"Каб родная мова гучала!” - з такiмi словамi пачаўся сёння  дзень, прыўрочаны да Мiжнароднага дня  роднай мовы, у дзiцячым садзе  5️⃣2️⃣0️⃣

З самага ранку, пад гучанне беларускіх песен, дзяцей i бацькоў ветлiва па-беларуску сустракалi ў садку.
Кожнаму даросламу патрэбна было выканаць заданне:  перакласці словы з беларускай мовы, а таксама ўспомніць прыказку ці прымаўку.
Для  выхаванцаў i iх бацькоў прыгатаваны кнiжныя падарункi, тлумачальнiкi беларускiх слоў 📚.

На працягу святочнага дня прайшло шмат мерапрыемств:
🔰 старэйшыя выхаванцы наведалi бібліятэку ў гімназіі № 38, пазнаёміліся з творчасцю беларускіх пісьменнікаў, паэтаў;
🔰 выхаванцы сярэднiх груп  вадзiлi карагоды, развучвалi беларускiя рухомыя гульнi;
🔰 выхаванцы малодшых груп прагледзiлi казку "Зайкава хатка";
🔰 а самыя маленькiя пазнаёмiлiся  з героямi беларускіх чытанак-забаўлянак.

Дзiця, якое з маленства шануе традыцыi сваiх продкаў, гаворыць па-беларуску, паважае сваiх бацькоў, пранясе такiя адносiны праз усё жыццё.

#дзiцячы_сад_520
#дзень_роднай_мовы