政治就是肺炎
你不理它 它會殺死你

依家武漢肺炎肆虐。如果有人話：我唔理病毒，所以唔會戴口罩出街。我諗你會恥笑佢蠢。點解？因為你唔理病毒，唔防禦病毒，唔注意個人衛生嘅，病毒始終會找上你。

現實中有冇人蠢到咁？有！就係開口埋口話「唔理政治」嘅人！

佢地成日話：「政治好污糟，唔掂佢就乾手淨腳，繼續搵錢最重要。」「政治好複雜，最緊要安居樂業」。

所以呢：
你唔理政治，任由中共欽點特首？
佢就比咗個柒婆你。叫佢封關，當各地區都有相應措施執行嘅時候，佢就同你講你同大陸係一家人，唔可行，唔理想。

你唔理政治，繼續搶口罩？
政府繼續推禁蒙面法，繼續止暴制亂，口罩入唔到境。香港自己都冇口罩用，但懲教署嘅口罩就畀晒大陸班高官。

你唔理政治，搶到口罩就算？
政府就係你屋企隔離起武漢肺炎隔離營，仲要靜靜雞。你守護你家園？佢就出防暴，喺你屋企舉槍，喺你屋企拉人。

係呀，我都好想唔理政治安居樂業呀。我都好想唔戴口罩出街又冇肺炎呀！不過，冇可能㗎！

對付肺炎，你要做好防疫措施，提高衛生意識，時刻留意病毒散播既方式，加以杜絕。
對我地嘅社會都一樣！提高公民意識，時刻關注社會發生嘅事，先至可以好好守護自己擁有嘅一切。

係呀，政治就好似肺炎一樣，你唔理佢，佢會殺死你。
香港人幾時先識得醒覺？

#香港人覺醒