牆內隨筆：《祝你聖誕快樂》
聖誕將至，首先喺度預祝你聖誕快樂。講句老實說話，自從入咗冊之後我對節日完全談不上興奮，一想到節日甚至會令我胸口作悶有想嘔嘅感覺。其實咁都係理所當然嘅事，普天同慶嘅日子自己卻身在牢獄之中，唔能夠同親朋好友慶祝。外面每一聲歡笑聲就好似係對我嘅嘲笑聲。
諗返轉頭，中秋節係我第一個喺獄中度過嘅節日，亦令我感受最深。中秋本應係人月兩團圓的日子，但當時我舉頭望不見明月、低頭又看不見佳人。看見嘅就只有一張張同我一樣憂愁嘅面孔，當然有少數人會為份中秋禮包（M&M、旺旺仙貝）同埋晚飯隻雞髀異常地感到興奮。
另外假期必定伴隨節日而來，對你嚟講放假當然係值得高興嘅事。節日假期如果咁啱連住星期六日就足足有三日假，夠你去轉台灣或者日本短trip。但對我哋來講，三日假期即代表三日冇信收嘅日子。寫信係我哋繼探訪以外唯一與外界嘅連繫，唯有靠書信才能與愛人對話、了解她身邊發生的大小事。無信收即意味呢個唯一嘅連繫都被中斷（用外面嘅語言可以想像為斷數據斷Wi-Fi，但好似咁樣都唔夠準確），呢啲日子一日都嫌多，更何況連續三日呢？
所以對我來講節日係一件痛苦嘅事，至少不值得快樂。講返中秋節果晚，當時我仲喺荔枝角。返到倉望唔到月亮，只望到一張張愁眉苦臉同通牆爬嘅曱甴，隱約中仲聽到街上有人在喊着什麼，但一切都唔再重要。我食咗支煙，然後迫自己盡快入睡結束咁荒謬嘅一日。
嚟緊嘅聖誕，人人高唱”Joy to the world”。可惜你我身處喺唔同世界，我喺度無法分享到你嘅喜悅，只望自己能夠早早入睡。雖然如此，但我都衷心希望你聖誕過得快樂、平安。
by大師兄
-
此篇為全文，但願大家能夠過一個平安嘅聖誕
Patreon「橋上的人」: patreon.com/onthebridge2
Instagram: @onthebridge2
Facebook: 橋上的人
#獄中書簡 #MerryChristmas #HappyNewYear #毋忘手足 #在囚手足
聖誕將至，首先喺度預祝你聖誕快樂。講句老實說話，自從入咗冊之後我對節日完全談不上興奮，一想到節日甚至會令我胸口作悶有想嘔嘅感覺。其實咁都係理所當然嘅事，普天同慶嘅日子自己卻身在牢獄之中，唔能夠同親朋好友慶祝。外面每一聲歡笑聲就好似係對我嘅嘲笑聲。
諗返轉頭，中秋節係我第一個喺獄中度過嘅節日，亦令我感受最深。中秋本應係人月兩團圓的日子，但當時我舉頭望不見明月、低頭又看不見佳人。看見嘅就只有一張張同我一樣憂愁嘅面孔，當然有少數人會為份中秋禮包（M&M、旺旺仙貝）同埋晚飯隻雞髀異常地感到興奮。
另外假期必定伴隨節日而來，對你嚟講放假當然係值得高興嘅事。節日假期如果咁啱連住星期六日就足足有三日假，夠你去轉台灣或者日本短trip。但對我哋來講，三日假期即代表三日冇信收嘅日子。寫信係我哋繼探訪以外唯一與外界嘅連繫，唯有靠書信才能與愛人對話、了解她身邊發生的大小事。無信收即意味呢個唯一嘅連繫都被中斷（用外面嘅語言可以想像為斷數據斷Wi-Fi，但好似咁樣都唔夠準確），呢啲日子一日都嫌多，更何況連續三日呢？
所以對我來講節日係一件痛苦嘅事，至少不值得快樂。講返中秋節果晚，當時我仲喺荔枝角。返到倉望唔到月亮，只望到一張張愁眉苦臉同通牆爬嘅曱甴，隱約中仲聽到街上有人在喊着什麼，但一切都唔再重要。我食咗支煙，然後迫自己盡快入睡結束咁荒謬嘅一日。
嚟緊嘅聖誕，人人高唱”Joy to the world”。可惜你我身處喺唔同世界，我喺度無法分享到你嘅喜悅，只望自己能夠早早入睡。雖然如此，但我都衷心希望你聖誕過得快樂、平安。
by大師兄
-
此篇為全文，但願大家能夠過一個平安嘅聖誕
Patreon「橋上的人」: patreon.com/onthebridge2
Instagram: @onthebridge2
Facebook: 橋上的人
#獄中書簡 #MerryChristmas #HappyNewYear #毋忘手足 #在囚手足