【本日焦點新聞 2023年10月13日】

//據《追新聞》報導，有持有BN(O)簽證嘅港人，透過永明金融取回強積金（MPF）後，喺暑假期間入境香港時遭自稱廉政公署職員帶入房間問話。佢地被扣押48小時外，仲被沒收旅遊證件及要定期報到，結果至今仍未可以翻佢地嘅移民所到嘅國家。

報導指，佢地喺「在英港人Facebook group」認識永明金融保險從業員，並根據從業員指示喺英國搵律師宣誓「永久離開香港」，而中介就會安排文件聲稱申請人移居中國大陸或其他城市，黎辦理手續取回強積金。報導又稱，暑假係回港高峯期，所以廉署開始「收網」，而行動主要針對BN(O)簽證、又曾成功申領強積金嘅在英港人，喺佢地入境時採取截查行動，並帶到警署問話，扣留48小時並沒收旅遊證件，可以保釋但要定期到警署報到，同時仍未被控任何罪名。報導指有不具名嘅前廉署人員證實有關消息，並指「年底將會落鑊」。

根據我地《自由港》所知，的確有人成功用唔同途徑攞到強積金，而大部分都係經過永明金融嘅中介處理。而身在世界各地嘅佢地都可成功取回強積金，同時佢地目前出入香港自如，並未被捕。已知，永明金融取得嘅強積金有關群組已解散，有取得強積金嘅BN(O)港人得悉消息後同我地表示，已經唔敢再翻香港，指擔心有被捕嘅風險。//

———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom
捐款支持我們:
https://ko-fi.com/harbour_of_freedom