將軍澳幼稚園神還原《魷魚遊戲》？
「輪椅劍后」余翠怡變工作人員 司棋姐DIY心形椪糖

Netflix原創韓劇《魷魚遊戲》播出已經接近一個月，睇佢長佔排行榜首位就知，魷魚熱潮不但仲未退，仲越嚟越多人討論添～

好似萬聖節未到，「輪椅劍后」余翠怡已經孖住隊友鍾婉萍（Irene）等人，組成揸劍嘅工作人員隊，但就將自己變成高等正方形兵，強逼隊友Under佢～余翠怡喺IG認自己好無聊，但就好開心有隊友肯陪佢玩。而翠怡呢個Post，亦都吸引咗英國嘅輪椅劍擊運動員Oliver Lam-Watso又跟住佢整返嗰正方形高等兵，翠怡仲幫手叫埋另外兩名運動員朋友Piers Gilliver同Dimitri Coutya Join埋一份添！諗諗吓，揸劍嘅工作人員好似仲恐怖過揸槍，Channel絲都係走先啦！

除咗輪椅劍后，投入呢股熱潮嘅仲有今年已經71歲嘅李司棋，司棋姐喺IG到Post咗佢DIY椪糖嘅相同片，除咗DIY嘅過程，司棋姐仲挑戰埋挖出心形圖案，可惜最終唔小心失敗～但就算失敗咗，司棋姐仍然吸到唔少Like同網民嘅稱讚，「好可愛😂跟得好貼👏👏👏」、「好犀利！ 整得好靚❤️」、「走在潮流尖端😂」。事實證明，想畀人讚，唔一定要「不停地舔呀舔」粒椪糖嘅～

有工作人員、有椪糖，你又想唔想玩「港版魷魚遊戲」先？有網民Po咗張相，相中係將軍澳一間幼稚園，只見佢外圍竟然有齊大圓形、三角形同正方形裝飾，完全Match晒魷魚遊戲嘅三個Signature圖形～嗯，都係嗰句啦，其實Channel絲唔想知嗰到有無得玩「港版魷魚遊戲」，淨係想知嗰到有無西裝男孔劉咋！

#channelchk #squidgame #魷魚遊戲 #余翠怡 #鍾婉萍 #李司棋 #椪糖 #將軍澳

日本京都設計品牌SOU・SOU快閃Times Sqaure
七仙羽率先試着變氣質㗎妹

七仙羽（7師傅、7cfu）除咗係「作家、醫生、填詞、名校高材生、選美冠軍」之外，仲係⋯⋯潮流達人。

疫情封關咁耐，香港人最掛住嘅一定係鄉下日本，因為日本除咗多美食，仲多靚嘢買吖嘛。深明港人心嘅銅鑼灣時代廣場，今次就誠意邀請到嚟自日本京都的設計品牌「SOU・SOU」開設佢哋嘅首間海外Pop-Up Store，將時尚日式美學帶嚟香港。時代廣場今次仲邀請咗七仙羽、創作歌手馮允謙及女星譚旻萱（Mandy Tam）率先試吓SOU・SOU嘅靚衫，變身日系潮人。

換上SOU・SOU靚衫嘅七師傅，將「師傅愛你」嘅正能量融入時裝，仲自爆佢因為皮膚較黑、生得嬌小可愛，多次被外國人誤會係日本妹，畀人讚生得靚同「Kawaii」。有一次喺克羅地亞旅行，有外國人搭訕7cfu，仲以為佢係嚟自澀谷嘅辣妹⋯⋯同香港人一樣熱愛日本嘅七師傅，話希望疫情過後可以與外籍男朋友去京都旅行，最好可以一齊着住京都和服在滿天秋葉下影相留念添～

化身日本輕熟女嘅七師傅，除咗喺Fb幫自已改咗個日本名做「七仙羽日子」，仲坦言已經愛上咗SOU・SOU。因為牌子簽名式嘅數字設計，同佢嘅玄學術數甚有共鳴，而佢會揀一啲旺自己的顏色及數字的設計，希望旺氣持續。7cfu仲話，由於呢排多咗唔少幕前工作，例如拍葉念琛執導電影同靈異節目等，所以都要添不少新裝，已經預算咗6位數字嘅置裝費。

今次SOU・SOU嘅Pop-Up Store將會發售超過25款限量商品，其中仲有一系列日本限定嘅家居商品添！SOU・SOU仲準備咗佢地Signature嘅皮製數字同香港限定嘅刺繡熨布貼，畀顧客即場購買指定貨品後熨貼，包括奶茶、蛋撻等圖案，仲有「貓奴」、「斜槓青年」等日常用詞，每款都夠晒香港特色。而有留意開日本潮流嘅人都知，呢個牌子深受㗎妹歡迎，仲講明係「Japan Design Japan Made」㗎～係咪好吸引先？唔講了，Channel絲都要㩒錢去買嘢，SOU・SOU我嚟啦～

#channelchk #sousou #7cfu #timessquare #時代廣場 #七仙羽 #七師傅 #銅鑼灣 #馮允謙 #jayfung #譚旻萱 #mandytam #日本 #京都 #kyoto

未待風暴入800km 澳門8pm掛1號風球

食炸蝦應唔應該食蝦尾？
日小學生問首相掀熱話

日本卡通「角落生物」近年爆紅，除咗生物造形討人喜愛，每角色都不唔同意思。其中炸蝦尾因為蝦尾太硬，經常被剩落嚟，所以佢嘅夢想就係終有一日會被食咗。日本有小學四年級學生上月就喺自民黨選舉嘅網上問答環節中，認真咁問候選人「食炸蝦時，到底應唔應該食尾巴？」已當選為新任首相嘅岸田文雄都好嚴肅咁答：「食唔食蝦尾係自己決定，不過我個人係會食嘅。」

結果食唔食炸蝦卧就成為咗熱話，連日本朝日電視台節目《羽鳥慎一モーニングショー》都用呢個topic嚟做民調，結果發現有67.1%受訪日本人都有食炸蝦尾巴習慣，其中靜岡縣同滋賀縣更是100%人表示會食炸蝦尾；有受訪者話細細個就已食炸蝦尾，覺得好香好好食，又覺得裏面含有豐富鈣質，「我絕對會食」；唔食嘅人就會覺得佢好硬，而且容易哽親。

不過，節目邀請咗營養師嚟講炸蝦尾，話蝦尾其實含豐富膳食纖維同鈣質，食咗絕非無益；禮儀專家就話，餐桌禮儀上無規定要唔要食炸蝦尾，但如果唔想食，都可以將蝦尾放置喺碟邊，咁睇落去就比較整齊美觀。所以食唔食其實都係各有所好啦！

#channelchk #炸蝦尾 #岸田文雄 #日本 #自民黨選舉 #首相

有妹豬話驚出現「大嬸的愛」，又話唔想做對方工人；而出Po者就話，即使遇上Cyber-Bullying，都無阻佢幫人嘅決心。

去片👉 https://www.youtube.com/watch?v=bA0DSI9kaJs
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk

報料／廣告接洽：
info@channelchk.com

#channelchk #街訪 #租屋 #清潔 #煮飯

澳門氣象局表明，明日凌晨至早上改發3號風球機會高；明日晚間至後日清晨改發8號風球機會較高，與天文台稱明晚至後日初時可能發出8號風球的預測相若。

圓規打到嚟，港九新界無得避⋯⋯？相信大部份人都同我一樣，其實唔知到底聽日到底打唔打得成8號，又唔知幾時掛、掛幾耐，氣象白痴又連圓規有幾勁都唔知，到底較唔較鬧鐘起身好呀？

呢個時候， 天氣師李鈺廷出現了！想知八號波幾時嚟同有幾勁，記得一陣9:30pm鎖定我哋Facebook Live，到時天氣師會同大家展開激情對話，咁多位「黎生」，記得到時問多啲問題啦！

（由於直播準備時間倉卒，不慎令畫面左右倒轉，天氣師向各位致歉🙏）

Facebook直播版：
https://cutt.ly/AE7aYgC

YouTube修正左右重溫版：
https://youtu.be/Rrv7ptD19j8

#channelchk #李鈺廷 #天氣師 #直播 #圓規 #八號風球 #你問我答

Facebook Live 正式開始！
各位黎生同黎小姐，記得入去問天氣師嘢啦😼

Facebook直播版：
https://cutt.ly/AE7aYgC

YouTube修正左右重溫版：
https://youtu.be/Rrv7ptD19j8

（由於直播準備時間倉卒，不慎令畫面左右倒轉，天氣師向各位致歉🙏）

成日話攪手只求打個和，但今次趙羅尼 （Ronnie）呢個眾籌拍戲＋串流平台實驗，好大機會最尾乜都無，到底係咩驅使佢仲要去試呢？快啲入去聽下佢點講！

去片👉 https://www.youtube.com/watch?v=qpT2W5Xhd24
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk

報料／廣告接洽：
info@channelchk.com
#channelchk #趙羅尼 #Ronnie #黃秋生 #堅離地道殺人事件 #黃秋生 #眾籌

頭先錯過天氣師李鈺廷嘅Live唔緊要，Channel C為你準備咗重溫版，想知圓規到底咩料、聽日使唔使返工，就記得入去聽吓啦！（睇咗都可以再睇㗎，我哋已經flip返天氣師個mon啦lol）

去片👉 https://www.youtube.com/watch?v=Rrv7ptD19j8

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#channelchk #天氣師 #李鈺廷 #圓規 #打風 #八號風球