#全面戰爭 #光復香港 #魔鬼教官的信

致各位特訓組學員：

教官正式宣佈， 特訓組第一學年正式結束， 漫漫抗爭長路， 我哋成功抵達香港編年史另一個篇章既開始。

回顧最近一年， 我地同所有學員一齊經歷過無數次特訓， 我地所跑既每一步， 所做既每一次訓練都係為左提煉我地既精神， 打磨我地既肉體， 每一次鍛煉都係重朔自我既小革命。

國安法， 佢只不過係共產黨再一次向文明人展示自己既陽具： 一個目無章法， 無文明意識既政權向我地露械， 又何須懼之？

但對港共政府、 民建聯同此刻沒絲毫懸念繼續打壓香港人既香港警隊， 佢地對叛港政策全力支持既態度我地必須銘記於心， 佢地既行徑同嘴臉， 將會永世被釘喺耻辱柱上。

特訓組發展至今學員一萬人， 相信我地既學員已經遍佈香港各階層， 不論你係住元朗定係其他地區； 係草根、 中產定係富戶； 從事任何行業， 任何職級， 喺呢一刻我哋全部都係香港人， 香港民族不可或缺既一員。

我哋要以最堅毅嘅靈魂， 係自己既戰線全力輸出： 不論喺工作上步步高升， 職場上保護同路人、 建立黃底集團同其他黃色企業互相支援； 定係移民過後喺國外發展經濟圈、 游說政客、 招攬外國同路人全力支援香港嘅抗爭戰線-- 漫長嘅抗爭道路上總有你我嘅位置。

即將進入第二學年， 我地面對既係更嚴酷既環境， 但係我地唔會驚， 即係國安法黎到我地亦唔會屈服： 更強既敵人只會令我地更加亢奮， 用更強既力度反制。

憑咩？ 就憑我哋係經過長期特訓既時代革命家， 就憑你地喺來自特訓組既精銳。

另外， 曾經幫我哋熱心賣廣告嘅友好媒體： 大公報、 東網、 文匯報、 港獨之父梁振英， 香港人定必十倍奉還。

多得共產黨， 連綿 23 年既香港人身份認同問題， 此刻得到最完美既答案： 香港民族思想， 正式走向一個全新既篇章。 我地係香港人， 生在此地， 為民族奉上一切係魔鬼教官此生最大既榮耀， 願榮光歸香港。

最後， 請記住能夠全身而退， 先可以健健康康睇住共產黨一鋪清袋， 抗爭戰線並唔係只有街頭， 任何地方都可以係我地既主戰場， 因為我地 BE WATER， 我地永遠佔據主導戰場既絕對優勢， 各位手足保重， 我哋下次特訓場上再見！

讓革命融入生活， 用行動光復香港！

元朗特訓組、 天水圍特訓組、 屯門特訓組、 港島特訓組、 九龍東特訓組及...

魔鬼教官
敬上