【白領工會 - 回應職工會登記局查訊】
－－－－－－－－－－

本會12月尾收到職工會登記局來函，查訊2020年至2021年期間多項活動係咪符合《職工會條例》同本會會章宗旨，包括有關疫情初期同《香港國安法》嘅一連串行動、街站同評論。

此等事件可能廣泛影響本港經濟及社會穩定，本會行動為爭取維持健全社會制度、開放透明嘅營商環境同良好嘅工作環境，屬保障勞工權益必備條件。

多條適用於香港嘅國際公約亦闡明，工會事務範圍包括促進及保障其經濟及社會利益、促進職業安全與衛生，非僅限於狹義嘅僱傭關係層面。但有關當局並未具體說明工會可以按常理關注嘅議題界線，或令本會難以繼續工會活動，希望當局可以盡早發出清晰指引。

本會理事會已於今日較早時間向職工會登記局提交書面回應，內容唔涉及任何會員資料，全文請見：
https://drive.google.com/file/d/1lql4pmdbASD-TT5x71YEC09OApG5Y2Ua/view

本會亦會召開特別會員大會，向會員交代今次事件、共議工會前路，請會員留意即將發出嘅工會通訊。