【立即透過燕子生命網上筆友系統撰寫生日信予牆內手足】

喺牆內嘅手足與世隔絕，今年，甚至之後幾年嘅生日可能孤單一個，無人同佢慶祝、亦都唔會有蛋糕、有蠟燭，冇得許願，冇得同愛嘅人共聚。

#請一直持續畀祝福佢哋

嚟緊就係李手足嘅生日，喺年初爆炸案中，佢俾港共以涉嫌「串謀導致相當可能會危害生命或財產的爆炸」、「管有物品意圖摧毁或損壞財產罪」罪名控告。而當李手足被拘捕嘅時候，多次俾警方以「會搞佢女朋友」、「同案其他被告打得好慘」等內容恐嚇。李手足至今都係未能夠保釋，繼續還柙監牢。

我哋會一併收集各位嘅祝福，將溫暖帶入冰冷嘅牢房，直至手足重獲自由。天水連線將會為大家轉寄心意。四位區議員嘅辦事處都將會提供由天水連線設計嘅生日卡，歡迎各位街坊參與，方法如下：

1/親臨辦事處自取，並寫低祝福語句，
2/自行設計生日卡，寫好後交到四辦
3/透過燕子生命嘅網頁︰https://www.swallowlife.org/ ，以電子寫信系統寫生日卡！（方法：登入 > 撰寫信件給手足 > 撰寫信件予爆炸案李手足 ）

只要每人做多一步，證明大家無忘記過佢哋，已經係我哋可以送俾手足最大嘅禮物，請大家同手足同行。

四辦地址如下：
#侯文健：新北江商場1／F B6號舖*
#林進：天瑞邨瑞財樓地下2號*
#伍健偉：天水圍+WOO 一期251號
#關俊笙：天水圍天恩邨恩福樓地下5號