【新到書17.12.2021】

今次到嘅呢三本雖然已經出版一段時間，算唔上係新書，但我都想留少少存貨，俾想留住唔同時期香港經歷嘅讀者。

《失聲香港》講述喺社運低潮嘅2016至反送中運動爆發前揮之不去嘅無力感，同2019年中處處係同路人嘅對比。喺各種嚴刑峻法下，街頭抗爭嘅日子好似已經遠去，但革命一直都未完。回望過去，可能會學識如何同無力感共處，如何喺細微嘅地方延續革命。

《被消失的香港》集合著名漫畫家柳廣成以5B鉛筆刻畫嘅香港。由爆眼少女開始用速寫記低香港人反抗嘅勇氣同傷痕，希望時刻提醒我哋即使身處自由國度，依舊記得打壓從來不遠。

《我們的最後進化》由眾多記者作採訪報道，記錄2020年國安法同疫症下香港接連被奪去嘅自由。或者以後香港會消失，香港人會被滅聲，但至少我哋要為未來留低紀錄。

#香港人 #英國 #新書 #失聲香港
#被消失的香港 #我們的最後進化
#hongkonger #hkisnotchina