520號Admin小感言 :

蘋果日報係呢廿六年黎，陪伴住每一代香港人嘅成長，佢為大家報導最貼切嘅資訊，果籽為大家提供各式嘅生活資訊同人物故事，飲食男女令到大家可以食好啲⋯⋯可惜與香港人同行嘅一個報業，今日之後就要被消失。

呢幾日有啲繪圖，講到蘋果掉咗落嚟，為呢片土地埋下種子。但其實，種子一早喺反送中，甚至更早嘅佔中，埋咗喺各位同路人嘅心中，只係差在到底你花咗幾多時間同心機去培養。如果只係為咗嗰一時無聊，玩幾日就唔玩，就算種幾多粒，佢都係唔會結果。

喺呢個壞嘅時代，admin從來冇打算放棄，當初我都講過，就算最後剩返我一個人，我都會繼續行落去。如果你覺得呢粒種子，今日先開始埋下，可以諗吓除咗支持黃色經濟圈同抗爭日常化，有啲咩你覺得係可以為香港做嘅事。

即時在這壞時代，也請堅守此份信念。