🛰🛰🛰🛰🛰🛰🛰🛰🛰🛰🛰
🚨🚨🚨🚨🚨🚨🚨🚨🚨🚨🚨
#銀河系呼籲 #長文求傳閱
#銀河系心聲
有見及因港版國安法
於30/6 2300正式實施
不少地球人對生活於國安法底下
表示十分擔心
部分地球人更因此unsubscribe不同telegram頻道
更甚因而刪除telegram

銀河系一眾哨俠表示
我哋唔屬於地球上任何一個地方
銀河系哨俠頻道亦不會消失
我哋與你同在
請你地唔好因為惡法實施
而進行自我審查 自我批判
如果你哋都退縮
我哋請你回想返一開始點解你要踏出第一步
諗返你堅持咁耐嘅原因
以及當初參與呢一場運動嘅初心
一眾銀河系哨俠平日甚少以此渠道及身份
發出心聲及此等呼籲
希望大家唔好俾所謂嘅白色恐怖打壓
唔好因為有人話你做嘅嘢唔啱
你就都認同人哋話你做嘅嘢係錯
我哋堅決守護我同你嘅家園
希望你都唔好將你原本伸出嘅一對手收返埋
眼底下 好多地球人都默默表示灰心氣餒及疲憊
係啱㗎 每個人都有會攰嘅時候
但感覺到攰 正正係因為你有曾經為過呢個屋企出過一分力
請你休息好然後再重新上陣
香港需要你 更加需要心智強大嘅你
無論情況有幾好有幾惡劣都好
至少仲有我哋唔會離棄你哋
我哋懇請你將嗰對本來想收埋嘅手
再次向我哋伸出來 同我哋一齊並肩前行
未來可怕係因為佢係未知數
但未來可愛亦正正因為我哋可以將呢個未知由「520 1314」寫成「願榮光 歸香港」


我地明白大家嘅擔心
但仍然希望大家持續去做你哋最低限度做到嘅嘢
去幫一班仲肯為左香港去行出嚟嘅地球人

有鑒於近日哨台訂閱人數下跌
請多多支持哨台
你哋嘅訂閱人數係我哋最好嘅動力
因為你唔知道幾時哨台既資訊
幾時會救人一命
你做多一步 就保障多一班地球人既安全

⚠️⚠️⚠️銀河系小任務⚠️⚠️⚠️
見此post 請share比身邊既地球人
請緊記 銀河系哨俠與你同在
我哋係永遠唔會放棄你嘅一群
我哋努力嘅同時
希望你哋唔好當我哋係condom
訂閱人數係我哋惟一一個可以知道你哋支持我哋嘅證據 請以數字代替你哋多謝我哋嘅一切
肯做嘅人越來越少 我哋有時都會灰心
但我哋從來冇諗過要放棄

“The only thing we have to fear is fear itself”
— Franklin Delano Roosevelt

最後都係果句
光復香港🇭🇰時代革命
五大訴求🖐缺一不可
🚨🚨🚨🚨🚨🚨🚨🚨🚨🚨🚨
🛰🛰🛰🛰🛰🛰🛰🛰🛰🛰🛰