【專訪 • 攬炒論】Post II

加山傳播全文：
https://www.facebook.com/109301110486297/posts/253767226039684/

後記:
下面係喺訪問講過嘅少部分《攬炒論》。一於抽少少出黎留個記錄，同有興趣嘅手足一齊思考。

//
我第一次聽到同了解香港《焦土論》係2016年。

當年我留意到Fb page 「無神論者的巴別塔」出咗個post，講焦土派主張要喺立法會選舉投白票，寧願投比獻世派或射落海都唔投比泛民，推動中共摧殘香港以換取民心覺醒嘅機會。

去到 2019 年1月，即係反送中前，「巴別塔」再一次重新整理焦土論述主張，但嗰時《焦土論》重心仍然係懲罰泛民同以焦土換取香港人覺醒。

至於乜野係《攬炒論》？
簡單講喺《攬炒論》入面，（1）攬炒係反擊手段，而非目的；（2）目的係光復香港；（3）攬炒對象就係以香港人為敵嘅中共同佢嘅走狗。

經過一年發展，有好多唔同嘅攬炒手法俾人提出。個人認為只要符合上述三點就係《香港攬炒論》嘅一部分。

而我自己心目中嘅攬炒由兩大手段構成，（1）制裁中共、港共以及佢地嘅家人，等佢地失去外國護照、資產，身體力行永世留喺中國；（2）終極攬炒：取消香港關係法。

事實上，我並唔係第一個人提出「取消香港關係法」作為反制手段嘅人。早喺2017年，陳浩天就有個聯署請求美國取消關係法，阻止共產黨透過香港去延續脆弱嘅中共玻璃政權。

另外，《攬炒論》中嘅攬炒係帶住先破後立，置諸死地而後生嘅精神，依一點同傳統「焦土」意思有少少重疊之處。

⋯

我地之所以會喺816同學界搞「英美港盟，主權在民」遮打花園集會，就係為咗呢個隱含嘅戰略目的。我個人原意係想靠呢個集會呼應《美國關係法》同《中英聯合聲明》。

當日其中一位嘉賓就係陳浩天；雖然我同佢至今仍然無交流過，但我提出邀請佢嘅原因，就係希望佢會親自將美國關係法嘅主張由佢自己把口講返出嚟，方便團隊之後嘅攬炒中共行動。
//

———————
攬炒團隊《重光計劃》眾籌突破75%！🔥
www.gofundme.com/f/swhk-fundraiser

正牌攬炒Channel🔥
t.me/StirFryChannel

#攬炒 #訪問 #本土戰線