Пасяджэнне рэдакцыйнага савета ў пашыраным фармаце прайшло ў Выдавецкім доме "Педагагічная прэса"📌 Парадак дня ўключаў падвядзенне вынікаў дзейнасці прафесійных выданняў у гэтым годзе і абмеркаванне планаў на наступны.
Да ўдзелу ў размове былі запрошаны начальнікі аддзелаў па адукацыі Чавускага райвыканкама
Дзяніс Нікіфараў, Старадарожскага райвыканкама
Святлана Капачэня і Ленінскага раёна Мінска
Наталля Кучынская.
Як заўважыла дырэктар Выдавецкага дома
Кацярына Дубінская, такія сустрэчы з падпісчыкамі спрыяюць развіццю выданняў і з'яўленню новых ідэй, бо імклівы час патрабуе пастаяннага абнаўлення.
🔺 Госці адзначылі, што "Настаўніцкая газета", як і яе
сайт, ТГ-канал, радавалі ў 2023 годзе новымі рубрыкамі, цікавымі суразмоўнікамі, аператыўнымі навінамі і перадавым вопытам калег. Увогуле, усе выданні Выдавецкага дома, а гэта, акрамя "Настаўніцкай", часопісы "Спорт time", "Народная асвета", газета "Домой!", сеткавае выданне
ng-press.by, працавалі ў 2023 годзе эфектыўна, на карысць сістэмы адукацыі краіны.