼 #天氣 #李鈺廷 #冷空氣 #氣象 #預測 #forecast #weather #channelchk #ECMWF

羅嘉良捉緊大灣區機遇！內地商演與富婆共舞
嘮動新聞👉 https://youtu.be/u7UGkyNryA8

雖然TVB近期深宵重播羅嘉良劇集，但人稱撈家的羅嘉良已經「北上尋金」多年，近年仲捉緊埋大灣區「淘金歲月」機遇；捉緊富婆手手，淘得盤滿砵滿。「呢個世界公平咩？」撈家已經59歲，仲keep到呢個樣，你話公唔公平呢？旁白師一於同大家評評理👉 https://youtu.be/u7UGkyNryA8

#羅嘉良 #大灣區 #陶大宇 #商演 #嘮動新聞 #channelchk #TVB #視帝 #流金歲月 #呢個世界公平咩 #創世紀 #劇集 #drama #電視劇 #陳錦鴻
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！ https://www.youtube.com/ChannelCHK

「慌失失的士」迷失香港仔迴旋處
逆線行錯80m 再逆線倒後險撞車

做人切忌打倒褪、入錯窿，駕車更甚，不然易生意外！昨（30日）網傳片段可見，一架前往香港仔魚類批發市場方向的的士，懷疑在田灣海傍道迴旋處迷失方向行錯路，逆線駛入連接香港仔海傍道的支路。

當的士在支路逆線行駛約80米至接近入口處時，卻遇上駛入支路的多輛車，結果又逆線倒車，駛回迴旋處，怎料差點撞到駛經迴旋處的一輛貨車，相當驚險。

#香港仔 #的士 #逆線 #迴旋處 #司機 #channelchk

迪士尼萬聖節之旅🎃Sing K扮XX人恥力無限🧟‍♂️試盡全園小食邊樣最好味？
👉 https://youtu.be/ZwDVG6_X8N8

萬聖節🎃到喇，懶系工作室Sing K同悠里醬去到迪士尼玩！Sing K找埋上條片條數👻

#懶系工作室 #迪士尼 #萬聖節 #vlog #全民YouTube吧 #channelchk

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！ https://www.youtube.com/ChannelCHK

周一起入政府場地須掃安心出行
政府稱初期寬鬆處理 無家者可填支援社工電話

周一（11月1日）起進入政府大樓、食環署轄下街市、醫院及法院等須強制掃「安心出行」應用程式，不能以「填紙仔」代替，僅12歲以下兒童、65歲以上長者及使用「安心出行」有困難的殘疾者進入有關場所時，可獲豁免。

公務員事務局長聶德權接受商台訪問時表示，街市人流多，市民購物時亦有較多接觸，有需要透過「安心出行」來協助控制一旦出現的感染個案。他說，明白實際使用時或遇到各種困難，因此執行初期當局會比較寬容處理，強調不應因為執行困難而不做。

聶又指，明白無家者等有實際困難未能使用「安心出行」的人士，但他們應提供可聯絡的電話號碼，並提醒市民若提供虛假資料，或者使用假的「安心出行」，有機會觸犯相關法例。

香港社會服務聯會行政總裁蔡海偉亦表示，希望當局盡量採取寬鬆態度執行，容許有困難市民改為填紙仔。他說，有社福機構擔心新政策會令部份巿民減少外出，期望執行政策能夠寬鬆，令巿民使用時不會太害怕，甚至為避免使用應用程式而不到診所或社會服務辦事處。

對於未能負擔購買的智能電話巿民，蔡海偉希望政府能夠與社福機構合作，提供平價二手智能電話給基層市民。

#channelchk #安心出行 #政府場所 #醫院 #街市 #法院 #Covid19 #聶德權 #蔡海偉 #社福機構

汶汶、占占哈佬喂老蘭開LIVE 今晚隨時嚟嚇你👻

今日就係萬聖節，Channel C台柱汶汶（IG @carinamanman ）同埋我哋超愛扮鬼扮馬嘅剪片大師占占，會去蘭桂坊開LIVE慶祝，究竟佢哋今晚會扮咩？密切留意Channel C YouTube！

#channelchk #汶汶 #占占 #汶與占 #萬聖節 #哈佬喂 #Halloween #蘭桂坊 #老蘭 #live
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk

報料／廣告接洽：
info@channelchk.com

粉嶺私家車狂飆避警追捕 如「炮彈飛車」直衝工廈
33歲停牌司機涉5宗罪被捕

粉嶺凌晨一架可疑私家車為逃避警方追截，失控剷上行人路花槽，並如「炮彈飛車」般直衝入一座工廠大廈玻璃窗，其後冒煙起火。私家車「泵把」飛脫，大廈內的牆身及設施被撞毀。受傷的33歲停牌司機涉及5宗罪被捕。

事發今日（31日）凌晨2時許，新界北總區交通部特遣隊人員駕駛一輛「隱形戰車」，進行代號「QUICKCHASER」打擊藥駕及酒後駕駛行動期間，於粉嶺聯興街及和泰街交界發現一架紅色私家車形跡可疑。私家車駛至和泰街近粉嶺樓路交界時，未有按交通警員指示停低並加速逃去，警員立即尾隨追截。

涉事私家車駛至粉嶺安樂村工業區的樂業路時，警方「隱形戰車」與該私家車相撞，私家車疑失控撞壆繼而剷上行人路花槽，再如「炮彈飛車」般彈起，撞向前面一幢工廠大廈的梯間窗戶，整部車擱在工廈內並冒煙起火。33歲司機手腳擦傷，自行爬出車廂。消防其後趕到現場將火救熄。

尾隨追截的隱形戰車則撞及一架停泊於路旁的旅遊巴，再撞毀路旁欄杆後，撞向工廈一石柱始停下。車上警員沒有受傷，並落車將涉事私家車司機拘捕。意外中，隱形戰車車頭及車身損毀，旅遊巴則右邊車頭損毀。

網上流傳片段可見，意外後有市民在工廈內拍攝現場情況，私家車「泵把」飛脫，車頭嚴重受損，大廈內的牆身及設施被撞毀，碎片散落一地。拍攝者更表示「撞L到飛L晒出嚟喎！唔知乜L嘢事！」

事件中被捕司機姓羅，他涉嫌危險駕駛、停牌期間駕駛、駕駛時沒有第三者保險、沒有提供樣本以作檢查呼氣測試、沒有提供樣本以作快速口腔液測試。

#channelchk #炮彈飛車 #隱形戰車 #粉嶺 #QUICKCHASER #藥駕 #酒駕 #酒後駕駛 #交通意外 #停牌

IKEA狗公仔披長黑髮扮《鋼鍊》合成獸
hashtag「克服童年陰影」 網民反應兩極

今日萬聖節，唔少人都會打扮成動漫或電影嘅恐怖角色應節，向來抽水力強嘅IKEA宜家家居都唔例外，為產品金毛尋回犬毛公仔戴上黑色長假髮，扮演動漫《鋼之鍊金術師》中最為人熟悉、由小女孩及寵物狗煉成「合成獸」嘅一幕，重提返呢件動漫界「說好不提」嘅事。帖文hashtag咗「克服童年陰影」，不過，唔少網民都留言話「直達地獄啦」、「過咗咁多年，而家見到都依然會唔開心」。

IKEA宜家家居凌晨喺facebook專頁出post，上載咗張金毛尋回犬毛公仔GOSIG GOLDEN戴上黑色長假髮，扮演動漫《鋼之鍊金術師》中，小女孩妮娜與寵物狗亞歷山大被爸爸修塔卡煉成合成獸一幕。而且相中以黑色做背景，用燈光打落金毛尋回犬毛公仔頭部，又配上「大……哥哥……萬聖節快樂」嘅caption，令呢隻戴咗黑色長髮嘅狗顯得更加陰森恐怖。

帖文又寫咗「大哥哥⋯今個⋯萬聖節⋯來IKEA⋯陪我玩吧⋯」，呼應《鋼鍊》入面合成獸講「大哥哥，陪我玩」嘅對白。IKEA仲介紹佢係「IKEA⋯嘅⋯GOSIG GOLDEN⋯合成獸」，並hashtag「克服童年陰影」。

帖文隨後引起大批網民留言，唔少睇過《鋼鍊》嘅動漫迷都話「說好不提」、「這個是禁忌啊」、「小編同獸父一樣喪心病狂」┌「每次諗起果嗰個畫面都好心嗡㗎」。但亦有網民覺得好啱萬聖節氣氛，「萬聖節就係要呢啲」、「其實萬聖節攪下gimmick, 有咩所謂……有創意」、「唔講以為係真人真事」，亦有網民表示唔明點解有人會發火，「講說好不提係standard，但有啲人真動氣話公關災難，我個人覺得幾過癮啊！」

#channelchk #萬聖節 #Halloween #哈佬喂 #宜家家居 #IKEA #合成獸 #鋼之鍊金術師 #鋼鍊 #說好不提 #直達地獄 #大哥哥陪我玩

汶汶、占占哈佬喂喺老蘭開LIVE喇！👻

今日萬聖節，Channel C台柱汶汶（IG @carinamanman ）同埋我哋嘅剪片大師占占已經化身大熱「魷魚」，喺蘭桂坊同大家一齊開LIVE慶祝，大家見唔見到佢哋呢？一齊嚟trick or treat啦！

即刻睇：https://www.youtube.com/watch?v=X9y1d3vBeHc

#channelchk #汶汶 #占占 #汶與占 #萬聖節 #哈佬喂 #Halloween #蘭桂坊 #老蘭 #live
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk

報料／廣告接洽：
info@channelchk.com

＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

《造星IV》幕後苦與樂 3日冇瞓覺冇換底褲：
背負參賽者命運 艱辛絕對值得

ViuTV選秀真人騷《全民造星IV》周一晚（1日）首播，ViuTV噚晚（30日）播出特備節目《今世做電視：全民造星極限造夢者》，由幕後團隊分享籌備及製作《造星IV》嘅苦與樂，有人坦言「已經3日冇瞓覺」，甚至「3日冇換底褲」。《造星I》後以男團MIRROR出道嘅柳應廷（Jer）都大讚成個造星團隊好有愛。

今次《造星4》首次選女團，今年報名人數有超過3,700人，而海選當日入廠人數高達1,000人。導演Agent L形容：「好似我哋得10個人攞住刀仔，同一班軍隊千幾2千人攞住機關槍咁樣，又影佢唔到」；導演Rain P都形容場面「失晒控」。

幕後團隊由籌備到正式出街需要半年時間。由於拍攝時間長，工作人員都話都知呢個錄影廠係「地獄廠」。節目播出工作人員喺錄影廠瞌眼瞓片段，Rain P同Agent L都話每日基本上有18至20個鐘喺公司，當有地方同時間，團隊會「有得瞓就瞓，通常你行過見到有啲人會聽住bite（對白）就咁瞓」。

節目導演嘅Himtos都話自己「已經3日冇瞓覺」，Endy亦話「由上一朝早餐食到今朝早餐都未收得工」，甚至有工作人員已「冇換衫3日喇，3日冇換底褲」。主持強尼都話已經唔需要再估拍攝時間，力讚「幕後付出好大」。

完成拍攝又到剪片。Agent L同Rain P都話最難係剪完片後得到監製花姐認可，佢哋同花姐共事要抱住警惕心態，「唔容許有任何錯」。花姐都知道團隊形容佢係「慈禧太后」，佢亦承認自己的確好野蠻。

不過，花姐話90幾位參賽者每人只得幾分鐘表演，如果剪輯得唔好，未能將佢哋嘅性格立體呈現出嚟，嗰位參賽者會隨時被淘汰。

Himtos都認為佢哋背負住參賽者嘅命運︰「你點剪點拍，觀眾就見到個參賽者係點，某程度上我哋有好大責任。」即使製作過程艱辛，但佢認為「絕對係值得，始終都好多觀眾鍾意，出嚟嘅參賽者日後都好多發展，好多機會，只要咁樣就值得。」

花姐又喺節目透露當年阿Jer被5盞紅燈淘汰後，喺出面喊到死，阿Jer講：「花姐，多謝你畀機會我，但聽日開始，我要返去現實，我似乎要丟底自己夢想。」花姐話聽完之後個心好唔安樂，「我聲稱呢個節目係幫人追求夢想，但原來我係扼殺緊人哋嘅夢想。」所以花姐都同自己講，「我唔可以做一個仆街監製。」

#channelchk #造星IV #全民造星IV #ViuTV #花姐 #Jer #柳應廷

兇徒萬聖節扮「小丑」隨機斬人兼放火
東京京王線電車變屍殺列車至少10傷

日本東京當地時間星期日晚發生隨機斬人事件。根據傳媒報道，事發於京王線一班從八王子前往新宿的特急列車，一名年約20歲男子突然向乘客揮刀亂斬，兼且在座椅倒汽油放火。襲擊造成最少10傷，其中一人失去知覺，兇徒最終被制服

從流出的片段見到，當時列車仍然行駛中的，大量乘客向車尾方向倉惶逃生，另外一卡車箱開始著火冒煙，並發生疑似爆炸。當列車駛入月台後，列車門並無打開，乘客要從窗口逃到月台。

目擊者指兇徒扮蝙蝠俠電影中的小丑，由於正值萬聖節，所以並未引起乘客懷疑。有乘客則以為是萬聖節惡作劇，但後來發現兇徒揮著刀，刀上染有血迹。

#channelchk #日本 #東京 #京王線 #屍殺列車 #縱火 #萬聖節

大埔新娘潭路奪命車禍 增至2死5傷

（網上流傳疑似肇事林寶車禍前片段，即睇： https://bit.ly/3o2lGwH ）

大埔新娘潭路晚上發生奪命車禍，涉及3輛私家車及1輛電單車，造成2死5傷。41歲林寶堅尼男司機當場證實死亡，20歲豐田男司機送院後不治。另一人昏迷送往北區醫院，及後轉送威爾斯親王醫院，現時情況危殆。

事發晚上10時許，大埔新娘潭路近鳳坑家樂徑對開有3架私家車相撞，據傳媒引述現場消息指，當時有兩架私家車高速越過雙白線試圖過彎，豈料對面線一輛黑色林寶堅尼迎面而來，造成嚴重意外。林寶堅尼被撞至嚴重變形，尤如廢鐵；另有一部銀色私家車四輪朝天，冒出白煙；一部私家車車頭嚴重損毀，擋風玻璃碎裂。至於現場附近的電單車則懷疑自炒，司機手腳擦損清醒。

據報3名私家車司機被困車內。意外造成2死5傷，林寶堅尼司機當場被證實死亡，由救護員用白布遮蓋遺體。另一豐田私家車男司機重傷昏迷，送往那打素醫院後搶救後證實不治。5名傷者中，24歲女傷者昏迷送往北區醫院治理，再被轉送往威爾斯醫院急救，現時情況危殆；餘下4傷者中，1人傷勢嚴重，其餘3人情況穩定，包括在現場附近懷疑自炒的電單車司機，他手腳擦損清醒。

#channelchk #新娘潭路 #大埔 #奪命車禍 #車禍

「華記」成立反林鄭連任大聯盟一星期即撤回
稱遭陳淨心等藍營抹黑顛覆 改撐劉德華做特首

親建制KOL「華記」楊官華宣佈成立「反對林鄭連任大聯盟」唔夠一個星期，噚日（10月31日）就宣佈正式撤回。佢話連日來俾藍營嘅人日日誣蔑抹黑，又遭另一親中KOL陳淨心製作普通話短片指顛覆國家，為咗「唔想俾位人入，唔想國家難做、警察難做、國家難做」，所以撤回，並改為支持「民間特首劉德華」來屆做香港特首，仲希望劉德華歌迷會會員一齊支持。

「華記」噚晚喺YouTube頻道「華記正能量」播出嘅片段話，大聯盟成立後「一石激起千重浪」，令社會出現極大矛盾，又稱遭唔同陣營人士抹黑佢顛覆國家，「以前識藍營嘅人日日都喺度誣蔑抹黑緊我」。佢仲逐一點名，當中包括話親中KOL陳淨心用普通話拍片話佢顛覆國家，「好多網友擔心啲人排隊去國安『隊我』，話我顛覆國家」。

佢話自己作為「小市民」，無辦法抵擋瘋狂抹黑，所以宣佈反對林鄭連任大聯盟正式撤回，「唔想引起社會矛盾，唔想俾人抹黑我，亦唔想警察難做、國家難做。」佢又慨嘆，成立大聯盟只希望反對林鄭連任，但遭千夫所指，形容「政治上真係揣摩唔到」。

片入面嘅「華記」身後放有藝人劉德華嘅相，寫住「劉德華與『民間特首』的錯認」。華記稱，香港有《國安法》後會施德政，就要用「福將」，所以改撐「民間特首」劉德華擔任特首，「希望劉德華fans club會員一齊支持，......，咁就成個香港皆大歡喜」；如果唔想搞到劉德華，就建議大聯盟改做「香港人齊心通關大聯盟」，希望香港早日通關，唔想林鄭去到出年都連任，令香港繼續通唔到關。華記認為，如果林鄭「可以收賣到香港市民話今年可以通到關呢，冚世界支持你；但如果你今年通唔到關，我真係出年搵劉德華做」，強調「anyone but carrie lam」。

特首選舉明年3月舉行，但林鄭未有宣佈參選，但「華記」上周一（10月25日）已在宣佈成立「反對林鄭連任大聯盟」，話「作為一個香港市民，我受夠啦，我忍夠咗林鄭」；又形容反對林鄭連任大聯盟吃力不討好，得罪現解行政長官無着數，而且仲會俾人攻擊，但仍要「是其是，非其非」。

#channelchk #林鄭 #特首選舉 #華記 #華記正能量 #陳淨心 #劉德華 #民間特首 #抹黑 #顛覆國家 #國安法

5人入境事務大樓涉用假「安心出行」被捕
消息指包括入境處及審計職員

5人被指在灣仔入境事務大樓使用假「安心出行」被捕。多間傳媒引述消息指，被捕人士包括1一名入境事務主任、一名入境事務助理及一名審計署職員，另外兩名為外判職員。

事發今早9時許，警方接獲入境處職員報案指，有人使用虛假「安心出行」應用程式。警方到場調查，並拘捕4男1女，他們涉嫌「行使虛假文書」。

政府規定今日起，所有政府員工及市民進入政府大樓、辦公處所及醫管局設施等地點時，須掃描「安心出行」二維碼。

#channelchk #安心出行 #虛假文書 #入境處 #審計署 #Covid19 #安心碼

李司棋IG曬可愛萬聖節裝扮
及膝南瓜襪購自Amazon

噚晚萬聖節，唔知大家有無出街扮鬼扮馬呢？雖然噚晚條街嘅平均年齡應該唔夠30，不過慶祝萬聖節並唔係年輕人專利，正所謂心態決定年齡，一向跟得上潮流嘅司棋妹（李司棋）都有喺IG Post相同大家一齊歡度Halloween，仲畀好多網民讚佢可愛添～

司棋妹噚晚Po咗兩張相同一條短片，相中嘅佢戴咗頂女巫帽、着咗件印住假領帶嘅白色衫，出面襯咗件黑色背心外套，下身就着住條黑色短褲。最靚嘅就係佢嗰對南瓜黑色及膝襪，夠晒Halloween氣氛之餘又帶點童真，完美襯托出司棋妹嘅獨特氣質。呢個Post吸咗網民近6,000個Like，有人仲問「對及膝襪係邊度有得買」，司棋妹答「Amazon」，識網購仲要係Amazon，果然夠晒IN！

Channel絲上Amazon睇過，發現同款南瓜襪價值$10.99美金，有興趣嘅朋友可以買定下年着，不過應該都唔夠司棋妹着得靚㗎喇～

#channelchk #halloween #李司棋 #萬聖節 #南瓜 #哈囉喂 #Amazon #網購

街市保安走漏眼 長者掃唔到「安心出行」照進入
檔販生意大跌7成：一個人都無，搞死晒！

政府場所、食環署街市、公立醫院等今日（1日）起強制市民必須使用「安心出行」，但執行首日出現混亂。有長者未成功嘟「安心碼」便進入街市，保安亦沒有發現；有市民指街市太多出入口，「有啲人話自己喺樓上嘟咗就掂行掂過，企喺門口嗰啲無真係睇。

食環署街市外都貼有多張二維碼，部份更有多名保安把守出入口，由職員檢查市民有否嘟「安心出行」。不過，Channel絲到荃灣的楊屋道街市視察期間，就發現有長者不知道自己未成功嘟二維碼，便進入街市，逃出了保安員法眼。

市民陳女士批評措施勞民傷財，「個街市好多個出口，仲有樓上呢，有啲人話自己喺樓上嘟咗就掂行掂過，企喺門口嗰啲無真係睇，都幾形式化。」獲豁免使用的黃女士即場填表，認為麻煩都無辦法，「有咩可以講，我哋可以出聲咩？出聲都無用啦！」亦有市民表明不懂得安裝，唯有不到公共街市買餸。

除咗買餸市民受影響，在街市經營的檔販亦叫苦連天。魚檔「細佬」表示，生意起碼少七成：「雞飛狗走，一個人都無，搞死晒！」生果檔蕭太也指，生意下跌六至七成：「本來啲生果一早賣晒，而家仲留返，點吖？熟客都費事裝App唔上嚟！」

不過，街市外的店舖則受惠，肉檔黃生指生意上升一至兩成，菜檔葉女士就話聽到人客稱不想裝App：「好多師奶話因為要裝App唔入街市，啲老人家都話唔入去，喺出面買就算。」

另外，油麻地街市枱商聯會主席陳袁輝接受港台節目《千禧年代》訪問時指，現時公共街市保安人手不足，難於每個出入口作檢查。他舉例，油麻地街市有5個出入口，假設每個出入口要兩名保安監察市民量體溫及檢查「安心出行」，總共就要10個人。但街市只有3名保安，令部分門口無人看守，顧客仍可自行出入。

他續說，全港有近百個街市，每日兩更，短時間內最少需要2,000名保安，故希望暫時豁免公共街市使用「安心出行」；食環署管工職系工會秘書劉偉德亦表示，擔心若出入口不夠職員看守，導致有市民沒有掃描程式進入街市時，當局會否要求職員要為此負責。

#channelchk #安心出行 #Covid19 #安心碼 #街市 #醫院 #公立醫院 #食環街市 #保安 #政府埸所 #生意

雲疊花園再出通告 ：葉經理要老婆換底衫褲
ICU被綑綁15天 疑致頸腳肌萎縮

唔知大家仲記唔記得，早幾日喺通告入面「來回地獄又折返人間」嘅雲疊花園葉經理呢？佢張通告喺網上引起好大迴響，有唔少人都關注葉經理嘅身體情況，甚至打去管理處想問候佢，可能葉經理收到晒大家嘅關心，所以佢又特登出咗張新通告，同大家交代佢最新嘅身體狀況！

上回嘅兩張通告講到葉經理證實自己死亡，跟住又救得返，仲叫大家用洗手液清潔「臀部」，搞到好多網民一頭霧水。今日（1日）葉經理特登再出通告補充，第一點首先交代「UCH入院紀錄在經理手中」，而UCH即聯合醫院，應該係回應網民質疑通告係「惡作劇」。第二點就形容自己嘅症狀，回應傳媒佢仲放緊病假，「經理頸部同雙腳肌肉出現萎縮，沉痛及無力，可能是在ICU被綑綁了15天所致，病假至11月2日（可續）」，第三點就係預告下張通告內容「2021年11月1日將會再做全身檢查，結果如何再向各位匯報」。而葉經理最尾仲話，佢連換面衫面褲、底衫底褲嘅能力都冇，要由老婆協助⋯⋯可能因為連換衫嘅能力都無，今次張通告唔係由葉經理親自簽名，係由管理處蓋印。

睇完呢張新通告，網民同Channel絲嘅反應一樣：吓？⋯⋯但網民除咗關心葉經理嘅健康，想開返個「雲疊花園葉經理健康關注組」外，仲有人問葉經理係咪當屋苑通告欄係佢Facebook，要久唔久更新Status。連換衫都要老婆幫手嘅葉經理，唔知嚟緊又會唔會交代如廁、沖涼、食飯嘅情況呢？Body Check之後幾時又會再出通告呢？真係夠晒耐人尋味～

#channelchk #雲疊花園 #葉經理 #通告 #ICU #聯合醫院 #管理公司 #物業管理

天文台料周日冷鋒殺到 氣溫急降9度
新界多區下周初低見15°C

踏入11月，本港天氣仍較為和暖，香港天文台更預測周六（6日）市區氣溫最高29°C；但一道冷鋒周日（7日）「立冬」會橫過華南沿岸，市區最低氣溫急降至20°C，並有幾陣雨；預測周一（8日）氣溫進一步降至17°C，大埔及打鼓嶺等新界地區更跌至15°C，天氣亦漸轉乾燥，市民要着多件衫之餘都要做好保濕呀！

據天文台9天天氣預報顯示，一股清勁至強風程度的偏東氣流會在明日（2日）影響廣東沿岸，並在隨後兩三天逐漸緩和，預料本周後期天氣相當溫暖，亦有一兩陣雨。周四（4日）市區氣溫介乎24至27°C，至周六氣溫最高達29°C。

不過，天文台預料一道冷鋒將於周日橫過華南沿岸，氣溫會顯著下降，市區氣溫介乎20至26°C，大致多雲及有幾陣雨，離岸及高地間中吹強風。

而受隨後的東北季候風影響，下周初該區風勢頗大，早晚清涼。天文台預測天文台料下周一及二（8及9日）市區最低氣溫進一步降至17°C，自動分區天氣預報顯示，下周一打鼓嶺最低氣溫只有15°C；新界其他地區包括沙田、大埔、將軍澳、青衣等亦只有16°C。而下周二市區氣溫介乎17至22°C，大埔、打鼓嶺、天水圍及石崗的最低氣溫更只有15°C。到下周三（10日）氣溫微升至18至24°C之間，但天氣乾燥，最低相對濕度降至45%。

#channelchk #天氣 #天文台 #冷鋒 #立冬 #東北季候風 #季候風 #氣溫 #轉涼

僅僅一個星期，「反對林鄭連任大聯盟」就壽終正寢了～華記喺藍營、黃營「夾攻」之下，宣佈「撤回」聯盟，仲改口加持華仔做特首⋯⋯

去片👉 https://youtu.be/kC5LnN6sM1Q
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk
報料／廣告接洽：
info@channelchk.com
#channelchk #嘮動新聞 #華記 #華記正能量 #楊官華 #林鄭月娥 #特首 #連任 #CarrieLam #劉德華