#區域法院第卅六庭
#沈小民法官
#1001銅鑼灣 #審訊 [1/18]

張,胡,陳,蘇,李,沈(17-25)

控罪：串謀縱火

背景：10月1日各區遍地開花，警方當日凌晨根據線報，到銅鑼灣一個單位內拘捕多人，搜出白電油、玻璃瓶、布條、防毒面具等物品。D1先被控串謀暴動，及後才修改為串謀縱火。

——————

📌控方修訂及新增控罪
控方指會有修訂控罪為「串謀參與暴動」，及新增交替控罪「串謀參與非法集結」。

📌控方新增證人
控方新增兩名證人：
第１名涉及伸縮警棍
第２名係高級警司，作為專家證人作供，主要內容包括抗爭者物品、衣著等是否經常出現，但控方庭上又指希望作為事實證人作供

📌辯方回應
辯方指出部分證據，如額外口供及錄像，遲至星期六先收到，都唔希望重新排期，但要時間考慮係咪要求控方進一步披露，同時質疑第２名新增證人以何身份作供。

A3代表律師指出，根據書面日期，控方statement星期五先準備好，沈官質疑控方上次審前覆核先講完唔會有新證據

A4代表律師質疑案件已發生一年，但證供到而家又再有修改

A6代表律師指出控方有新增網上新聞片段，亦需要時間向被告解釋

所有辯方律師均附議A1代表律師要求延期

📌控方解釋
其後控方解釋自己未睇完所有文件😮，同時交代修改控罪詳情。當中有一位證人嘅口供畫錯圖需要修改，亦都考慮緊新增嘅第２位證人應該用咩身份作供。

📌沈官怒斥控方
沈官馬上怒斥控方未睇完嚟法庭做咩，控方有責任畀時間辯方，但延至開案前兩三天才給予辯方案件相關資料。同時質疑控方好多時候都係最後一刻先畀證據，「有得咁樣㗎咩」。
「時間咪浪費囉？你哋話事呀？點解要浪費資源？」已有兩次審前覆核但都未有提及將修訂控罪。
控方解釋自己都係星期二先收到，要時間再考慮修改控罪。
沈官質疑控方覺得俾兩日人哋夠唔夠，「而家個問題係公唔公平，有冇足夠時間俾人準備」，「明明啲資源喺曬你哋度」😡
控方頓時語塞

📌辯方回應
辯方提出雖然有證供只係一頁紙，但要時間考慮申請不採用，質疑控方係咪可以滿足到披露嘅要求，以及控方會唔會再有新嘅嘢呈交。
A3代表律師質疑串謀範圍並不清楚，唔明白點解「串謀暴動」之後嘅交替控罪係「串謀非法集結」。

——————

案件押後至明早12月1日1430再訊
各人以原有條件繼續保釋，審訊期間毋須報到✅

💛感謝臨時直播員💛