▌近日有素食者喺「飲食黑店大全」FB群組表示，喺 #大家樂 買咗個素焗豬扒飯，點知返到屋企發現塊豬扒竟然有骨！😱

▌呢位因為宗教原因，只食蛋奶素嘅食客稱，個飯嘅配料同醬汁同平時嘅素豬扒飯無異，發現塊豬扒有硬物先知係真豬扒，故而喺FB投訴。有自稱做過大家樂嘅網民就回應，焗豬扒飯一早pack好晒，有人叫到就喺廚房翻熱，唔會有人得閒睇入面嗰塊係真豬定假豬，出餐冇把關，所以顧客只可以選擇唔幫襯。

亦有網民表示，外賣要睇彩數，試過嗌焗豬冇豬，但因為趕住開工所以冇計照食。睇返新聞，其實上年8月都有人投訴過大家樂焗雞扒飯無雞扒，當時亦有網民留言表示「早餐唔係漏碗粉就漏蘿蔔榚」，或者嗌肉醬意出咗冇雞雞扒飯。

▌題外話，版主有預感下面留言會傾向笑人食素或者「齋口唔齋心」，但其實有人食素減輕碳排放係幫埋你同下一代，而家又唔係迫你食齋，何樂而不為呢？有啲食肆出名錯餐漏餐，但仲有人幫襯，不是更好笑嗎？

#TVB廣告商2023 #活力午餐 #假焗豬扒飯 #冇雞雞扒飯 #曱甴紅豆冰