【HKAidexit】
一直以來港援都相信要光復香港，必須要團結唔同光譜嘅人，所以我哋都會落力舉辦及參與唔同嘅活動。我哋明白嚟到英國，搞集會唔應該再一如既往咁行禮如儀，就例如喺舊年嘅七一集會，縱使面對眾多反對聲音，我哋依然堅持喺唐人街舉辦集會。及後，我哋亦一直同各個反共、反極權嘅種族，一齊舉辦示威活動，務求可以將香港獨立嘅理念宣揚開去。呢個亦都係當初雖然對喺研討會加入市集元素感到不妥，我哋亦只係向主辦方提出6月12日唔係適當日子就冇再干涉。後來受邀同其他組織share攤位時，我哋亦答應會派發文宣和接受查詢。另一方面，我哋忙於【從磚陣到世界 倫敦展覽】和【倫敦612集會】嘅籌備工作，至後來市集規模發展至引起討論，而研討會×市集主辦方一直未能作公開解釋，都令答應咗做參與團體嘅我哋無所適從。
近來爭議越演越烈，我哋都收到不少人士反映包括對【重建香港公民社會研討會×市集】的日期、形式以及搞手背景的疑慮。我們都有向主辦方查詢，雖然主辦方有回覆我哋，但我哋實在冇辦法代替佢哋向公眾解釋。雖然今日見到主辦方及贊助團體已出post澄清其背景同理念，但我哋再三考慮後，認為612當日有呢種形式活動並不適合，亦有不少人認為我哋參與會變相令人覺得612係輕鬆日子（雖然我哋自覺冇呢個影響力），再加上我哋諗諗吓發覺想做嘅嘢其實喺會場外面都做得，所以我哋決定：
1. 退出是次活動，並要求主辦方於日後嘅宣傳上移除我哋嘅logo。
2. 改為喺會場外派發leaflet。
3. 於6月12日12點至2點期間於會場呼籲參與者去出席集會。
4. 繼續促請主辦方積極回應公眾疑問，聆聽意見。
最後，我哋期望今次事件唔好演變為互相責難，對於唔同取態嘅人，我哋可以試吓以論據同行動去說服咗對方先。團結香港人從來都唔係容易嘅事，但面對嘅敵人係中共，我哋真係要思考一下香港人喺海外嘅角色同可以做啲咩嘢幫到香港。另外，希望大家可以關注多啲展覽同集會嘅情況。
民族自強，香港獨立。612集會要人！
一直以來港援都相信要光復香港，必須要團結唔同光譜嘅人，所以我哋都會落力舉辦及參與唔同嘅活動。我哋明白嚟到英國，搞集會唔應該再一如既往咁行禮如儀，就例如喺舊年嘅七一集會，縱使面對眾多反對聲音，我哋依然堅持喺唐人街舉辦集會。及後，我哋亦一直同各個反共、反極權嘅種族，一齊舉辦示威活動，務求可以將香港獨立嘅理念宣揚開去。呢個亦都係當初雖然對喺研討會加入市集元素感到不妥，我哋亦只係向主辦方提出6月12日唔係適當日子就冇再干涉。後來受邀同其他組織share攤位時，我哋亦答應會派發文宣和接受查詢。另一方面，我哋忙於【從磚陣到世界 倫敦展覽】和【倫敦612集會】嘅籌備工作，至後來市集規模發展至引起討論，而研討會×市集主辦方一直未能作公開解釋，都令答應咗做參與團體嘅我哋無所適從。
近來爭議越演越烈，我哋都收到不少人士反映包括對【重建香港公民社會研討會×市集】的日期、形式以及搞手背景的疑慮。我們都有向主辦方查詢，雖然主辦方有回覆我哋，但我哋實在冇辦法代替佢哋向公眾解釋。雖然今日見到主辦方及贊助團體已出post澄清其背景同理念，但我哋再三考慮後，認為612當日有呢種形式活動並不適合，亦有不少人認為我哋參與會變相令人覺得612係輕鬆日子（雖然我哋自覺冇呢個影響力），再加上我哋諗諗吓發覺想做嘅嘢其實喺會場外面都做得，所以我哋決定：
1. 退出是次活動，並要求主辦方於日後嘅宣傳上移除我哋嘅logo。
2. 改為喺會場外派發leaflet。
3. 於6月12日12點至2點期間於會場呼籲參與者去出席集會。
4. 繼續促請主辦方積極回應公眾疑問，聆聽意見。
最後，我哋期望今次事件唔好演變為互相責難，對於唔同取態嘅人，我哋可以試吓以論據同行動去說服咗對方先。團結香港人從來都唔係容易嘅事，但面對嘅敵人係中共，我哋真係要思考一下香港人喺海外嘅角色同可以做啲咩嘢幫到香港。另外，希望大家可以關注多啲展覽同集會嘅情況。
民族自強，香港獨立。612集會要人！