//臨近放榜，我地一班浸大學生，甘冒天下之大不韙，憑住良心同道德勇氣，同今屆DSE考生講一句忠告：「有得揀，千祈唔好喺JUPAS擺任何一科做浸大！」//

▌宇宙最苛刻普通話畢業門檻
好多人入嚟都唔知，浸大係全港唯一一間有普通話畢業門檻嘅大學。你讀完中小學九年普通話課程，入咗嚟浸大都會逼你讀普通話課程，一個星期讀3個鐘，考拼音對譯、電腦口試，唔合格就唔畀畢業。學生已經通過公投決議取消門檻，但科大、理大相繼改善措施後，只有浸大仍然死攬門檻，繼續殘害學生。如此野蠻，點入得過？

▌成績年年下跌，頹勢已成

▌入學獎學金只夠交學費，熱錢勁射大陸人
（圖舊，獎學金已加至19萬）

高層今年又再奔跑大陸搞宣傳會，以每年高達19萬，四年總共68萬獎學金吸引大陸學生。相反，本地學生最高入學獎學金只有4萬2千（即免學費），仲要一次發放。公平咩？學額經費源於納稅人一分一毫。大陸學生所交學費，本來就比學位成本少13萬，即係已經得到巨額補貼，點解仲可以攞咁多獎學金？

另外，浸大本地生獎學金全港最低。

▌大陸學生泛濫 假大空嘅國際化
唔好以為大陸學生多唔關你事。BU係全港最高大陸學生比例嘅大學，佔非本地生達94.2%（八大平均為76%）

▌中學型家長式 「全人教獄」
你以為入到大學，課程架構會唔同晒？錯喇，入嚟浸大，你唔係讀緊你想讀個Major，而係讀緊似足中學規格嘅通識課程，要學生讀中文、英文、數學、體育、普通話、宗教、社會科學、理科、商學、歷史、美術、演講（PS）等多不勝數嘅通識課程，質量參差，但全部都計入本科學位嘅Gpa，令你疲於奔命，最後先發覺原來四年光陰心力，都唔係用喺你本來想讀嗰科度；高層口號嘅「全人教育」，淪為學生嘅「全人教獄」。

▌喺大陸都可以拎到浸大學位證書！
如果你有3322，其實就可直入大陸珠海，北京師範X浸大嘅国际学院。張證書印到一模一樣！

▌2021年新增：浸大新學年將國安教育列為畢業要求，並設有評估計分，敬請留意！

#浸大 #普通話 #hkbu #hongkongbaptistuniversity #香港浸會大學 #染紅 #誤人子弟

Credit: IG @gongjyuhok