今次主要講中共嘅殘殺人民、武力鎮壓嘅惡行，希望回顧歷史入面呢個殺人政權嘅暴行，提醒返香港人，切勿切勿忘記中共暴政殘殺人民，武力對待平民嘅惡行，更加唔好諗住可以相信呢個暴政，時刻警惕中共嘅暴行。唔知呢一代嘅人，仲有幾多人清楚知道，喺31年幾前，發生過咩事？

事後，殺害無數和平嘅學生同北京市民嘅中共政權試圖合理化屠城暴行以及暴力「驅散」嘅惡行，唔單止一次又一次降低官方公佈嘅死亡同受傷人數，最後仲出現咗袁木荒謬絕倫嘅大話：「六四冇死人」。滿手鮮血、下令殘殺平民嘅中共政權不但合理化自己嘅暴行，仲試圖封鎖消息、作出美化（坦克人=軍隊冇傷害人...）、掩飾（死傷人數），甚至用到令其他人慢慢遺忘屠殺城嘅手段，逐漸淡化、洗白，試圖令呢日喺歷史中消失。但係，只要人民不至遺忘，佢哋就冇辦法得逞，所以我哋係唔應該，亦都唔可以忘記，中共呢個殺人暴政屠殺平民嘅暴行，要時刻警惕暴政槍口對準人民嘅惡行。

#共匪 #支共禍患 #evilCCP #fxxkCCP #TakeDownTheCCP #天滅中共全黨死清光 #NeverTrustCCP #天安門 #六四