再見啦，妹妹🍃
3歲嘅妹妹癱咗，前主人棄養原因係屋企有3隻癱貓，照顧唔到咁多隻。主人話有同佢做針灸同有食藥，亦有好返過，但因為之後餵藥唔準時所以又行唔返。但除咗下半身冇力之外，身體係健康的。主人話已經搵過其他機構，但冇接，如果再冇人接就會拎去愛協。其實妹妹係有得醫，但主人話冇錢，就不了了之，而且妹妹喺屋企係長期困籠。
因為伙伴聽到一屋有3隻癱貓，覺得事情好奇怪，同埋覺得妹妹有得救，所以當晚就接咗佢返嚟，再約之後睇醫生。當晚凌晨1點暫托先接到妹妹，但發現妹妹嘅情況唔係冇力咁簡單，而係完全癱咗，肌肉已經萎縮，似係已經癱咗一段時間。
第2日暫託再仔細觀察，妹妹唔係好肯食嘢，呼吸有少少急但又未去到喘，佢下半身黃晒又濕哂，所以暫托就幫佢沖身，沖出嚟啲水係啡黃色😧當晚暫托都有hand feed餵妹妹食咗好多，而且佢非常嗲，攬咗陣暫託，暫托都抱到佢臨瞓先放返佢入籠。但喺同一晚突然收到前主人消息，原本同屋嘅另一隻貓貓突然伸脷，入咗急症。
點知第2朝起身，暫托入房時妹妹已經成個身硬晒，已經去咗彩虹橋😢再問番前主人，入咗急症嘅貓貓都走咗。伙伴同暫託都好唏噓，如果我哋早啲接到妹妹，情況會唔會唔同呢？又或者至少知道妹妹發生咩事，而唔係走得咁不明不白？
妹妹走咗一個月後，有個中醫同暫託話佢救過前主人其中一隻貓，研究咗再醫咗一輪後，隻貓都行得返，但妹妹係咁多隻入面情況最嚴重😔
「無論誰都不能驚醒你，撐一傘松蔭庇護你睡」《也許》聞一多
妹妹嘅餘溫仍殘存喺暫託嘅胸口，但願你喺彩虹橋愉快地跳，自由地飛。
3歲嘅妹妹癱咗，前主人棄養原因係屋企有3隻癱貓，照顧唔到咁多隻。主人話有同佢做針灸同有食藥，亦有好返過，但因為之後餵藥唔準時所以又行唔返。但除咗下半身冇力之外，身體係健康的。主人話已經搵過其他機構，但冇接，如果再冇人接就會拎去愛協。其實妹妹係有得醫，但主人話冇錢，就不了了之，而且妹妹喺屋企係長期困籠。
因為伙伴聽到一屋有3隻癱貓，覺得事情好奇怪，同埋覺得妹妹有得救，所以當晚就接咗佢返嚟，再約之後睇醫生。當晚凌晨1點暫托先接到妹妹，但發現妹妹嘅情況唔係冇力咁簡單，而係完全癱咗，肌肉已經萎縮，似係已經癱咗一段時間。
第2日暫託再仔細觀察，妹妹唔係好肯食嘢，呼吸有少少急但又未去到喘，佢下半身黃晒又濕哂，所以暫托就幫佢沖身，沖出嚟啲水係啡黃色😧當晚暫托都有hand feed餵妹妹食咗好多，而且佢非常嗲，攬咗陣暫託，暫托都抱到佢臨瞓先放返佢入籠。但喺同一晚突然收到前主人消息，原本同屋嘅另一隻貓貓突然伸脷，入咗急症。
點知第2朝起身，暫托入房時妹妹已經成個身硬晒，已經去咗彩虹橋😢再問番前主人，入咗急症嘅貓貓都走咗。伙伴同暫託都好唏噓，如果我哋早啲接到妹妹，情況會唔會唔同呢？又或者至少知道妹妹發生咩事，而唔係走得咁不明不白？
妹妹走咗一個月後，有個中醫同暫託話佢救過前主人其中一隻貓，研究咗再醫咗一輪後，隻貓都行得返，但妹妹係咁多隻入面情況最嚴重😔
「無論誰都不能驚醒你，撐一傘松蔭庇護你睡」《也許》聞一多
妹妹嘅餘溫仍殘存喺暫託嘅胸口，但願你喺彩虹橋愉快地跳，自由地飛。