[為支援政庇手足而開展既 OpenEvidence Initiative ]

XXXX Federation 深明尋求政治庇護既港人所承受既壓力；除左前路茫茫、對未能光復香港而自責、對被困香港既手足愛莫能助既無力感、痛恨自己要依靠在港手足既困境令自己既申請獲批、對在外港人未如預期合力抗共既憤怒、以及經濟壓力之外，仲有一樣就係要準備文件去支持自己既申請。

要整理出一份咁既文件非常唔簡單，除左要搵返哂同自己相關既新聞、時刻Mon 住最新既國際報告 / CPIN更新同引用適用既部份、清清楚楚同律師交待始末、仲要將所有適用既中文文件翻譯成英文 (重要文件要交由 Registered Translator certify)。每一個步驟都係不停重溫自己既抗爭，不斷回顧當中既怨恨同憤怒。

英國現時有數百個香港人正尋求政治庇護，而英國政府既審批時間正因 Channel Migrant 同埋俄烏戰爭而大幅度延長。 負面去睇，呢個情況拉長左佢地既煎熬，但正面去睇，係多左時間比佢地去準備上面提及既文件。

隨住香港情況每況愈下，除左暴動同非法集結之外，煸動同國安法都係唔少人尋求政治庇護既原因。而對比暴動同非法集結，煸動同國安法既申請好可能涉及大量文件、新聞同外國報告。

為減輕手足準備文件時既壓力，同埋協助手足提升證據文件內容既全面性， XXXX Federation 現開展 OpenEvidence Initiative，嘗試盡可能整合適用資訊，連同相關檔案，供手足參考或者下載使用。

現階段會先整合具參考性既香港新聞、法庭判詞 以及 NGO / 外國政府報告 。XXXX Federation 現誠邀有心人共同更新同維護，並希望大家廣傳令有需要既手足可以睇到。

判案清單 (包括統計數字及新聞及判詞) 將於有足夠人力時開始整合。

公用證據列表:
https://docs.google.com/spreadsheets/d/1_ctTdn0VTUM2iDR9IPkH9ynUECz4_2yt/edit?usp=sharing&ouid=112730179820733718888&rtpof=true&sd=true

公用證據文件:
https://drive.google.com/drive/folders/1C-L63IQgpoO8-NPz-PnrcL_dLKmDHlDe?usp=sharing

如對呢個Project 有興趣，又或者有任何意見，歡迎與 @Espouse 聯絡。