呢張咭出現嘅目的，係令大家唔好忘記有12位手足，因為反修例事件，前往臺灣途中被支方人士捉走送中，各方證據顯示港府港警參與其中，目送12位年輕人被捉後才離開事法地點並隱瞞背後真相。

呢張咭，我會放喺我銀包。當大家仲可以返工返學，生活「如常」，唔好唔記得，有班真·手足背後為大家嘅付出：有被迫離開香港、有被捉到坐監、有被失蹤、亦有已經被徹底消失......

2020即將完結，疫情嘅爆發，沖淡咗好多人嘅記憶；初衷，亦有唔少人已經遺忘咗。當初大家係為咗乜嘢而團結再走出嚟？

聖誕將至，大家拎咗張咭之後，除咗可以自己keep/送畀人/寄畀人，等大家關注12位手足之餘，仲可以寫信畀被困禁嘅手足，等佢哋知道，佢哋並唔孤單。仲有案件未完嘅手足，香港人並冇忘記佢地。

我地一直都等緊嗰一刻嘅來臨。

祝 安好

#save12 #save12hk #save12hkyouth #NeverForget #LiberateHK #RevolutionOfOurTime